بنتي والغيره ارجو الدخول والمساعده 

[نسيانك صعب]

مساء الخيير على الجميع شلونكم بنات مع هالجواء الحلوه يابنات  حدي ضايق خلقي وحاسه اني مو عارفه اتصرف انا عندي ثلاثه اطفال بنتين وولد ،، بجري بنيه عمرها الحيين 7 سنوات الله يحفظها تميت على بنتي الكبيره خمس سنين وتاخرت بلحمال ومكان عندنا غيرها كانت مدلعه على اخر بس بحدود وكانت شحليلها تسمع الكلام وهاديه ونفسيتها حلوه وماعندها حنه عقب هالخمس سنين حملت في بنتي الثانيه وولدت وهني المشكله بدت الغيره مع انها يوم ولدت اختها صار عمرها 6 سنين يعني فاهمه وعقبها عالطول جبت ولدي ولهيت معاهم احس انقلب حالها من حال الى حال صارت نفسيه وعصبيه وتبيني لها بروحها حتى الاشيا الي كانت تسويها بروحها يوم جبت اخوانها صارت تبيني انا بنفسي اسوي واحط لها تعبت وصرت عصبيه حيييييل وقمت مااتحمل منها اي حنه كلت قلبي وصرت مضغوطه من اخوانها الاصغار واهي ونفسيتها ودرستها ووصلت لمرحله ماني عارفه شلون اتعامل معها احس انا سبب الي اهي فيه ولا بعد قمت اطقها مااتحمل خلاااص انا طولت عليكم ابي الي مرت بنفس مشكلتي او الي عندها خبره تفيدني تكفون لاتخلوني نفسيتي حدها تعبانه احس مااعرف اتصرف معاها كاسره خاطري وانا كاسره خاطر نفسي

 

[مجنونه هواهـ]

شي طبيعي الغيره فيه مع الوقت بتتحسن
انتي كل يوم جلسي وياها ساعه لحالها بروحكم وسولفي خلي اليهال مع ابوهم بس ساعه وحده يلسي معاها
وفهميها ان هذول خوانها يبونها تهتم فيهم وجذي

 

[om_3azoz]

الغيره صعبه الله يكون بعونج يارب

 

[نسيانك صعب]

مجنونه هواه ادري ان الغيره شي طبيعي بس لامتى صار عمرها ٧ سنوات واختها الحين سنتين ونص واخوها سنه ونص الله يهديها يارب والله يصلحهم ومشكوره حبيبتي على الرد ام عزوز حياتي اي والله الغيره متعبه ومتعبه حيييل الله يعين ومشكوره عالرد ناطره ردوودكم بنات اتمنى الافاده شلون اعالج غيرتها واخليها ترجع طبيعي مثل اول

 

[ضايعه بينهم]

ماعليه حبيبتي في طريقه حلوه انج تخلينها تخف الغيره وان شاءالله تروح عنها

جيبي لهم العاب مشتركه تساعدهم انهم يسونها مع بعض وهي بسم الله عليها فاهمه
راح تفهم اكثر ان انا الكبيره وراح اساعد اخواني بالتركيب الالعاب وفي حركه حلوه
استخدمها مع ولدي الغيور ان الاهتمام له هو اكثر واخليه يجيبلي اغراض اخته واشتريت
لهم المرجوحه ام كرسيين اخليهم يلعبون مع بعض ومااكون عندهم عشان اشوف حركته لها اذا يطقها
اوشي صح بالايام الاولى كان يقعد عليها والمسكينه ماتقدر تتنفس وتصرخ والحين خف بكثير
وصار يفقدها من غير شر
حطي لهم اطباق متشابهه وخليهم ياكلون مع بعض لان في امهات الله يهديهن كل واحد من عيالها ياكل لوحده
وهذا غلط
وحسسيها انج مسؤوله عن اخوانج ومن هالنقطه راح تحس بحبهم لان اهتمام الاطفال ببعض يبعد الغيره
وانا ما الومج بنتج كبيره المفروض تخف الغيره بس ماعليه حاااااولي بأكثر من طريقه

 

[سموره 87]

الله يعينج حبيبتي

 

[مجنونه هواهـ]

حبوبه مين قالج ان الغيره تروح لا في ناس تغار وعمرها صك 20 عااادي

 

[نسيانك صعب]

ضايعه بينهم ماقصرتي حبيبتي بحاول انا اطول بالي مع انه التعامل معها صعب وانا اعصابي نار بس بضغط على نفسي وارد اخليها محور اهتمامي يمكن تخف الغيره بس مااعتقد تروح يبلها وقت والله يعين /// سموره اهليييين نورتي الموضوع شلون بنيتج كبر بنتي بالضبط الي اهي سبب لغيره اختها الحييين // مجنونه هواه ادري والله متوقعه انه موضوع الغيره مطول مع بنتي الله كريم بس ان شاء الله احصل حلول اكثر للتعامل معها ومشكورين الي ردوا وناطره اضافات عالموضوع ....

