بنتي ومآسات تعليمها عالحمام

[OM-Saad]

السلام

بنات شورو علي ابي اعود بنتي عالحمام
بس كبرت بس مادري شسوي معاها احسها ما تفهم او قاعده تستعبط لانها كبيره
اهي عمرها سنه و11 شهر

وانا الحين حامل وابي افتك من حفاظتها

شلون اعلمها الله يوفقكم
:bbbiu::bbbiu:

 

[السمبتيك]

صغيره بنتج على قطت الحفاضه

لم بنتي كانت بعمر بنتج هم كنت نفس حالتج حامل
وحاولت اقط عنها الحفاضه

بس ماقدرت
ماكانت تفهم
كله تكرمين تسويها على روحها

والكل قالي صغيره تو الناس

حاولي يمكن بنتج تكون غير
ترى كل ياهل عن ياهل يفرق

 

[بيتي بوب بس كويتيه]

لا حرام صغيره منو قالج كبيره
وياهل عن ياهل يفرق في يهال من نفسهم سنه ونص تعلمو تكرمين عالحمام
انا ولدي توه كمل ٣ سنوات وتوه يتعلم عالحمام وللحينه البسه بامبرز بالليل

 

[بيتي بوب بس كويتيه]

لا حرام صغيره منو قالج كبيره
وياهل عن ياهل يفرق في يهال من نفسهم سنه ونص تعلمو تكرمين عالحمام
انا ولدي توه كمل 3 سنوات وتوه يتعلم عالحمام وللحينه البسه بامبرز بالليل

 

[miss mama]

بنووتج صغيروووووووونه صعبه تعلمينها.

 

[OM-Saad]

خالتي ام زوحي تقولي بسها كبرت عالحفاضه

وتقولي انا اعيالها ٨ اشهر تعلمهم وسنه مايبونها

فاكيد سنتين واااايد كبيره

 

[أميرة طفولتي]

لالا حبيبتي شلون ٨ شهور يتعلم !!

الياهل بهالعمر مايتحكم بنفسه ولا يقدر يصبر على مايدش الحمام!
وبنوتج اسم الله عليها بعدها صغيره صبري عليها
راح تتعبين معاها ولاتتبهذلين ولاراح تتعلم لان بعدها مو مستعده

 

[shai6ona19]

افظل عمر للتعليم على الحمام سنتين لا اقل ولا اكثر
واللي تقول علمت ولدها ع ثلاث سنين حيل كبير حرام
وطبعآ الاطفال قدراتهم متفاوته في اللي يتعلم بسرعه وفي اللي يطول ويبيله صبر وطولة بال
بس النورمال واغلب الاطفال يبدون يستوعبون التحكم بالخروج والدخول للحمام عند الحاجه بعمر السنتين
فأنتي طولي بالج عليها
وحاولي تشجعينها بحيث لما تدخل للحمام وتطلع تصفقيلها وتمدحينها ترا حيل بتستانس وتحاول تعيدها لان شافتج مستانسه منها
اكيد بتعبج شوي وراح تغلط اكثر من مره بس شوي شوي راح تقل غلطاتها وتتعلم

اتمنى اكون افدتج لان الكلام اللي قلته لج تخصصي بحكم دراستي
والله يخليلج بنووتج ^_^

 

[PuPa^^SWeeT]

صغيرة اهي

انا بنتي سنتين و نص وليلحين مو مستوعبة سالفة قطة الحفاضة

 

[ملاك ^ الحب]

انا بنتي 3 سنوات وبدت تروح الحمام بعد مو كل مره وبالليل البسها حفاضه

 

[OM-Saad]

وااااااي لا لا بضل احاول فيها
وااي جنها قطوه تمشي وتوصخ لوول تعبت الحمدلله ياربيي