بنج نصفي او كامل للقيصرية

[مألوفة]

السلام عليكم كروشات

بنات انا رحت لدكتورتي وخديت منها موعد ولادة قيصرية واول مرة بولد قيصري ولاداتي مرتين كانو طبيعي بس بتقولون ليش ها المرة قيصري؟؟:gr4uu::gr4uu:

پنات انا تعبت بولادتي الثانية بسبب البواسير بغيت اموووت من العوار وكنت مسوية خياط تجميلي فكان الام مضاعف المهم قررت اني ها المرة اولد قيصري الحين ابي اسال القيصريات

اخد بنج كامل او نصفي شنو تفضلون؟؟ لاني سمعت البنج الكامل يسبب كحة بعد الولادة والبنج النصفي يجيب صداع فابي تجاربكم بنات تكفون حدي خااااااايفة والله يسهل عليكم ولادتكم يا رب :yaaaaaarb:

 

[&هند&]

انا جربت البنج الكامل لاني تخرعت شفتهم يربطون ايدي بحزامات وقلت ابي بنج كامل ما ابي اشوف شي وفيني ربو يالله تعذبت اول اسبوع من الكحه كل ما كحيت حسيت خياطي بينفتح وغير اسبوعين من اقوم من فراشي احس بدوخه بس كل يهون ولا سوالف الاخطاء الي بابرة الظهر ،،،

 

["*آآآنؤؤؤقهـ*"]

انا بنج كامل

البجر يستحسن كامل

بس اذا قيصري مره ثانيه بنج نصفي


انتي تعتبرين اول مره فختاري كامل احسسن لج


اللع يسهل عليييج

 

[شروق &]

النصفي اعجبني مع ان جاني خوف وقلت للدكتور وعطوني ابره بالمغذيه وضبطوا الوضع
وشفت البيبي يوم طلع
بس ظهري ذحين تعبان وماادري النصفي راح يضرني هذي المره او لاء

 

[بنت فلاان]

انا بالسبة لي افضل البنج النصفي

لان البنج العام اذيه بالدوخه والكحه

 

[كستنائيـة ع ـسل]

انا ولدددت كااامل احسن والحمدالله ماجتني كحححه بِــ̯͡سّ مرت حماي ولدت بنصفي مسكينه ظهررررها حيل يعووورها واذا حملت ظظظهرها حيييل يعووورها تنام ع ظهرها طول الوقت

 

[مألوفة]

فديتكم بنات انا عشان اول مرة قلت البنج الكامل افضل لاني حيل خةافة وماابي اشوف ولا احس بشي لين يخلصون بنات نبي بعد تجارب فديتكم

 

[حروف من ذهب*]

انتي طلبتي منها القيصرية ؟؟ يعني تقدرين تولدين طبيعي ؟؟

 

[حبيبي مالكني]

شوفي بما اني خبرة بالولادة القيصرية
ولدت مرتين والمرة الثالثة بطريج
انصحج بالبنج الكامل
واهو يسبب لج بلغم بس مع الادوية يخف

 

[طيبة83]

عندنا مافي بنج كامل لازم نصفي

بس انتي من صجج تختارين قيصرية

الم القيصرية لا يقارن بالم الخياط

ليش تشقين بطنج وتعبين روحج

 

[زهرة الزهور]

نصيحه ﻻ تولدين قيصرية الله منعم عليج بالطبيعي تروحين تسوين عمليات حرام والقيصرية تعتبر من العمليات الكبيرة يعني مو عملية بسيطة وﻻ تفكرين ان القيصرية سهلة ﻻﻻﻻﻻﻻ العن من الم الخياط
بالنسبة لي انا جربت البنج الكامل وجربت النصفي بس انصحج ﻻ تفكرين بالكامل يتعبج تعب فوق التعب الي انتي فيه ودوخه ولوعه وبلغم بهدله
اما النصفي ﻻ ادش اولد وانا صاحية واشوف البيبي واطلع من العملية خالصة ومااحس بشي وصاحية شحﻻتي والم الظهر ماله شغل بالبنج النصفي هالحين مافيه احد مايعوره ظهره بنات وحريم وحتى رجاجيل
الله يسهل امرج استخيري