- إنضم
- 22 أكتوبر 2008
- المشاركات
- 5,979
- مستوى التفاعل
- 0
- النقاط
- 0
السلااام عليكم بنات
حبيباتي مساكم الله بالخير
بقولكم السالفة و انتوا شوروا علي..
بنتي الله يحفظها عمرها قريب الـ 5 شهور..
من ولدتها و شعرها ماشالله تبارك الرحمن مكتكت و طويل و نااااعم
بالنسبة لي مافطنت ان هالشي ممكن يكون ملفت كان عادي بالنسبة لي
بس مرة بنت عمي نبهتني قالتلي ترا شعر بنتج يلفت لبسيها كبوس ولا تخلين الناس يشوفون شعرها..!!
قرصني قلبي و فعلا كان شعرها ملفت
بس هالكلام شعقبه..! تقريبا قريب طلعتي من الاربعين و اهلي كلهم شافوها
صرت احرص البسها كبوس .. تقريبا كل طلعه
بس اسم الله عليها ما يقعد على راسها الكبوس
و من كبرت شوي قمت البسها باندات و ما اطلعها الا لأهلي
و وحدة من بنات عمي تسألني تقولي كل البيبيات ينولدون شعرهم ناعم..!!!!
اقولها قولي ماشالله ترجع تسألني و هي مبتهرة..!
عاد زفيتها و قلت لها ان صار شي لشعر بنتي يا ويلج.. و مارديت عليها
و الاسبوع اللي وراه بالزوارة ردت اسألت امها نفس السؤال : (امها كانت تلاعب بنتي) و تقولها يمة كل البنات ينولدون شعرهم ناعم..؟؟؟
هي مسكينة شعرها افريقي حدة و خشن وايد فالظاهر عشان جذي مستغربة..!
و انا رديت قلت قولي لا اله الا الله ما شالله عاد قالت ماشالله..
هالسالفة كان عمر بنتي شهرين تقريبا
و ما اخفيكم اهلنا كانوا فازين فيها و يموتون فيها من اييهم يتناقلونها من ايد لأيد وايد يحبونها لدرجة كل ما صاحت بايدي ياخذونها مني و يدلعونها و يلاعبونها
و من ارجع البيت بالليل البنت معفوووووسة ما تنام بس تصيح و في قلبي كنت اقول اكيد من فزتهم فيها بالزوارة
و عقب تعمدت اذا يبتها معاي اخليها بالصالة اللي داخل صادة عنهم و خفت عسارتها بالليل
و وايد يصورونها و يدززون صورها بالقروب مال اهلنا و مختبين فيها وايد
كان يضايقني هالشي بس ريلي يقول اهلها و يحبونها عادي.. بس شقول لهم افتشل و اسكت و ياليتني ما كنت اسكت
بنتي من شي لشي
من عسارة الليل لين الغازات
و منها عاداها ولد عمها كان مريض و هي طاحت مريضة شهرين صدرها تعبان كله بلغم كانت تكح و تتشنج علي و تزورق جنها بتموت :eh_s(2):
و سدحناها بالمستشفى يومين.. مابقى دكتور ما وديتها له..
عاشت عالكمام شهرين كاملين ما تحسنت الا توها يوم كملت 4 شهور
و منها التهابات بحفاظتها و عقب الالتهابات حاشتها حساسية بساق ريلها كلها من الفخذ لين القدم حبوب صغااار مثل الحرار
و توها توها قامت تخف عليها الحبوب هذي طبعا عقب ما وديتها اعالجها..
و الحين الطامة الكبرى
شعرها بدى يطيح..!!
طول 4 شهور ما طاح بس هالاسبوعين اللي فاتوا لاحظت شعرها من ورا على جنب في فراااغ وليش شعرها طويل شوي يغطي الفراغ
يومين و لا الزلف ماااكو حت..!
و في مثل الدائرة الصوب الثاني من راسها حت منها الشعر
يعني شكل شعرها مو شكل شعر البيبي العادي اللي يحت شعره من المخده و يصلع من ورا عرفتوا شلون..!
خفت عليها
ريلي وسوس علي يقولي جنه ثعلبة..!!!!
