بنتي والروضة

[إباء الروح]

السلام عليكم
بنات عذرا لو مو هذا المكان المناسب ...
بحط مشكلتي لاني حدي معصبة ...
تعبت ..تعبت ..
بنتي عمرها 5 والسنة مدخلتها رووضة ودافعه وشاريه لها كل شيء نفسها فيه دايم تدلع وتتطلب كأنها حالها حال اخوانها اللي في المدرسة واشتري بس احيانا طبعا لازم مااطاوعها ..
المهم ماترضى تروح الروضة لين اروح وياها؟
طيب كم خذنا كم اسبوع اللحين
تعبت منها وانا اصلا تعبانه من الحمل ...
انزين قمت اروح وياها اشوي اشوي قم اجلس بره وهي في الفصل تطمنت ..
بعدين مليت قمت انتظرها برها وامشي علني بره ..قامت في الهده تشب ...لانها ماتشوفني ..
ياربي شسوي تعبت معاها اذا في حل نقذوني...
هذا اليوم ماراحت ...اف من هالتعب مع هالعيال العنيدين.

 

[موني1]

الله يعينج والله يسهل عليج
حاولي فيها خليها اتعرف على اليهال الي معاها يمكن تلعب وتستانس
حببيها بالروضه قارنيها بااخوانها قولي لها شوفي فلان يروح وانتي لا
خل تقعد مع بنات خالتها وعمها الي يروحون الروضه يمكن تقتنع وخليها تعتمد على نفسها بالامور البسيطه علشان يروح منها الخوف
وانشالله البنات يفيدونج

 

[أم بتول*]

شوفي أنا بنتي نفس الشي اول الروضة كل يوم تبكي ما بدها تروح مع انو قبل ما تبلش الروضة عم حببها فيها ورغبها وكانت كل يوم تبكي بالروضة كلو يوم الصبح ما بدها تروح بعدين أبوها هاوشها وقلها ما بيصيرما تروحي مو بكيفك هالشي صارت تروح وضلت فترة كل يوم تبكي بالروضة وللحين أحيانا صرنا نقلها إذا بكيتي ما في مشوار بالعطلة او ما رح نجبلك يلي تبيه ويوم عن يوم عم حسها عم تتقبل الروضة أكتر من أول
انتي قولي لا بنتك لازم تروحي وإلا ما بعملك الشي يلي هي بتحبه مثلا جربي يمكن ينفع معك هالشي

 

[إباء الروح]

ابوها ماقصر معاها احيانا بالترغيب واحيانا بالصراخ
بس عنيدة بشكل
الله يهديها ...
اليوم لما تكلمت معاها قالت بكره بروح بروحي بس اشتري لي الوان مائيه؟
تبي حالها حال اخوانها
قلت لها خلاص ..
ان شاء الله ترضى ماتنكب فينا..
مشكورين بنات ماقصرتوا ...

 

[عشق]

كل اليهال جذي قولي لها ما اشتري لج ولا اسوي لج شي لما تسمعين الكلام أنا قايله حق بنتي أنا اسوي لج اللي تبينه انتي سوي لي اللي أنا ابيه وسمعي الكلام