بنت عبد الغني شربت وكل الي اعرف عن سنغافورا حياكم ..

[q8**girl]

قووه ..
شلوونكم ؟؟
ودي اعرف احسن اماكن السياحيه بسنغافورا ان شاء الله بأذن الله بروحلها بعطله الربيع ..
وقوليلي عن السوق وشنو احسن شي وكل شي
بروح على طيران السيلانيه ان شاء الله .. وفندقنا بيكون هذا ان شاء الله http://www.mandarin-singapore.com/index.htm

ومشكوووره مقدما :ggdw:

 

[شهدQ]

جزيرة سانتوسا


والسفاري الليلي


وشارعOrchard Road للتسوق

وفي محل اسمه bhg


تفضلي رابط موضوعي


http://www.q8yat.net/showthread.php?t=81589

 

[q8**girl]

هلا وغلا شهوود مشكوره حياتي بس حسافه ماطلع الصور
بس يزاج الله الف خييير وانزين شلون اسعار سوقهم ؟؟

 

[بنت عبدالغني شربت]

هلا والله انا حاطه الاماكن السياحيه وما قصرت شهد

اهم شي جزيره سنتوسا

وحديقة الطيور


والسفاري


حديقة الحيوان يمدحونها بس ما شفتها


والسوق انا ما رحت له بس رحت اورشد رود



بس الفندق الي انا سكنت فيه عجيب عجيب عجيب


بس هم مندرين حلو انا كنت باخذه بس عجبني سويستيل اكثر


وهذي سفرتي حق سنغافوره وعليج بالعافيه صج حلوه بس يبيلها 4 ايام مو اكثر

http://www.q8yat.net/showthread.php?t=70694


وفي بعد البطه البرمائيه وفيها كروز عشا علي الريفر

 

[شيهانه]

انا رحت العام ... احلى شي فندقنا شنغاريلا اينننننننننننننننننننننننننننننننن الصراحة عجيب

وفيه باص يوميا يودينا تاكاشياما .. هذا مثل الهارودز .. يعني مجمع كبيييير وطوابق كله ماركات ما تخلصينه في يوم والطابق التحتي فيه هارودز .. اينن كل شي تبينه تلاقينه اكل بسكوت كاكاو واجناط وكل شي حلو حق الصوايغ ..

طبعا تاكاشياما فيه كل الماراكات كارتييه - هيرميز - لويس فويتون - ديور - فندي - دونا كاران - كنزو - لويفي - سيلين

.....الخ

والشارع الي يمه كله مجمعات ماركات يعني تطلعين من مجمع تدخلين المجمع الي يمه ..


والله نسيت باجي الاسامي بس في الجزيره اكبر مول في سنغافورة روحيله

في بعد بشارع العرب محل يبيع بخور سنغافوري وتايلندي وغيره اينن ودهن العود لونه اخضر صج صج شي اصلي

 

[tofy]

انا رحت لها شهر 8 الي طاف وايد حلوه وتونس ونظييييفة سكنت بالاورشارد ستريت بفندق ماريوت نفس الفندق الي بتقعدين فيه موقع الفندق استراتيجي كلشي يمه والشارع كله مجمعات على الصوبين ما خلصتهم

وعندج جزيرة سنتوزا وايد حلو فيها عروض مثل عرض الدلافين

وعندج حديقة الأوركيد وايد حلوه وحديقة الطيور بعد


وبشارع اورشاد كلهم مكاتب سياحية فيها بروشورات بالعربي انا استفدت وايد من هالمكاتب

واذا عندج اي استفسار انا حاضره ؟

 

[sa7ab]

روحي عالبحر فيه كله مطاعن سي فود عجيييييب بتدعيلي انا رحت يمكن من 3 سنين لحد الحين طعم القبقب بحلجي
اخذي بطعم الشيلي او بلاك بيبر

تاكلين اصابعج من حلاته

وفيه تاجير قواري حلو والمكان يونس لايطوفج

 

[tofy]

لا مو بنفس فندقج قعدت انا قعدت ب جي دبليو ماريوت الي بالاورشارد رود