بنتي والامساك

[اماراتيه.وافتخر]

السلام عليكم ورحمة الله وبركاته
شحالكم ان شاء الله بخير

بنات ابي حل لبنوتي فديتها
من يومين عندها إمساك وهي عمرها شهرين
للعلم أعطيها حليب نان

ساعدوني الله يخليكم واااااايد خايفة الصراحة

لأني اعرف وحدة بنتها ياها إمساك تقريبا 10 ايام
واستوى لها انتفاخ في المعده والقولون

 

[اماراتيه.وافتخر]

رد : بنتي والامساك

بنات معقولة محد يعرف

 

[اماراتيه.وافتخر]

رد : بنتي والامساك

للرفع

 

[Um Ritaj]

انا نفسج ولدي عمره شهر وصارله اسبوع امساك وماخرج وكل يومين احط صابون بعود اذون واحطه من تحت بس اخاف يتعود علي ويصير كسل بالامعاء !!

 

[الحلا و الزين]

و الله بنات انا ولدي مثل حالتكم من يوم ما كان بالأربعين وهو أمساك وللحين و هو عمره الحين 4 شهور بس الحمدلله خف عن أول لأني اعطيه الحين منقوع تمر بس يوم كنت بالأربعين أعطيه يانسون و كمون من عمره أسبوعين و كان حليبه سميلاك بعدين وصفت لنا دكتوره حليب نوفيلاك لحالات الأمساك وايد زين بس أنا باعتقادي أن طفل بهالعمر لازم يحوشه امساك مهما كان حليبه خالي من الحديد لأن الحديد يسبب امساك

 

[كتكوته22]

حبيبتي عطيها ماي وتمر بنفس اليوم راح تخرج وترتاح ويعطي صحه للبيبي

يبي استكانه مالت الجاي وحطي فيه تمره وشيلي الطعامه منها وكبي عليها ماي مغلي حار وخليها ربع ساعه بعدين شخليها بمميه عطيها كل يوم رقمين واااااايد زين حق الامساك ويسمن الياهل

 

[ZajiL]

سلامتها ماتشوف شر

بالنسبه للامساك موزين يظل فوق 3 ايام بعد ال3 ايام لازم تاخذينها الطبيب يعطيها
حقنه شرجيه وتخرج

عندج الحبه الحلوه تمشي البطن اخذي مقدار فقشة الاستكانه ونقيها ماي حار ونطريها تبرد وشخليها
وعطيها بنوتج

واخر حل بالنسبه لي الي هو منقوع التمر لاني ماحب اعطي البيبي اكل قبل ال6 شهو للامانه ماجربته
بس سمعت انه يمشي البطن

 

[Om Ali 86]

اما تعطينها منقوع التمر
او ماي و شكر او نبات
او تاخذيلها من الصيدلية حقنه شرجية

 

[Um Ritaj]

توني جايه من الدكتورة

وحطتله فازلين من تحت لين خرج

وقالت احتمال ان لما طهرناه كثرو من البنج وحاش كسل للامعاء وقالت لازم كل صبح ومساء اسويله هالحركة ولازم اسوي لبطنه مساج ببطن الكف لاني انا كنت اسويله غلط كنت اسوي مساج باصبعين بس صححتلي الدكتوره ووصفتلي شراب هيمالايا وهو عباره عن اعشاب وينسون ينظم الهضم

وسويت مثل ماقالو البنت ماي + شكر بس ما خرج ولدي

وخذت عينه من الخروج تبي تحللها لان حرام صارله اسبوع امساك وماخرج من 3 ايام وخرج اخضر وراح يبين التحليل يوم السبت ان شاء الله

 

[ZajiL]

عرفته دوا هملايا اسمه بروسبان عجييييييييييييييب بس اهو للغازات وفاتح شهيه لانه
مكوناته طبيعيه ان شاء الله يرتاح عليه وسلامته مايشوف شر ولدج

 

[Um Ritaj]

عرفته دوا هملايا اسمه بروسبان عجييييييييييييييب بس اهو للغازات وفاتح شهيه لانه
مكوناته طبيعيه ان شاء الله يرتاح عليه وسلامته مايشوف شر ولدج

ايوا هذا اهو

الشر ما يجيج يا قلبي

 

[غلاي عزوزي]

انا بنتي من ولدتها واهي فيها امساك الحين عمرها 8 شهور طبعا حليبها نفسج نان
اول الاشهر اتخدمت تحاميل الجلسرين - عصير برتقال مخفف-قطنه اذن فيها فازلين او زيت زيتون احطها بفتحه الشرج يسهل عليها شوي- صابون رقي لانه طبيعي ماضرها الحمدلله ومجربته بولدي ومن نصايح صيدلي - منقوع نص تمره برقم او رقمين ماي
كل الي قلته من نصايح الطبيب والصيدلاني يعني مامنها خوف


كل الي قلتلج عنهم اول 4 شهور بعدين دخلت الاكل الخضار المسلوق والشوفان يهبل للاماك والحمدلله خف

 

[Um Ritaj]

انا بنتي من ولدتها واهي فيها امساك الحين عمرها 8 شهور طبعا حليبها نفسج نان
اول الاشهر اتخدمت تحاميل الجلسرين - عصير برتقال مخفف-قطنه اذن فيها فازلين او زيت زيتون احطها بفتحه الشرج يسهل عليها شوي- صابون رقي لانه طبيعي ماضرها الحمدلله ومجربته بولدي ومن نصايح صيدلي - منقوع نص تمره برقم او رقمين ماي
كل الي قلته من نصايح الطبيب والصيدلاني يعني مامنها خوف


كل الي قلتلج عنهم اول 4 شهور بعدين دخلت الاكل الخضار المسلوق والشوفان يهبل للاماك والحمدلله خف

حذرتني دكتورتي عن التحاميل تقول تتعود عليها الامعاء

قالتلي خليج عالفازلين والعود

بس حيل طول مع ولدج