بنت اختي ماقبلوها بالحكومه لان امها مطلقه...بليز اللي تعرف تدخل

[اخت فايز]

السلام عليكم


شلونكم بنات


الله يسلمكم اختي كانت متزوجه سعودي وجابت بنت وتطلقت والبنت عايشه عند امي وابوي والحين اهي المفروض تدخل اولى ابتدائي والمسكينه حيل متشوقه للدراسه لانها تشوف بنت خالتها تدرس ومحتره منها

المهم لما رحنا بنسجلها قالوا لازم حظور ابوها وابوها عسكري سعودي مايقدر يطلع من السعوديه وحتى لو مستحيل يجي لان بينا مشاكل :eh_s(13):ويمكن لو نقوله يتذكر ويطلبها تسكن عنده لان القانون السعودي جذي:eh_s(14):

الحين ماندري شنسوي اختي تقول ندخلها مدرسه خاصه كورس لان الخاصه مايطلبون ولي الامر والكورس الثاني نحولها حكومه بس شلي يضمن لنا انهم يحولونها عادي؟

وهل في تسجيل بالخاص الحين؟

ووين المدراس الخاصه بالجهراء؟


بليز بنات اللي عندها فكره والا سامعه بنفس الحاله ياليت ترد علي الله يجزاكم خير


مع العلم ان اختي سعوديه مو كويتيه:cxxxp:


والف شكر لكم مقدما

 

[أم@الحلوين]

والله ما عندي فكره بس لازم الابو اهو اللي يسجل البنت

 

[بنت الحساوي]

أول شي حبيت أقولج إنه مافي نقل من المدارس الخاصة إلى المدارس الحكومة في الكورس الثاني لأنه النقل ينتهي في 1-11-2010

وتسجيل الغير الكويتيين والمطلقات يكون عن طريق المنطقة التعليمية وشرط وجود الأب وإذا ما كان موجود لازم يكون عند الأم وكاله من الأب علشان تقدر اتسجلها بس آنا أقولج كلشي بالكويت بالواسطة ...إذا عندج واسطة كلشي يصير

موفقة انشاءالله

 

[نبض السعاده]

رد : بنت اختي ماقبلوها بالحكومه لان امها مطلقه...بليز اللي تعرف تدخل

اذا الام عندها حق حضانه تقدر اتسجل من المحكمه

ان شاء الله يقبلونها

 

[ريوومة 1982]

الله يعين انا ريلي ذبحنيييييييييييييييي على ماراح يسجل زهبتله كل شئ بس اهو يكمل واي

الله يعن اختج اذا مطلقه بعد بس اتوقع انها بحضانتها تجيب اورقه تثبت هالشئ

 

[أم جوري]

رد : بنت اختي ماقبلوها بالحكومه لان امها مطلقه...بليز اللي تعرف تدخل

لاز الابو حتى بالخاص ..
الا اذا راح ابوج وكلمهم .. يمكن قلبهم يلين ويسجلونها بالمدرسة خو ما راح يضرها هالشي ولا عليه فلوس ؟

 

[أنا Top أنا]

رد : بنت اختي ماقبلوها بالحكومه لان امها مطلقه...بليز اللي تعرف تدخل

اقولج حتى لو عندها حكم محكمه ما راح يفيد .. لان خالتي كانت مطلقه وراحت بتسجل ولدها ما رضوا اللي بالمنطقه االا ابوه .. وقعدت تبجي عندهم لانها ماتدري عن ابو ولدها ولا بينهم اتصالات ... ولا ارحموها الا ابوه

قطيعه تقطعهم ..

 

[اخت فايز]

رد : بنت اختي ماقبلوها بالحكومه لان امها مطلقه...بليز اللي تعرف تدخل

شكرا لكل البنات اللي ردوا جد مااقصرتوا


انا توب....حبيبتي والله

انزين اشصار عليه الحين ماودته خاص ؟ والا شنو سوتله امه ؟

 

[الكتكوته]

الله يعينها خليها تسجل بمدرسه خاصه عندج مثلا الباكستينيه رخيصه وقويه

 

[مندوبة ام بندر]

الله يعين خل تسجلها بلباكستانيه سعرها السنه كامله 350 والله يعينها على بلواها

 

[اخت فايز]

رد : بنت اختي ماقبلوها بالحكومه لان امها مطلقه...بليز اللي تعرف تدخل

الف شكر حبيباتي

جد جد مااااقصرتوا

بنحاول بكل الطرق...خاص..واسطه...توكيل من ابوها..كل شئ نقدر عليه بنسويه علشانها لانها حبيبتي تكسر الخاطر امي شرت لها ملابس المدرسه والجنطه وكل يوم تقول لامي متى البسهم وامي مسكينه متقطع قلبها ع البنت حتى اكثر من امها


بس ابي منكم...





