بنت ولا ولد؟؟؟؟!

[إشتقتلك]

مساآء الخير حبيباتي?

حبيت استفسر منك وابي كلكم اتفيدوني باللي اتعرفونه لانه بموت واعرف شنو فيني:bbbiu:
انا اراجع في عاليه الطبي عند دكتوره تانيا وامس سويت سونار وقالتلي البيبي مسكر رجوله بس يمكن بنت لان البنت اهي اللي اتسكر رجولها اما الولد يفتحها وانا بصراحه كلهم ابيهم واللي يجي من الله حياه الله بس ذبحتي الفضول بعرف شنو في بطني ? وياليت انفيدوني منو سوا سونار وطلع مسكر رجوله بعدين عرفت جنس الجنين وهل هو ولد ولا بنت عندي موعد بعد شهر بس مااقدر اصبر?
فيدوني واكون شاكره لكم??

 

[اعشق فهاوتي]

هههه يمكن الجنين يبي يسوي لج مفاجاه لول
اتمنى البنات يفيدونج

 

[احساس نادر]

حاسه فيج وبشعورج انا حامل وذابحني الفضول انطر موعدي بعد شهر
اما اختي سوت سونار وقالتلها البيبي مصكر رجوله ويمكن بنت انطرت شهر وسوت السونار طلع ولد ف مو شرط البنت الي تصكر رجولها

 

[إشتقتلك]

اعشق فهاوتي شكله جذي بس انا اتوقع طالع عنيد ع ابوووووه��
احساس نادر مشكورا فديتج��

 

[moool]

هههههههههههههه انا دراستي بهالمجال
بعض الاجنه يكون مو واضح الجنس عشان وضعيته
انتي اصبري والله يرزقك​

 

[@سيدة نفسي@]

انا ولدي كان ساااااجد سبحان الله

والله العظيم كنت أسمع هالسالفة وماأصدق

لحد ماشفت بعيوني .. وقعدت الدكتورة تقلب

فيني يمين ويسار وتقوللي مووووو مبين .. تعالي بعد جم اسبوع؟!!!

طبعااا مارضيت أطلع لحد مابين معاها النوع

وشفت بعيوني وصج تأكدت عقب جم أسبوع ..

 

[زمردة مشعة]

انتي بأي شهر حبيبتي ؟

 

[Um Ritaj]

انا بحمالتي هذي قالتلي دكتوره هنديه انه مسكر رجوله بس ما قالت يمكن بنت

ورحت للهادي بنفس اليوم لا سوناره واضح وقالي انه ولد

 

[الجوهرا]

اهم شي الصحه والعافيه

 

[ملاك ^ الحب]

موشرط اذا مسكر ريوله يعني بنت

بعد شنو تسوين نطري احسن عشان يبين اكثر

 

[عيدي عيدين]

انا مرتين طلع مسكر رجوله بس بالاخير قالي بنت الحمدالله

 

[BubbLe87]

عيل انا بنتي ليش ما تستحي كل مرة مبطلة ريولها ههههه
حبيبتي اذا مسكر ريوله ما يبين واضح لازم يكون فاتحها فلا تعتمدين الا النتيجة الواضحة و باخر الشهور اضمن لج
رفيجتي من نهاية الرابع بين معاها ولد
انا من نص الخامس الى اول السادس بينت انها بنت
و الله اييبهم بالصحة و العافية كلهم مجكنمين و حلوين :*

 

[بنت جنيف]

موشرط مسكر ريوله بنت

 

[إشتقتلك]

مشكورين حبيباتي عالردود الحلوه وكلهم حلوين بس فضول ودنا انتسوق��
زمرده مشعه حبيبتي انا في نهاية الرابع��

 

[Tic_Tac]

جنس البيبي يبين وواضح عدل ويكون ميه ميه بإذن الله
بالشهر السادس
لانه الاعضاء تتشابهه عند الجنسين لانهم قاعدين يتكونون
فـ سبحان الله يكونون متشتابهين علشان جذي مايعطونج الاوكي

في موضوع في وحده من البنات حاطته شوفيه سبحان الله
وبالصور بعد


*

 

[Meeesh]

انا بعد كان مسكر رجوله ومو باين شي

ان شاء الله موعدي الجاي يكون واضح

 

[[[ عيون جابر ]]]

موشرط البنت تسكر ريولها
انا لما السادس مسكر ريوله ويقولون لي بنت اخر السادس عرفت ان ولد والحمدلله اثنينهم حلوين

 

[عيدي عيدين]

عيون جابر لما قالولج بنت يعطونج جم بالمية الاكيد والا
تحسينهم مو متأكدين ومتى عرفتي ولد باي شهر وعند
نفس الدكتور والا لأ

 

[Hajer~]

في مو قع صيني يطلع لج اذا فيج بنت ولا ولد

طبعـــآ الله عـآلم مــآفي الارحــآم

لكنها تسليه عند بعض البنـآت والاغلبيه ضآبطه وياهم

 

[عواش1987]

انا بنتي تغطي ويهها وتسكر عيونها بس مستحيل تسكر ريولها لوووول

لي درجه لما طلعت من بطني ريولها الاثينين طايحين من كثر ما كانت مفوشحتهم طول الاشهر