بنات في موضوع في بالي من زمان ودي اكتب عنه واليوم وانا فاتحة القسم لقيت موضوع بنت فينا تتكلم عن الغشمرة بين الزوجين
خفة الدم حلوة بين الزوجين والريال يموت في الحرمة خفيفة الظل وماعندها سوالف غم وهم ودايم تتغشمر اكيد مر عليكم حريم خفاف ظل وقلتوا داخل انفسكم ياهنا زوجها فيها اشلون يدخل قلبه الهم وهاذي حرمته
خفة الدم هي موهبة بس اتصور نقدر نتعلم حركات غشمرة تطري الجو بين الزوجين ترى الريال يحب الوناسة ومايحب الجدية حتى لو كان هو انسان جدي ومايضحك تراه يموت بالحرمة اللي دايم الضحكة في ويها
المطلوب يابنات تعلمونا حركات الغشمرة وشلون نخفف دمنا
وانا خصيت بنت فينا بالموضوع عشان اخرعها اولا وثانيا عشاني توي قارية موضوعها وكانت تتكلم عن غشمرتها مع ريلها نبي افكارج
واللي عندها زود تتكرم وتستلم المايك
