بنت الامارات من جديد... دعواتكم لي

[بنت الاماارات]

السلام عليكم ورحمه الله وبركاته

قبل فترة نزلت هالموضوع

http://www.q8yat.com/t1131082-*.html



مر شهر بالظبط ... لله الحمد والمنه احس من داخلي تغيرت كثيرا ... اصلي بخشوع اقرا ،، اقرا البقره ،،، اصوم الاثنين ،،، قد ماقدر ماسمع اغاني،، آصلي الليل،، اطلع وانا في قمه الوناسه والطمئنينه... وووايد وووايد اشياء غيرتها فيني

الحمدلله يارب العالمين ....

ابتعدت عن اخباره كلها ولا اعرف عنه اي شيء .... وكل مايتني حرقه او طرا في بالي اتذكل كل شي حقير سواه وقاله لي وكيف وعده وحلفه كل كذب... واتخيل انه الله معاي ومايخذلني لاني تبت لله ولله الحمد


بس السبت سمعت اختي تقول فلاننه عندهم عرس باجر تقول حق بنت خالو والله انيي نشيت من مكاني ع طول عسب ماسمع تكمله الكلام

بس خلاص قلبي قرصني ويتني الدوره وقتها وكرهت حيااااااااااااااتي

ومن الضيقه كتبت ف تويتر اسمه وقبيلته جان واحد كاتب نبارك لفلان عرسه اليوم وحاطين صوررته !! وهو في العرس يعني حزتها !!! تصدقون ابتسمت وما نزلت ولا دمعه من عيني بس قعدت اطالع الصوره اقول حسبي الله ليش لعبت بمشاعري هالكثر !

وقعدت سهرانه مع بنات خالي عسب مافكر بشي

بس غصب عني يا بنات اليوم الثاني نشيت واقول احين هو معاها احين اكيد بيسافرون احين طلعو احين يضحكون والله حررررررررررررررررررررررقني التفكير حرقني...

وماخليت دمعه تنزل من عيني لانه قسم بالله مايستاهل واحين بتطهر و بتوضا وبصلي ولو ف خاطري دموع بصييييييح يصصصصصيح واانا اشكي لربي فقط يغفر لي اللي راح مب له الحقير استغفر الله العظيم...



حطيت لكم الموضوع مادري مب انها مشكله

مجرد فضفضه وابغيكم تدعولي دخيلكم من قلبي الله يعوضني خيييييييير ويمسحه من قلبي نهائيا ويبعد وبكل دعوه حلوه دخيلكم ... والله انكم نفس خواتي ربي يحفظكم ويفرج همومكم ويسعدكم ياااارب

 

[كنوشة 2009]

عسى الله يثبتج ويغفر لج
ويعوض عليج

 

[granted]

الحمدلله انج افتكيتي منه
والله يثبتج حبيبتي
لاتدورين اخبارة كلش والله يعوضج باللي يستاهلج ويملى قلبج

 

[M!SS.LOBY]

الله يعوضج ويصبرج

 

[a7lami_]

برافو عليك
بس ماحبيت انك قعدتي تدورين اسمه بالتويتر وتفكرين فيه
خلاص اسحبي عليه.. عيشي حياتك لنفسك ولاهلك والناس اللي يحبونك .. واللي راح راح,, لو اللي راح فيه خير ماكان ماضي وانتهى كان للحينا عايشين فيه..وربي اعلم باللي يصلحلنا وباللي ماينفع يتم بحياتنا وينهيه بوقته..

الله يعوضك باللي يستاهلك..

وترا الدنيا دواره لاتظنين ربي نسى اللي سواه فيك..بيجيه يوم الكذاب زي مالعب عليك وضيع وقتك ومشاعرك..

 

[جوري الصالح]

الحـــــــمداللــــــه افتــــــــكيتي منه

واللــــــــــــه يثبتج حبـــــــــــــوبة

 

[فتوشه كويتيه]

الله يعوضج خير حبيبتي
كافي انج تعديتي المرحله الصعبه وصرتي قويه ومو نفس قبل
الله يثبتج ويعوضج بولد الحلال اللي يسواه ويسوى طوايفه وتعيشين عمرج مرتاحه

 

[بنت الاماارات]

يزاكم الله الف الف الف خير كل وحده درت علي و دعتلي

وياااارب يرزقكم بمفاجاه ساره وكل اللي تتمنونه

وقفتكم ودعمكمم لي يكفيني


الله يعوضكم خير يارب

 

[اسرار الغلا]

الله يعوضج باحسن منه