بنت اختي .....اخاف تتعقد

[القلب العظيم]

بنت اختي بشرتها سمرا وسمورتها حلوة



الاطفال الي بروضه دايم يقولون لها مانبي تلعب معك
لانك سوداء مثل العباء واحنا بيض )) خوش تربيه


المهم دايم بنت اختي تقولي يعني انا سودا مثل العباء ؟؟؟؟

وتقولي انا ابي اصير بيضا ودايم تقولي انا ابي اصير بيضا المشكله ولد اختي من اختي الثانيه نفس عمرها ويجي يقول لنا نفس الكلام وانو يبي يصير ابيض


المهم كيف ازيد ثقة بنت اختي بلون بشرتها واقنعها انوو بشرتها حلوة وجميله :eh_s(7):



لانو موب مقتنعه ببشرتها وتبي تصير بيضا

 

[اميره بكلمتي]

حاولي تقنعيها انه السمر حلووووين

 

[القلب العظيم]

حاولت بس الاطفال الي حوليها ماثرين عليها

 

[Japanese]

لو تصير معاي اروح الروضه واكلم المديره شهالتصرف شهالتربيه :/ المفروض المدرسات من يسمعون verbal abusive words جذي

ع طول يتصرفون بس نفترض ماقد سمعو كلموهم وقولوهم

حلوه ذي الواحد يطرش عياله يتعلمون مب يتعقدون

ومن جهه ثانيه طبعا ف البيت تعزيز ثقتها راح يكون ضروري

 

[ظبية بوظبي]

لو تصير معاي اروح الروضه واكلم المديره شهالتصرف شهالتربيه :/ المفروض المدرسات من يسمعون verbal abusive words جذي

ع طول يتصرفون بس نفترض ماقد سمعو كلموهم وقولوهم

حلوه ذي الواحد يطرش عياله يتعلمون مب يتعقدون

ومن جهه ثانيه طبعا ف البيت تعزيز ثقتها راح يكون ضروري

صحيح كلامش
المدرسة والمدرسات لهم دور في حل هالمشكله او تفاقمها
ايش هالسلبيه الي فيهم !
يمكن ما يدرون يمكن الي صار بس يكون بين الطالبات
بس على صاحبه المشكله تتوجه للمدرسة وتكلم المدرسات يفتحون هالموضوع مع الطلاب وينقدون على العنصرين خل يكرهون نفسهم انهم كذا
وبكذا بتنعكس الادوار بدل ما هم يكونون الكفه القويه يصيرون الكفه الضعيفه

 

[* Snow White *]

اشتري لها لعبة باربي سمرا وقولي لها شوفي هالاميره سمرا السمر حلوين واميرات وانتي مميزه
وانتي احلى منهم مليون مره .. ودلعيها وخل تتعرف على اطفال العايله او الجيران .. وميزوها بالالعاب والكشخه اذا راحت الروضه
الاطفال بنفسهم راح يجون لها ويبون يلعبون معاها

 

[بنك بااستا]

وريها فلم ديزني الأميره والضفدع والنَّاس والأجانب كله يسون تأن عشان يوصلون حق لون بشرتها

 

[عالم بلا اسم]

للاسف ما عرفت قدرها
قولي لها شوفي الهنود سمر لكن جمالهم يفوق جمال البيض
الجمال الهندي يتميز بالسماره و حلوة الملامح

 

[Mareyh33]

انتو تواصلو مع الروضه ،،
ووضحو لهم المشكله ،، هم يحلونها ع طول
لا تواخذين الي بالروضه اطفال
بنتي بالروضه كله تجي متكفخه
كلمت الاداره قلت اذا ماحطيتو حد ابجي اببرجد هالي يطق بنتي وقلت لهم انتو مهملين
لازم يصير في عقاب للي يغلط موب عشان اطفال نخلي كل شي سايب لا تسكتين
ومن يومها الكل تضبط

 

[نـعـومـه]

نفس الرأي

ضروري تكلمون الاداره

وخليها تشوف دورا قوليها شفيها سمره

أو نقلوها روضه ثانيه

كسرت خاطري بصراحه