بنتي وبنت صفها ال...

[حفيف1]

تحياتي لكويتيات

الله يسلمكم انا بنتي بعاشر ، مستواها الدراسي عادي متفوقه في بعض المواد

بس هي خجوله شوي وماعندها صداقات ،يعني ماتعرف ترد احيانا وتتشفق للعلاقات الاجتماعيه

للاسف معاها بصفها بنت قامت تتقرب منها وتقول لها تغششها لانها سقطت اكثر من مره وعمرها الحين 18

والحت عليها ،بنتي قالت لها حرام ومارضت بس قامت تلح عليها وكل يوم قبل المتحان تنقل طااولتها عندها ،وحطتها امام ا

الامر الواقع و(تبادلت معاها الاوراق ) بنتي حست حيل بالخوف وعلمتني وقلت لها لا تحاجيها ،،للاسف ماانتهي الموضوع

البنت راعية نكته وتضحك الصف كله وبنتي تستانس وتنبهر علي سوالفها

المشكله اكثر انها قامت تتقرب منها اكثر واكثر وتقول تلحقني بالفرصه والمختبر

وتسولف معاها ، صارحتها انها متزوجه !!!وانها عندها علاقات شكثر مع

شباب !!!وانها تجيبهم للبيت وخواتها يغطون عليها وتجي للمدرسه تروي

بعض البنات ومن ضمنهم بنتي اثار علي رقبتها ....!!!!!وتنصح البنات تقول الشباب يصرفون علي ويشترون لي اللي ابي !!! بصراحه ماادري شلون اتصرف ؟!

ياليت تنور وني باراءكم مشكورين ،،

 

[Tom ♥ Jerry]

اب اب

 

[لمى الهاجري]

خليها تجرب الحياة وتصادقها وتنصحها وبالوقت المناسب تدخلي وحاولي تنظمين الامور

 

[om deaj]

اختي شناطرة بعد
من اول ماقالتلج انها تبي تغششها ان رحتي ونقلتي بنتج او كلمتي المدرسات عنها وادارة المدرسة وينهم عنها
شنو متزوجة وشنو تدخل شباب بيتهم
والطامة الي بقع على رقبتها شنو يبون بعد؟؟؟

انا اقول بنتج لاحقة تتعرف على بنات زينة واخلاق مثلها

الدور الباجي عليج توخرين البنت هذي عن بنتج

 

[د.أطفال]

بصراحة لازم تاخذي موقف بسرعة.. بنصحك تروحي عالمدرسة و تكلمي الإدارة بهدووء وبدون تشهير
((ممكن لو سمحتو تشوفو موضوع هالبنت اللي كذا كذا..))
كنت رح اقلك تنقلي بنتك من المدرسة بس ليش.. لا خلي البنت ذيك تروووح يقولو لأهلها و يفصلوها السنة الياي ما تسجل معاهم.. بدون ما تقولي لبنتك ابدااا... حتى ما ينتشر الخبر بالمدرسة مين اللي خبر الإدارة انك انتي وبنتك السبب وتقوم البنت تنتقم والخ الخ

الله يهديها ويهدي هالبنات.. والله يعينهم ترا اكيد البنت معقدة ممكن اهلها بينهم مشااكل اوانها تعرضت لتحرش جنسي والله اعلم..
واهينيكي ببنتك انها امينة وصريحة الله يثبتها

 

[Nokia N95]

بلغي الادارة عنها وهم يتصرفون

 

[nour el denya]

بلغي الاخصائيه عنها إذا متزوجه لازم تروح مسائي حراام قاعده تخرب البنات
حاولي تنصحين بنتج و تتقربين منها لان هالسن البنات بسرعة يتأثرون

 

[قطوة@@]

وييه حراام هالبنت قاعده تخرب البنات

روحي الاداره و بلغيهم عم هالبنت و رااح يتصرفوون معاها لانها خطر عالبنات

 

[мίѕѕ 5оОо5α]

اسستغفر الله

هذي ششكلها خرباااانه

حبيبتي ما يبيلها تفكير

احسن شي تبلغين الاداره عن هالبنت خل يفصلونها لا تخرب بنات خلق الله

او يخلونها مسائي

 

[الدنيا لحظه**]

حبيبتي كلمي الاداره المدرسيه وخليهم يعالجون مشكله البنت قبل لاتطيح بشر اعمالها وديري بالج على بنتج لاتحرف بطريج هالبنت والله يستر على كل البنات

 

[روانتي 12]

أستغفر الله شهالبنت . .