اسم الله على بنتي ان شالله مافيها الا العافية
بس وايد خرعوني عليها
من يومين شفت شعرها على هدومي يطيح و اعتفس شكل شعره فعزمت اقصه لها و اخففه شوي بالمقص
وديتها الصالون قالي لازم تقصينه كله
هذا شعر بطن ولازم بيطيح بس عشان يطلع كله مرة وحدة و يترتب
لان الحين صارت الفراغات تبين فيها لازم يحلقه لها عالصفر
:krkrkr:
المهم حاولت يقصر شوي يرتب حاول حاول ماكو فايدة لازم يقرعها
و قرعتها
و مكان الفراغات صلعه تحسون جنه اساسا ماكان فيه شعر مكانه..!!
اخترعت عليها وايد حبيبتي..
الحين بسألكم
بنتي ما ترقعت من انولدت و هي من شي لشي..
و انا كنت اقول كل اليهال يحوشهم جذي من عسارة و غازات.. و المرض يوم تعب صدرها كانت منعدية من ولد عمها ما حطيت في بالي
بس من شفت شعرها خفت وايد
معقولة عين..!!!
و شعرها..؟؟؟؟
هالشي عادي يعني انه يحت بهالطريقة..؟؟؟
خالتي ام ريلي تقولي اكيد من المخدة و شي عادي و لا تحاتين
بس شكل بنتي الحين حده يكسر الخاطر و قلبي قرصني
معقولة عين..!؟؟؟
واي من صج اخترعت عليها..!
انا احرص اقرى عليها قبل لا اطلعها و قبل لا تنام بس ساعات انسى الله يلعن ابليس
شلون اعرف اذا عين..؟؟؟ و شنو اسوي..؟؟؟؟
ابي اوديها دكتور جلدية يشوفها لي بليز منو تعرف دكتور جلدية شاطر..؟؟؟؟؟
ربي يشافي بنتي و يبعد عنها كيد الحاسدين
بليز بنات مخترعه لا تخلوني و شوروا علي معقولة تكون عين..؟؟؟
هالشي عادي ولا لا..؟؟؟؟؟
و وين الاقي دكتور جلدية زين..؟؟؟
حبيباتي مساكم الله بالخير
بقولكم السالفة و انتوا شوروا علي..
بنتي الله يحفظها عمرها قريب الـ 5 شهور..
من ولدتها و شعرها ماشالله تبارك الرحمن مكتكت و طويل و نااااعم
بالنسبة لي مافطنت ان هالشي ممكن يكون ملفت كان عادي بالنسبة لي
بس مرة بنت عمي نبهتني قالتلي ترا شعر بنتج يلفت لبسيها كبوس ولا تخلين الناس يشوفون شعرها..!!
قرصني قلبي و فعلا كان شعرها ملفت
بس هالكلام شعقبه..! تقريبا قريب طلعتي من الاربعين و اهلي كلهم شافوها
صرت احرص البسها كبوس .. تقريبا كل طلعه
بس اسم الله عليها ما يقعد على راسها الكبوس
و من كبرت شوي قمت البسها باندات و ما اطلعها الا لأهلي
و وحدة من بنات عمي تسألني تقولي كل البيبيات ينولدون شعرهم ناعم..!!!!
اقولها قولي ماشالله ترجع تسألني و هي مبتهرة..!
عاد زفيتها و قلت لها ان صار شي لشعر بنتي يا ويلج.. و مارديت عليها
و الاسبوع اللي وراه بالزوارة ردت اسألت امها نفس السؤال : (امها كانت تلاعب بنتي) و تقولها يمة كل البنات ينولدون شعرهم ناعم..؟؟؟
هي مسكينة شعرها افريقي حدة و خشن وايد فالظاهر عشان جذي مستغربة..!
و انا رديت قلت قولي لا اله الا الله ما شالله عاد قالت ماشالله..
