بنت عمي و خطيبها

[كيكة الكرز]

السلام عليكم
ودي آخذ رايكم بمسئلة
بنت عمي مطلقة من غير اطفال عمرها 30 و حيل طيوبة و زينة بس نصيبها انها ما استمرت مع زوجها الاول
الحين تقدم لها شخص بس مطلق و عنده 3 اطفال و الاطفال عنده عايشين لان امهم قطتهم عليه و قالت ما ابيهم
تخيلو عنده طفل عمره 9 شهور و اول ما ولدت زوجته قطته عليه و طالبت بالطلاق يعني الحين بنت عمي لو تزوجته راح تربي 3 اطفال صغار يعني من بداية زواجها بتتعب و انا خايفة عليها من هالزواج
اشرايكم ؟؟ توافق او لا ؟
للعلم نادر ما يتقدم لها خطاب لان عمرها شوي كبير و مطلقة و فرصها بالزواج قليلة

 

[نبنوبه.!]

والله مادري حبيبتي خل تستخير وتشوف ترتاح ولالا

 

[بنت بـدو]

خليها تستخير وان شاء الله خير يارب

 

[طيف علي]

تزوجه هي مطلقه والحمدالله انه جاها عريس البنات ماتزوجوا يتمنون شايب يطق الباب

 

[! Harrods !]

اذا الريآل زين ليش لآ.
و تكون حق العيآل أمهم

و الأهم تستخيير

 

[مجهوله تايم]

انا اشووف انوو تستخير الله اول شي

ثاني شي لوو تقوله يجيب خدامه تسااعدهاا في الا طفال من ناحية ملابسهم والتنضيف وراهم اما تربيتهم هي تربيهم وربي ماراح يتركهاا راح يباركلهاا بعمرهاا ومع رجلهاا

 

[ناتشوو]

تستخير
بس تحط في بالها
احتمال يرد امهم اي لحظة
خاصة انه توه منفصل
كون ولده بو ٩ شهور
الظاهر مرته الاولانية بتربيه وخلت العيال عنده
وهو بعد بيتزوج تأديب لها
الله يقدر لبنت عمج
والخوف الاكبر مو يرد بنته
الخوف لو طلق بنت عمج
لو رجع الاولانية
الزبدة
لما توافق خل تحط في بالها
كل الاحتمالات
لا تنصدم حيل
وطبعا في احتمال مايرد الاولانية
مايندرى
تستخير
والله يقدر لها الخيرة من امرها
ومن البداية
من الاشياء اللي يتفقون عليها
وجود خادمة تساعدها ع العيال

 

[بنك بااستا]

مااعرف الله يوفقها

 

[شادن33]

تستخير ربها بالاول

وتشوف الريال يستاهل هالمجازفه

وتشوف نفسها تقدر على هالمسؤليه. عشان ماتظلم نفسها وتظلم هاليهااال

 

[نورة حسام]

خل تتزوج ترى اهي كبيرة وبعدين مطلقة

 

[موريا آدم]

الرفع للافادة

 

[نشيج الروح]

اذا تبيه لازم تحط شروط معينة لحماية نفسها والاستمتاع بحياتها وبنفس الوقت ما تكون مقصرة عالريال والعيال بشي

 

[manoooram]

خلتصلي صلاة استخارة وتقولبها براسها بدل المرة مرات
لأن هذا زواج مو لعبه
وببداية زواجها كعروس بتدخل على دنيا المسئولية
ورعاية و تربية اسم الله عليهم 3 أطفال
وبما أن البيبي الصغير 9 شهور معناته ان توه منفصل عن زوجته مو من زمان
وفي احتمال و فرصة كبيرة ان يرد زوجته الأولى
الا اذا متزوجه بهالفترة
الله يوفقها يارب بس خلتفكر احسن

 

[امـ خــزامـى]

تستخير
بس تحط في بالها
احتمال يرد امهم اي لحظة
خاصة انه توه منفصل
كون ولده بو ٩ شهور
الظاهر مرته الاولانية بتربيه وخلت العيال عنده
وهو بعد بيتزوج تأديب لها
الله يقدر لبنت عمج
والخوف الاكبر مو يرد بنته
الخوف لو طلق بنت عمج
لو رجع الاولانية
الزبدة
لما توافق خل تحط في بالها
كل الاحتمالات
لا تنصدم حيل
وطبعا في احتمال مايرد الاولانية
مايندرى
تستخير
والله يقدر لها الخيرة من امرها
ومن البداية
من الاشياء اللي يتفقون عليها
وجود خادمة تساعدها ع العيال

:rerrerek: معاها

 

[شوق الوليف]

وليش تربي عيال غيرهااا شتبي فيهم محد بينفعها وهي الي بتاكلها تربي وتكبر ويضيع شبابها عليهم ولا كبررو بيحنون عليها بيرحمونها بتبقى بالنسبه لهم مرت ابوو وبس << ما اعلم الغيب بس خليها تتوقع الاسوء وان كان لها شي طيب الله يسعدها واذا لا ماتنصدم وتندب حظها وبعدين شلها بعواااار الراااس هذا عنده 3 عيااال مو 1 عالعموم كيفهااا حياتها واختيارها انا مادري عن ظروفها بس الاهم تستخيررر والله يكتب الي فيه الخيرر لا تستعجل والله يوفقها

 

[رنيم الروح]

حبيبتي خليها تستخير بالاول وبعدين اهم شي الرجال يستاهل ولا لا
وعلى موضوع العيال ارد على الي تقول مو نافعينها بالعكس اذا ربتهم وحسستهم انها تحبهم وامهم راح يحبونها وينفعونها عندي خالتي اتزوجة واحد عنده 5عيال وبنت واعمارهم كانت بالمراهقه اكسبتهم وحبوها ومايندونها الا يمه حتى بعد موت ابوهم ارفضوا انها تطلع وتخليهم وكلهم متزوجين وعندها بالبيت وعوضها الله فيهم
بس بنت عمك خليها تشوف الرجال اذا يستاهل ولا لا
والله يوفقها

 

[عيناويه العين]

عادي حبيبتي تستخير وتتوكل على الله اكيد زوجها بيعاونها واتوقع مخلصه دراسه يعني الا فالبيت

 

[PuPa^^SWeeT]

ما اايد هالزوووااج



تستخيير و اتشوووف

 

[كوكي الحلوة]

والله مافي زي الاستخارة والخيرة فيما اختاره الله عزوجل وانا اقول لو قدر ربي وتزوجته تكسب اجر في اليهال بالعكس راح يحبوها ويعتبروها امهم بذات البيبي ي قلبي عليه مايدري ​

 

[جيرازksa]

انا بصراحه اشوف دامها كبيره بالعمر ومطلقه تتزوج حتى لو فشل زواجها او رد زوجته علاقل جابتلها ضنى يشيلها بكره

امي تزوجت بابا وعمرها 32 وهيا بنت بكر وهوا عنده 4 صحيح ربي ماكتب لزواجها استمرار وانفصلت بس على قولها شوفتكم بنتين قدامي تسوى الدنيا ومافيها
ماتدري لو ماوافقت مايتقدم ثاني والعمر يسري وفرص الخلفه تقل