بنتي وعزكم الله (الحمام)

[همووم القلب]

قوة بنااااات شلونكم
بدش بالموضوع على طول بنتي عمرها 3سنوات و7شهور وعيزت ووانا اعلمها تروح الحمام كل الطرق والاساليب استخدمتها اول مرة كانت وانتوبكرامة تسوي في الصروال وقلت ميخالف لازم تسوي جذي عشان تتعلم وتمت تقريبا فترة على هالحال والحين كل ماقولها روحي ماتروح بنات تخيلو يوم كامل ماتبول وانتو بكرامة ولي لبستها الحفاضة واهيا نايمة الاقيها الصبح بالت بالحفاظة والله ثم والله يابنات زهقت بدش الروضة بعد جم شهر موعارفة شمو اسوي اليوم طقيتهاطق وماكوفايدة

 

[miss_uk]

حبيبتي شكلها بنتج تعاند بس روحي معاها الحمام وشجعيها
اهما البنات احي يطولون مو نفس الصبيان
هم بنتي انا تروح وكل شي لكن كل جم يوم على انها تلعب تسويها هههههه
عكس ولدي ولا مرة بحياته سواها ماشالله لا نهار ولا ليل

 

[ام الحلوااات]

طــــولــــي بـــااالــــج عـــلـــيـــهـــا
واخــــذيــهـــا كــــل نـــص ســــاعــــه اجـــبـــــاااااري للـــحــمـــام
لـــيـــن تــتــعـــود وتــطــلـــب مـــنـــج تـــوديـــنـــهـــا
وبـــااللــــيــــل امــنــعـــــي عـــنـــهـــا الــمـــشـــروبـــات
قــبـــل الـــنـــوم بـــســـاااعـــتـــيـــن الا للـــضـــرورة الــقــصـــوى
ووديـــهـــا قــبـــل الـــنـــوم مـــبـــااااشـــرة
ولا ثـــم لا لا تـــلـــبـــســـيــهـــا حـــفـــاااظ بـــااللــــيــــل
وكـــل ســـاعـــتــيـــن اخـــذيـــهـــا مـــن فـــراااشـــهــــا
و وديـــهـــا واللـــه يــعــيـــنـــج تـــصـــبـــري واحــتــســبــي الاجـــــــــــر كـــلـــهـــا كــم يـــــووووم وان شــــــآء اللـــه تــتــعـــلـــم

 

[الزين يفرض نفسه]

مثثثلللل بنتي لعوزتني حتى بجي كنت ابجي وطق كنت اطقها بس بعدين تكسر خاطري وكانت نفس بنتج يوم كامل ماتبول لي درجة اخترعت ووديتها الطبيب وسوتها هناك عالسستر بس فصختها الحفاظه طلعت حابستها

الحين اهي الحمدلله بدت تتعلم وخل اقولج نصايحي

اول شي لازم تصبريييين الصبر الصبر الصبر واذا سوت علي نفسها لا تصرخين ولا اطقين كلميها بهدوء وفهميها ان هذا شي مو حلو وانج زعلانه عليها

اذا وديتيها الحمام شجعيها وكلميها وسولفي معاها واذا قالتلج انها بتقوم خلاص خليها تقوم

واذا دشت الحمام عطيها الثقه خليها بنفسها تفصخ الخفاظه وتقطها بالزباله تكرمين واذا بتقوم حتي لو ماسوت شي خليها تغسل بمساعدتج وتسحب السيفون يحبون اليهال هالحركه وتغسل ايدها بروحها

وسويلها فكرة تشجيع مثل ستكرز او حلاو او كاكاو ولازم تصفيق وابتسامه وبوسات وكل شي ولا تتاففين ولا تعفسين ويهج

لا تلبسينها الحفاظه بالبيت وكل قوليلها ويييع موو حلوه الحفاظه احنا كبار كلنا نلبس صروال مانحب الحفاظات الحفاظات حق البيبيات وقوليلها قصة بنت راحت المدرسه لابسه حفاظه ضحكوا عليها

وريها قصص تدريب الحمام سواء بالنت او قصص اشتريها من المكتبات

 

[الزين يفرض نفسه]

بس انا صراحه بنتي ليلحين حفاظه بالليل وبالطلعات حتى حبيبتي اهي قامت تقولي ما ابي بامبرز وساعات تبجي تقول مابي ابي صروال ومسكينه لمن كل ما تنحصر تقولي ماتسويها علي نفسها عناد بس ساعات ماتلحق عشان جذي ما اثق فيها

 

[همووم القلب]

بنات يعطيكم الف عافية على النصايح مشكورين وماقصرتو