بنتي والخلع المتكرر..ساعدوني

[ريومةالمزيونة]

مرحبا بنات منتداي الغاليات..عندي بنتي عمرها سنة ونص صار معاها خلع في الكوع قبل اسبوعين والسبه ابوها سحبها من دون لايقصد تعرفون قبضة الرجل قوية
ووديناها للمستشفى والطبيب رد الخلع والحمدالله ردت لها عافيتها وقامت بنفس اللحظة
بنتي اسم الله عليها واايد حركية وماتقعد راحة ..اليوم كانت راكبة فوق الكرسي وتبي تطيح فالخدامة سحبتها من ايدها وشالتها ..وصار معاها خلع للمرة الثانية!!!
بس هالمره استمر معاها العوار حتى عقب ما رد لها الطبيب العظم!!
سويت اشعة والحمدالله مافي كسور بس ليش مستمر معاها الالم؟؟
عفية بنات اللي عندها اي معلومة عن الخلع او صار معاها نفس الشي ياريت تفيدني ولها دعوه مني بظهر الغيب ان الله يخلي لها كل غالي على قلبها...عفيه بنات مالي غيركم
طمنو قلبي..حيل احاتي بنيتي والله مو قادره انام

 

[ريومةالمزيونة]

للرفع

 

[حلوه ولمآحه]

آب لعيونج،،
انا سمعت ان الي ينخلع يرد له لين ينكوي
او ينتسوى له خلطه على مكان الخلع ،،~

 

[ريومةالمزيونة]

تسلم عيونج حبيبتي حلوة و لماحة على الرفع..الله يرفع شانج يارب
والله يا اختي ما اعرف بسوالف الحريم والخلطات؟؟ومادري شفيها بنيتي بسرعه تمصع؟؟كل شوي خلع؟؟يارب احفظها

بنات عفية اللي تشوف موضوعي ياريت ترفعه اذا ماعندها رد

 

[Australia girl]

ماعندي فكره بس ربي يشفيها يارب

 

[باقة ورد]

الله يشافيها حبيبتي ...بس سؤال اختي انتي اشلون تعرفين ان صار معاها خلع بهالمكان؟؟ يبين من الشكل ولا تشوفينها تتالم و تبجي؟؟

 

[ريومةالمزيونة]

الخلع يبين انها ما تقدر تثني ايدها وكله تتالم وتبجي..ياحياتي صار لها يومين بس تبجي وكل ماتنسى وتمد ايدها على لعبة تقعد تصيح من الالم..ياربي عورت قلبي مادري شسوي والمستشفى يقولون خلع وردينله مافيها شي!!!

 

[توتاتوتا]

وديها العتيبي معروف عندكم في الكويت يجونه من كل مكان و الخلع يبيله فتره تدارونه و مع الوقت اذا كبرت ماعاد يرجع

 

[باقة ورد]

اسم الله عليها دهنيها بزيت زيتون مقري عليه

 

[أو عبوش]

سبحان الله يقولون الجاهل اللي ينخلع مره بينخلع مره ثانيه


مادري شنو السبب بس هالشي معروف اذا انخلع الذراع راح ينخلع مرات ويرده الطبيب بحركه سريعه ديري بالج على بنتج ماعليها الا العافيه ان شاء الله

 

[أو عبوش]

ووديها لدكتور ثاني خل يتأكد ان العظم رد مكانه يمكن الدكتور ماسواها عدل ف للحين مو راده مكانه ويعورها

 

[ريومةالمزيونة]

اليوم وديتها للدكتور احنف في دار الشفا..شاف الاشعة وفحصها يقول العظم رد لمكانه بس الظاهر الخلع سبب لها رضه
والله مادري ياخواتي كل هالبجي والصياح من رضه..واليوم عليها حرارة بعد ..خايفة حيل عليها

 

[أم بتول*]

الله يسلمها ويشفيها انا بنتي كانت هيك دايما تنخلع إيدها ولو من شدة بسيطة وأكتر من مرة صار معها هالشي ولازم بكل مرة نوديها المستشفةى والدكتورة يردلها إيدها ولدكاترة قالولي إنو الأطفال هنن وصغار هيك بيصير معهون وبس يكبرو شوي ما عاد يصير هيك وفعلا لما كبرت بنتي الحمد الله ما عاد صار هيك
بس انو الوجع مستمر مع بنتك ما بعرف دهنيلا بمرهم شد العضل وإن شاء الله بتتحسن

 

[ريومةالمزيونة]

الله يسلمها ويشفيها انا بنتي كانت هيك دايما تنخلع إيدها ولو من شدة بسيطة وأكتر من مرة صار معها هالشي ولازم بكل مرة نوديها المستشفةى والدكتورة يردلها إيدها ولدكاترة قالولي إنو الأطفال هنن وصغار هيك بيصير معهون وبس يكبرو شوي ما عاد يصير هيك وفعلا لما كبرت بنتي الحمد الله ما عاد صار هيك
بس انو الوجع مستمر مع بنتك ما بعرف دهنيلا بمرهم شد العضل وإن شاء الله بتتحسن

الحمدالله الحين قامت تحرك ايدها عالخفيف...الف حمد وشكر لله عز وجل
مشكورين كل البنات اللي ردو عسى الله يحفظ لكم عيالكم وكل غالي عليكم
مشكورة حبيبتي ام البتول على الرد تصدقين بس بنتي الوحيدة اللي في العايلة اللي قاعد يصير معاها الخلع!!عشان جذي خفت حيل عليها..الله يحفظ عيالنا ما يكبرون الا مشيبين فينا من
الخرعات

 

[بـاسي قــوي]

حبيبتي الله يشفيهاا

 

[سمسم الجميلة]

الله يشفيها لجً يـآرب ~~

بنت رفيجة اختئ هم وياها هالشي .. وحطت عليه زيت زيتؤؤن ولفت ايدها بـ شي مادرئ شنؤ اسممه .. :$ خخخخخخ

والحمدلله ورآها بـ 3 ايااام صـآرت زينة ..