بنتي والاكزيما ساعدوني

[عشقي أرض الكويت]

السلام عليكم كيفكم شخباركم , ابي منكم مساعده واللي تعرف شي لحل مشكلت بنتي تقول الله يجزاها خير بنتي عمرها سنتين وعشر شهور وفيها اكزيما فضيعه في يدينها ورجولها لدرجة انها اربعه وعشرين ساعه تهرش بعمرها مسكينه تقطع قلبي عليها ماني عارفه شسوي ياليت اللي يعرف علاج مجــــــــــــــــــــرب تقولي الاطباء ماعندهم غير كريمات الكورتيزون ولاجاب نتيجه ومادري اهو فيل امل تروح الاكزيما منها اذا كبرت تكفــــــــــــــــــــــــــــــــــون ساعدوني جلدها تشوه من الاكزيما وصار حرش وغمق انتظر كـــــــــــــــــــــــــــــــم .

 

[المها الابيض]

الله يشفيها ان شاالله

ماعندي فكره بس روحي دكاتره استشاريين احسن من انج تجربين عليها اشياء مو طبيه

وان شاالله تروح الاكزيما لي كبرت ولد اختي جذي والحمدلله الحين كلمالها وتخف

 

[شموخ 0]

حيااااااتي ماتشوف شر حاسه فيج وربي لان بنتي كان في بس خفيف حطي لها كريم الكوم ع الجرح ولمد اسبوع بتشوفين النتيجه المرضيه بس لازم تودينها للجلديه انصحج بمشفي السلام ولاطيبه كلينيك

 

[شموخ 0]

:eh_s(14):اففففففففففف كتبت لج وامسحته بنتي تلعب بجهزي

 

[شموخ 0]

اب اب

 

[Um Tuki]

حبيبتي في عضوة قبل فترة حطت موضوع عن الاكزيما ..

و بعدها بفترة عضوة ثانية كتبت انها جربت الطريقة ونفعت مع بنتها او ولدها واااااااايد ..

و انا رحت شريت الاغراض الا اهيا ..

( صابونة ديتول الاصلي غير معطرة + فازلين اصلي )

هاي اللي شريتهم ..

بس لح
الحسن ماجربت الصابون .. لآن ولدي عمره 8 شهورو خايفة تككون الصابونة ثقيلة عليه شوي ..

بس الفازلين الحمدلله خففه احس ..

و قبل شهر تقريبا لاحظت ان ورى فخوذه وااااااااايد فيه ..

صرت لما اسبحه اترس فخوذه بالذات مكان الاكزيما .. بيبي أووويل ..

بعد استخدام مرتين حسيت بالفرق ..

للعلم اني استخدم له بيبي اويل بس بشكل سريع و ما احط وايد و لما انشف جسمه امسح البيبي اووويل ..\\طبعا البيبي اويل ينحط و الجسم رطب .. يعني قبل ما تنشفين بنتج من الماي ترسيها بيبي اويل خليها فترة بالفوطة ..

بعدين دهنيها بالكريم الخاص فيها ..

ربي يشفيها لج

 

[عشقي أرض الكويت]

مِِِِِِِِِِِِِِِِِِِـشكورين على الردود واشكرج اخت شموخ ع رفع الموضوع الله يرفع من قدرج

 

[Um Tuki]

دورت لج الموضوع

http://www.q8yat.com/t881386.html

و في عضوة جربت و نفع معاها ..

ان شاء الله اليوم ابتدي مع ولدي ..

