بنت اخوي يتيمة الام سااااااعدوني

[برنسيسة2007]

السلام عليكم
بنت اخوي امها متوفيه من8شهور
عمرها12سنه
انا تكفلت بتربيتها نقلت بيتي الاجار واستاجرنا انا وزوجي فوق بيتهم
المهم عندي سؤالين الاول:
اباطها فيه شعر خفيف وما ابلغت وتبي اتزيله بدون الم كيف ازيله تخجل اشوفها وتبي اهي تزيله بنفسها شنو افضل طريقه او وسيله عشان تزيله راااافضه حتى الصالونه تشوفها....؟؟؟

ثانياً:
تلبس نفس البكيني ستيان للبنات الصغار ما ادري اذا عرفتوه
وصدرهاااا صغير يعني ماتحتاج بس تقول ماما قايلتلي البسه وما ابي افصخه عشان ماما قالتلي جذي المهم اهو مسبب لها علا الاكتاف وتحت الصدر حساسيه وحكه شنو البديل...؟


انا اصغر خواتي ماقد تعاملت مع هذا السن وتوي متزوجه يعني ماعندي بنات تو مارزقني الله فما اعرف لهلامور
ساااااعدوني بليز*

 

[هناء - Hana]

اسسستخدمي لها موس حلاقة ماتعور ولاتسبب الم..
خلاص خليها على راحتها خلها تلبسسسسة..لبسسيها الشششسمة الي نفسسسسكم ههه؛*
موفقة وعسسسسسى ربي يوفقج ؛*

 

[مواصله]

الله يعظم اجركم ويرحم مرت اخوك يارب... رايي بالنسبه للشعر اخذيلها شرايط شمع ابرد من الشيره والبرأون ولاتستخدم الموس لانه يكثف الشعر ويسود المنطقه ويومين وينبت من جديد..والستيانات اللي تستخدمهم اخذيلها نوعيه احسن تكون كلها قطنيه بدون اﻷاستيك يحز عليها..والله يعطيج العافيه ولا يضيع لج اجر

 

[جالكسي بندق]

للابط استخدمي لها ورق الشمع الجاهز مجرد تزيل الورقة العازل وتلصق وعلميها طريقة استخدامه وخلها توقف امام مراية وتنزع الشعر


اما الستيان اتوقع حجمه صغير عليها ويسبب حساسية خدي اكبر وستي ماكس عندهم نوعيه حلوة للبنات

 

[اترجة]

لا حرام شنو شمع توها صغيرة ما تعرف تستخدم احسن شي لهالسن الموس ما يعور اهيا البنت ما تبي شي يعورها واذا فيها حساسيه روحي افضل شي اذا هي تخجل روحي طبيب جلديه واستشرسه بحالتها وشوي سنو يعطيح لها حرام ممكن هالحساسيه تصير شي اكبر توها صغيرة وربي يتغمد امها بواسع رحمته الله خنقتني العبرة صج الانسان بدون امه ما يسوي شي ان شاء الله ربي يكتبلج اجر هاليتيمة ووبرها ...

 

[توتاتوتا]

ماتوقع تحمل شمع


خل تجرب شيره قطعه صغييييره اهون من لزقات الشمع

و عالجي الحساسيه عند جلديه و لبسوها مقاس اكبر و قطن


الله يحفظها صدق البنت من غير ام ثوب بلا كم

 

[احلى ديما]

حبيبتي اخذيلها مكينة.نزع الشعر اللي بدون ألم لان حرام الشمع.يعور نفس الشيره والموس يسود ويحكك وثاني يوم بيطلع
والستيان يمكن نوعيته مو زينه او نايلون انتي اشتريلها قطن 100% عشان لا ييب لها حساسية

 

[نـعـومـه]

عظم الله اجرج

ماكو الا الشيره حرام موس يسود اباطها

وفي ستيانات لعمرها روحي المحلات واخذي

 

[ام رينـاد]

الخوات ماقصروو

عسى الله يرحم امها حبييبتي

 

[Perfume]

عظم الله اجركم حبيبتي
ممكن تستخدم شيرة واذا ما استحملت تجرب الكريم نير لانه الموس يخشن الشعر ويخلي المنطقة سوودة

 

[انسام الكويت]

شنو شيره وشنو شمع وشكو يسود المنطقه امبيه بنات ترا هاذي ياهل حنا الكبار نشيلها ونتعور وهاذي ياااهل اتوقع بتبجي

وترا ماطقت العشرين وفوق عشان تحاتون السواد او يخشن الشعر لاحقه بعدين لمن تتعود الالم ذيك ساعه بتشيله بشيره او غيره

حاليا انسب حل لها موس مايعور .. وملابس الداخليه قطوا اللي عندها واشتروا لها يدد وقطن اخذيها معاج سوق وخليها تنقي اللي تبيه

طبعا يكون مناسب لعمرها *

 

[رنيم الروح]

حبيبتي بنت اختي عمرها 13 سنه صار لها سنتين تستخدم الموس الوردي النسائي لا سود ولا شي خليها تستخدمه
وبالنسبه حق السنتيانات اخذيلها حق البنات الي بعمرها الي تجي مثل البدي وتكون قطنيه

 

[ديانا سبنسر]

مع رنيم الروح

 

[~mmm~]

ويي حياتي
الله يرحم امها ويصبرها على فراقها
خل تسوي موس
عادي انا لما كنت بعمرها موس بعد ماكملت 15 يالله استخدمت الشيره
واخذيلها من سنتر بوينت وماكس وهالمحلات في ستيان بدون الاسفنج بس اخذي قطن 100 %

 

[PuPa^^SWeeT]

شعر الابط يا عندج مكينة بروان للصبايا


او عندج النير



و بالنسبة للملابس الداخلية اشتريلها شغلات قطن اصلي اتلاقينهم بماركس سبنسسر

 

[امواج الكويت]

اذا تبي شيره في كريم بالصيدليه تحطه قبل الشيره يخدر المنطقه مؤقتاً يمدحونه والستيانات اخذي من سنتربوينت

 

[om MaRyooM]

قلبي عورني عليها بعد عمري
الله ياجركم




وبالنسبة للشعر اخذيلها مكينة براون ممتازة

 

[f@rsaq8]

قطنيات مارك سبنسر غسيل ولبس وتيي قطعه وحدة

 

[نانا28]

لا لا لا لا لا لا موس شيرة شمع لا لا لا لا لا لا لا لا لا لا لا كلها شغلات مو زينه مكينه بانا سونيك للقص فقط وليس لنزع الشعر والله بعمرها امي يابتليمقص صغيير وكنت اقص بس اعتقد صعب غليها المهم ماكينه باناسونيك او اي ماركه معروفه فقط للقص تشتغل بالباطاريه اعيالي مايستعملوون غيرها من مركز سلطان ب 6 دنانيير اكرر للقص فقط مو لنزع الشعر احسن وافضل طريقه والحساسيه الموستوصف يعطيييج كر يم

 

[mafain]

عظم الله آجركم حبيبتي
انسب شي في سنها الموس النسائي الوردي