 

[الزين كله =)]

عادي ههع انا عمري ١٣ واغارر من اختي الي اكبر مني او اذا امي حبت ياهل من اعيال خوالي لصغار هههع

 

[اترجة]

حسسيها انها بنت الكبيرة ودايم طلعيها معإج عطيها اهتمام اكثر وثقة اذي طلعتي خليها عند اخونها انا نشرة على الصغار خواتي كبار يغارون من اختي ام 9 سنوات الغيرة مو حلوة تخرب بين الاخوان عطيها وقت اكثر معاج قعدي سوالفي معاها لعبي معها اهي واختها جيبي لكم العاب في تجي لثلاث اشخاص او اثنين لعدد معين وخليهم يشاركونكم اللعب خلي ابوها يقعد معاكم وإختها لصغيري انا حملتني امي مسأوليت خواتي انا صغيرة والحمدلله كنت كل شي اسوية اهتم بخواتي والبسهم وأمشطهم الحمدللة عشان تعرف انتي مو دايمة لها على طول ممكن تسافرين تخلينهم حلو تعطنها الثقة اذي طلعتي قوليلها انتي بنتي الشاطرة دير بالها على اخوانها من هالكلام دايم قوليلها جذي تعزز ثقتنا انها البنت الكبيرة لا دلعين ولا تشدين.

 

[فرح79]

والله اختى نفس المشكله عندي ابني عمره 4 سنين وجديد ولدت بابني وصار متغير بعد ما كان يسمع الكلام وهادي صار نكد عنيد عدواني حساس كتير ومش عارفه شو اعمل معاه معاناه كل يوم وحسيت انه صار ما يحبني عشان اشيل اخوه وارضعه الله يعين

 

[ام كوثر2007]

حبيبتي اهي الحين محتاجه منج اهتمام ورعايه وحب اكثر لانها تحس بالشي هذا

يعني حطيها بحظنج دلعيها حسسيها انها كل شي بالدنيا

ترا اليهال اخوانها للحين ما يحسوون بحبج وهالسوالف بس اهي غير

اهي كبر ولدي بالضبط ببدايه لمن يبت خواته كان نفس حال بنتج

بعدين ريلي قالي اهتمي فيه اهو لانه اهو يحس ويعرف واليهال توهم ما يستوعبون الحب والاحتواء غير عنه

وفعلا اشوي اشوي تقربت منه وقمت اعامله جنه صغيرون طبعا من ناحيه الدلع

وبعدين بلشت اني احسسه انك انته الكبير وانك اول واحد يبتك ودخلت بطني وقمت اقوله قصصص افهمه اشلون ولدته واشلون سويت السونار واشلون فرحت فيه وهالامور

ترا عمر بنتج وولدي يفهمون هالامور ما شااءلله اهم ثانيه ابتدائي ويستوعبون كل شي ..

انتي حاولي انج تحسسينها انها الكل بالكل وهي الكبيره حبيبت امها وجذى لين تكبر وصدقيني بتعقل مع مرور السنين

عسى الله يخليهم لج ان شاءالله .

 

[نسيانك صعب]

مشكوريين بنات يامال العافيه ماقصرتواااا . ام كوثر حييييل ريحتيني واكتشفت اني انا المشكله حيييل لهيت مع اخوانها واهملتها اقصد من ناحيه الحضن وحتى السوالف كله مشغوله وماعندي وقت باذن الله بعطيها اهتمام وراح ارد اقولك النتيجه مع انه يبيلنا وقت طوووويل وصبر بس عشان اخليها ترجع طبيعيه الله يوفق كل من رد علي ويسهل اموركم حبيابي ماقصرتوا وان شاء الله رده عالموضوع عشان اعلمكم بنتائج ....

 

[ام كوثر2007]

اي حبيبتي احتويها قد ما تقدرين ومثل ما قلت لج عيالج الصغار يهال وما تفرق معاهم لميتيهم او بوستيهم لانهم ما يفهمون بس بنتج هذى محتاجه كل الاهتمام

ناطرينج تطمنينا عليها ..

 

[cho0ocolate]

الله يعينج حتى انا احاتي وايد بنتي عمرها 6 سنين وانا الحين حامل بس خوش افكاااار

 

[hooryah q8]

الله يحفظ اعيالج
ان شاءالله البنات ماقصروا بنات
طبقي تجاربهم ونصايحهم