 

[عجايب2009]

حبيبتي لازم علاج داخلي وخارجي روحي دكتوره نهله بطيبه اتهبل واعلاجها رووعه وديت بنتي لما كانت سنتين والصراحه حمدالله صارت زينه

 

[عجايب2009]

لازم بعد تاخذ شراب للحساسيه

 

[الوردة المكنونة]

حبيبتي انا استخدم حق بنتي سيباميد مو اللوشن لا التيوب الكريم الثقيل اللي مكتوب عليه للحفاظ ممتاز مع شامبو وصابون سيباميد وايد تحسنت عليه حتى الشامبو لازم سيباميد لان ينزل على الجسم جربيه وراح تلاحظين من اول استعمال يوقف الحكه ومع الوقت راح تخف الاكزيما وتختفي تدريجيا هذي تجربتي مع بنوتي من اول ما انولدت لي اليوم عمرها سنه وثلاث اشهر

 

[رجفة وهم]

الله يشافيها ياااارب

استخدمي اللي قالوه البنات لك صابون ديتول وفازلين استمررررررري عليها

أسبوعين ثلاث على حسب حالة بنتك

شوفي جربي كريم كينا كومب الأصفر عندي إحساس بيفيد بنتك بس لازم تستمرين عليه

خلصت العلبة اشتري مرتين ثلاث اربع أهوا صغير ويخلص بسرعه

والله يشافيها ويعافيها

 

[عشقي أرض الكويت]

مـشكـــــــــــــــــورين ماقصرتوا الله يسعد كل من ردت علي راح اسوي اللي قلتو عليه وان شاالله يفيدها يارب

 

[om deaj]

انا جم ولية ار سمعتها مجربة زبدة الشيا تخلطها بزيت زيتون والحمدلله تقول مانفع معاي غيرها

 

[قمه النعومه و الأنوثه]

الله ايشافيها وايطمن قلبج عليها ..من تجربتي اكثر شي نفع عيالي كريم اوتوديرم إكسترا زينك...

هذا الكريم حبيبي :hjy5jewf:حييييل حيييل مفيد

 

[مواصله]

الله يشفيها ترى اغلب الجهال يروح اذا كبرو انتي بس اهتمي بالترطيييب

 

[الحربية ام زيد]

جربت كلشي مانفع مع ولدي جبتلة كريمات غالية من الصيدلية ووديتة الطبيب ماعرف يعالجة عطاه كريممات كرتزون تخيلي العلاج شنو بالصدفة اكتشفت فازلين اغرقة فازلين والحمد لله مشالله راح الجفاف والحكة والجلد الاحمر الي يحكة صج يدبق بس شسوي هذا علاجة لحد مايكبر وانشالله يروح فترة موقتة

 

[فاقده ابوهاااا]

حبيبتي تبين شي فعال بأذن الله
انا تعبت مع ولدي بسبة الاكزيما ورحت العيادات ما عطوني الا كيرتيزون بعدها مرت اخوي الله يجزاها الف خير انصحتني بكريم اسمه
Crema
Skin-cap

حده عجيب استعملته بعد ثلاث ايام اختفت الاكزيما بفضل ربي وحتي قشرة راس الرضيع لاعت جبدي من ولدي ما خليت زيت زيتون ولا كريم ما حطيته وماكو فايده بس استعملت شامبو من نفس الماركه باستعمال مره وحده اختفت القشره تقولين سحر سبحان الله

 

[فاقده ابوهاااا]

جربت كلشي مانفع مع ولدي جبتلة كريمات غالية من الصيدلية ووديتة الطبيب ماعرف يعالجة عطاه كريممات كرتزون تخيلي العلاج شنو بالصدفة اكتشفت فازلين اغرقة فازلين والحمد لله مشالله راح الجفاف والحكة والجلد الاحمر الي يحكة صج يدبق بس شسوي هذا علاجة لحد مايكبر وانشالله يروح فترة موقتة

مو شرط الفازلين ينفع مع ولدها
انا حطيتةفازلين هيج جلده لان الزيت والفازلين حاريين يسببون حبوب وتكزيما طبعا مو مع الكل

 

[فاقده ابوهاااا]

اي صج نسيت اقولج

لا تغسلين ملابس ولدج بالصابون العادي في علبه ورديه مكتوب عليها خاليه من المواد الي تسبب الحساسيه وابتعدي عن اللينور او كمفورت اي شي فيه عطور او ريحه وخري عنه وحتي بودر
استعملي صابون ديتول الاصفر مع الكريم الي قلتلج عنه وان شاء الله يتعافى