ماكو الا حل وحيد . . بلغي ألاداره . .

 

[خفايا البحر]

خليها تجرب الحياة وتصادقها وتنصحها وبالوقت المناسب تدخلي وحاولي تنظمين الامور

لاغلط

 

[قمر بيت أبوها]

بلغي أدارة المدرسه عنها ولا انقلي بنتك وش تنتظرين تخرب بنتك
ترا بنتك صغيره ومو زين يتفتح مخها علي هالسوالف من بدري
هذا اللي قالته لك يمكن فيه سوالف ماقدرت تقولها من كبرها
الله يستر علي بنتك وبنات المسلمين من كل ذي شر

 

[سفييره الكويت]

(يَا أَيُّهَا الَّذِينَ آمَنُوا لَا تَتَّبِعُوا خُطُوَاتِ الشَّيْطَانِ وَمَن يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاء وَالْمُنكَرِ وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَا مِنكُم مِّنْ أَحَدٍ أَبَدًا وَلَكِنَّ اللَّهَ يُزَكِّي مَن يَشَاء وَاللَّهُ سَمِيعٌ عَلِيمٌ )

وخل يفيدونها الشباب يصرفون عليها مقابل الاثام وسوء السمعه الشباب اذا يصرفون عليها فهم بالمقابل يحصلون على شي اخر

وكلنا نعرف شنو اهو بالتالي هالبنت سيئه الخلق عليها ان تتبع مبدأ العلاقه الرسميه والمجامله وتبتعد عنها نهائيا لانها لا تصلح صديقه

وخليها تحافظ على اخلاقها بنتج لانه الاخلاق تاج على الراس ..

 

[طموح دائم]

ضروووووووووووري تبلغين الاداره عشان ينقلونها مسائي وانا مستغربه شلون ما تخافين علي بنتج منها هذي اخلاقها جدا سيئه وراح تفتح عيون بنتج علي اشياء مو زينه

 

[جنون العاطفه]

تصدقين ي اختي هالنماذج موجوده بفئات عمريه مختلفه
يعني بنتج لوو وخرتيها عن هالبنت ممكن مستقبلآآ بالجامعه وغيره
تشوف العن من هالبنت واكييد انتي محسنه تربيتها والبنت فيها خوف من الله ان شااءالله
انصحيها ولاتدخليين تروحين الاداره وغيره لان بنتك عقلها براسها

لوبغت تكلمها بتكلمها من ورى ظهرك و بطرق كثيره

كلنا مرينا وشفنا مثل هالسوالف كان لتربيه اثر علينا
ومن خلال احتكاكنا بمثل هالمواقف عرفنا الصح من الغلط

شلون بتعلم اذا ما شافت وعرفت
وشلون بتكسب خبرات حياتيه اذا مالها اي دور انتي بس الي تدبرين حياتها


نصحيها وخلج وراها من بعيد ودوم ازرعي فيها الخوف من الله


والله يهديها لج ي رب ويصلحها​

 

[Beesho99]

بلغي الاداره ونقلي بنتج من المدرسه كلها ..

شناطره اكثر منها اعوذ بالله الله يكفينا الشر..

 

[بيلسسان]

قبل لاتبلغين عن البنت
اهم شي بنتج لاتخسرينها
يعني اذا بتبلغين عن البنت لاتدري بنتج انه انتي اللي قلتي
باجر بنتج تتحسس منج وماتقولج كل شي
خلج مثل مانتي قولي لبنتج وفهميها انها بنت مو متربيه تدخل شباب ببيتهم
وقولي لبنتج باسلوب حلو ان تبتعد عنها



والبنت هذيج تلقينها لا متزوجه ولا شي
علمو الاداره وهم بطريقتهم يشوفون سالفة البنت

 

[* ليــــدي *]

كلمي الادارهـ
و نصحي بنتج علميها انه هذا غلط وكلامها غلط

 

[گـحِـلْ |~]

بلغي الادارة ضروري