دعوووووووووه حلوه للبنت ان ربي يخليلها امي وابوي لانهم اهم اللي نافعينها


ومشكورين

 

[عشق]

رد : بنت اختي ماقبلوها بالحكومه لان امها مطلقه...بليز اللي تعرف تدخل

حبوبه انا مطلقه ورحت مدرسة بلاي قروب وسجلتها لا ابو ولا شي
وحتى لو ابي اسجلها حكومه
ما انطره يشرف وايي
اروح المحكمه وارفع قضيه
وغصبا عليه

 

[كلى امل]

الحل اختى انها تروح المحكمه وترفع عليه قضيه اثبات حضانه واهم شي (((حضانه تعليميه))) هذي تخلي تسجيلها واي شي يخص الدراسه بيدها من غير حضور الاب
والله يوفقها انشالله ​

 

[اخت فايز]

رد : بنت اختي ماقبلوها بالحكومه لان امها مطلقه...بليز اللي تعرف تدخل

شكرا بنات

بالنسبه للمحكمه ابوها سعودي والقانون السعودي الحضانه للاب مو للام

يعني ماينفع المحاكم

واصلا ابوي مستحيل يبرضى بالمحاكم لانه ابوها من الجماعه


والف شكر حبيباتي

 

[كويتيه عالي سماها]

الله يسهل أمورها
خل تروح للمدارس الخاصه و تسجلها تجرب ولا تقول مطلقه إلا إذا سئلوا
ومثل ما قالت الإخت الباكستانيه رخيصه وتأسيس

 

[miss_heathrow]

حبيبتي صادفت نفس المشكله بس خدمتني الاخت عشق

سجلتها ببلي قروب وبس بس انا عطيتهم ورقه تثبت الحضانه العاديه مو الحضانه التعليميه

وصادفت مشكله ان بنتي دشت الخاص بس انا ما سجلتها بالمنطقه التعليميه وابوها مو راضي
وبنطر شنو يصير معاي الحين والله كريم



الله يعينج ويعينا على هالرياييل العويان ومساكين اليهال كل شي طايح براسهم

 

[عشق]

رد : بنت اختي ماقبلوها بالحكومه لان امها مطلقه...بليز اللي تعرف تدخل

دام ما يرضى بالمحاكم خل ايي يوم واحد يسجل بنته ويرجع ماراح يضره شي

 

[اخت فايز]

رد : بنت اختي ماقبلوها بالحكومه لان امها مطلقه...بليز اللي تعرف تدخل

شكرا بنات


خلاص ابوها ( الله يساااااااااااااااااااامحه ) رفض انها تدرس عندنا بالكويت يقول لا ماتدرس الا عندي عاد امي قالت ماراح اخليها تدرس هلسنه والسنه الجايه تروح تدرس هناك تكون كبرت شوي والله يعينها ويعين قلب امي


تخيلوا بنات والله والله والله من تطلقت اختي وهي كانت حامل فيها ولاااااااااااااا مره دق ابوها يكلمها والا ارسل لها مصروف والا شئ بس بين فتره وفتره يعني بالسنه مره يدق جدها ابو ابوها
والحين يقول تجي تدرس عندي.....ما احس انه يحس بالابوه تجاهها مهع العلم انه متزوج وعنده 3 بنات غيرها






اف شئ يطفر........الله يعينها بس ويعين امي المسكينه متعلقه فيها حيييييييييييييييييييل





ادعولها بنات



ومشكوووووورين ع تفاعلكم

 

[سنعة وحبوبة]

ليش تضيعون عليها السنة

توكلوا على الله ودخلوها خاص

أي مدرسة خاصة عندكم بالجهراء

على فكرة الباكستانية أقساطها ممتازة بحدود 70 دينار كل شهرين مرة

ترى سنة من العمر مو شوية

الله يسهل أمور هالبنت ويكتب لها الخير والصالح ويسخر لها من عنده سبحانه​

 

[Om/FhoOod]

رد : بنت اختي ماقبلوها بالحكومه لان امها مطلقه...بليز اللي تعرف تدخل

روحي السفاره السعوديه راح يفيدونج بهل امور اكثر ترا سفارتهم متعاونه حيل وبيفدونج بالقوانين عندهم
انا اعرف كويتيات ياكثر تطلقو واخذو الحضانه من سعودين وقبل لا يرفعون كانو يستشيرون السفاره السعوديه حرام اختج او امج يقفون جذي مايتصرفون حتى لو اختج متزوجه ترا امها لها حق اطالب بالبنت
وفي ترا ظباط دعاوى بالمحكمه هم لازم تستشيرونهم اهم شئ اتصلي على بداله وطلبي استشاره قانونيه بالمجان بدال لاتروحين وياخذون فلوس 50 دينارطلبي محامين مشهورين سالى 3 محامين من البداله وشوفي شيقولون هل نفس الكلام عندج خالد عبد الجليل ترا زينه استشاراته