هالسالفة كان عمر بنتي شهرين تقريبا
و ما اخفيكم اهلنا كانوا فازين فيها و يموتون فيها من اييهم يتناقلونها من ايد لأيد وايد يحبونها لدرجة كل ما صاحت بايدي ياخذونها مني و يدلعونها و يلاعبونها
و من ارجع البيت بالليل البنت معفوووووسة ما تنام بس تصيح و في قلبي كنت اقول اكيد من فزتهم فيها بالزوارة
و عقب تعمدت اذا يبتها معاي اخليها بالصالة اللي داخل صادة عنهم و خفت عسارتها بالليل
و وايد يصورونها و يدززون صورها بالقروب مال اهلنا و مختبين فيها وايد
كان يضايقني هالشي بس ريلي يقول اهلها و يحبونها عادي.. بس شقول لهم افتشل و اسكت و ياليتني ما كنت اسكت
بنتي من شي لشي
من عسارة الليل لين الغازات
و منها عاداها ولد عمها كان مريض و هي طاحت مريضة شهرين صدرها تعبان كله بلغم كانت تكح و تتشنج علي و تزورق جنها بتموت :eh_s(2):
و سدحناها بالمستشفى يومين.. مابقى دكتور ما وديتها له..
عاشت عالكمام شهرين كاملين ما تحسنت الا توها يوم كملت 4 شهور
و منها التهابات بحفاظتها و عقب الالتهابات حاشتها حساسية بساق ريلها كلها من الفخذ لين القدم حبوب صغااار مثل الحرار
و توها توها قامت تخف عليها الحبوب هذي طبعا عقب ما وديتها اعالجها..
و الحين الطامة الكبرى
شعرها بدى يطيح..!!
طول 4 شهور ما طاح بس هالاسبوعين اللي فاتوا لاحظت شعرها من ورا على جنب في فراااغ وليش شعرها طويل شوي يغطي الفراغ
يومين و لا الزلف ماااكو حت..!
و في مثل الدائرة الصوب الثاني من راسها حت منها الشعر
يعني شكل شعرها مو شكل شعر البيبي العادي اللي يحت شعره من المخده و يصلع من ورا عرفتوا شلون..!
خفت عليها
ريلي وسوس علي يقولي جنه ثعلبة..!!!!
اسم الله على بنتي ان شالله مافيها الا العافية
بس وايد خرعوني عليها
من يومين شفت شعرها على هدومي يطيح و اعتفس شكل شعره فعزمت اقصه لها و اخففه شوي بالمقص
وديتها الصالون قالي لازم تقصينه كله
هذا شعر بطن ولازم بيطيح بس عشان يطلع كله مرة وحدة و يترتب
لان الحين صارت الفراغات تبين فيها لازم يحلقه لها عالصفر
:krkrkr:
المهم حاولت يقصر شوي يرتب حاول حاول ماكو فايدة لازم يقرعها
و قرعتها
و مكان الفراغات صلعه تحسون جنه اساسا ماكان فيه شعر مكانه..!!
اخترعت عليها وايد حبيبتي..
الحين بسألكم
بنتي ما ترقعت من انولدت و هي من شي لشي..
و انا كنت اقول كل اليهال يحوشهم جذي من عسارة و غازات.. و المرض يوم تعب صدرها كانت منعدية من ولد عمها ما حطيت في بالي
بس من شفت شعرها خفت وايد
معقولة عين..!!!
و شعرها..؟؟؟؟
هالشي عادي يعني انه يحت بهالطريقة..؟؟؟
خالتي ام ريلي تقولي اكيد من المخدة و شي عادي و لا تحاتين
بس شكل بنتي الحين حده يكسر الخاطر و قلبي قرصني
معقولة عين..!؟؟؟
واي من صج اخترعت عليها..!
انا احرص اقرى عليها قبل لا اطلعها و قبل لا تنام بس ساعات انسى الله يلعن ابليس
شلون اعرف اذا عين..؟؟؟ و شنو اسوي..؟؟؟؟
ابي اوديها دكتور جلدية يشوفها لي بليز منو تعرف دكتور جلدية شاطر..؟؟؟؟؟
ربي يشافي بنتي و يبعد عنها كيد الحاسدين
بليز بنات مخترعه لا تخلوني و شوروا علي معقولة تكون عين..؟؟؟
هالشي عادي ولا لا..؟؟؟؟؟
و وين الاقي دكتور جلدية زين..؟؟؟
التعديل الأخير:
