بنتي وتجهيزات المدرسه

[احلى الاسامي]

أخواتي أنا بنتي البجر هذي السنه الاولى لها بالمدرسة فحبيت تعلموني شنو اشتري لها لأني عليميه بالسوالف هذي جم دفتر اشتري وجم جنطه انتظركم خواتي

 

[بنت جنيف]

اشتريلها جنطه ترولي السحب واخذي جنطة الاكل والمقلمه كلهم طقم واخذي جوتي لها رياضي اسود اريحلها من الجوتي الرسمي وتقريبا كل يوم العاب واشتري ثوب صلاة وروب علوم وبنطرون رياضه اسود والتيشيرت لاتاخذينه الحين بعض المدارس تطلب لون من كل مرحله اخذي دلاقات ومًريولين مدرسه الدفاتر لما اتداوم بنتج شوفي ورقة الطلبات اخذي شباصات تيجان

 

[احلى الاسامي]

مشكوره اختي وماقصرتي

 

[مسك وطيب]

عسى الله يخليها لج يارب

الدفاتر 40 ورقة لكل المواد ..

وخصصي كل ماده ودفاترها بملف عليه طابع بإسمها ,,, اولى ابتدائي يالله لنص الكورس حتى تميز بين كتب الماده

بحيث ان الابله اذا رفعت لهم كتاب الماده وطلبت منهم يطلعون نفسه من الجنطه بنتج بس تطلع الملف مايحتاج تدور الدفاتر وتحوس طول الوقت بالجنطه

وحتى بالطو العلوم صفطيه وحطيه بالملف ,,

 

[(رنين)]

النفنوف من الايوب يكدون إخذي إثنين و تأكدي يكون واحد منهم له سحاب من جدام عشان إذا بغت تبدل حق حصه الالعاب ما تحتاج أحد يفتح و يصكر لها السحاب يعني يكون مخصص حق اليوم اللي يكون عليها ألعاب
و الجناط أنا أخذ ملوت والت ديزني
يهبلون يكدون طول السنه و حتي سحبتهم خفيفه
و الدفاتر لا تأخذين العاديين اللي الورقه بسرعه تنشق
إخذي اللي شوي عريض الدفتر و يكون فيه إطار يطلع شكله أرتب
و يكون شكله من بره تغليف بلاستيك سميك ومرسوم عليه أي شي يعني لا تاخذين اللي عليه تغليف شفاف
أتمني أكون أفدتج
و الله يوفق عيالنا يا رب

 

[احلى الاسامي]

مشكورات خواتي وماقصرتن