بنتي مصاابه بالمدرسه!!!!!!

[اسرار الغلا]

^
















^







بقولكم سالفه صارت لبنتي اليوم بالدرسه وانصدمت منهااااااا حيييييل


بنتي بثانيه ابتدائي دايما تشتكي من بنت بصفها غثيثه ودايما تطقها وتجر شعرها وترفسها وتعطيها بوكسات

بنتي عصقووووله والبنت ضعف بنتي ثلاث مرات ( شايفه صوورتها الجماعيه مع بنتي )

المهم

اليوم جهازي خربان ومسكر

ولما ردت بنتي من المدرسه ايدها فيها طعنه بالقلم بكف ايدها وقاعده تبجي تقول ادق عليج ماترديييييييين

اثاري البنت طاعنتها بقلم بايدها وقاعده تصب دم وراحت عند الاخصائيه والناظره وهي عطتهم رقمي وكان مسكر

وكانت تبجي سكتوها وخانقوا البنت وردوها الصف والمشكله قاعده يمها

السؤال اللي محيرني

ليش مادقوا على الارقام اللي مسجله عندهم رقم ابوها والبيت؟؟؟؟؟؟؟

ليش ماتصرفوا وودوها الطبيب لانها كانت تنزف؟؟؟؟؟

لو كان فيها شي اكبر لا سمح الله شكان بيصير ببنتي

صرت اودي عيالي المدرسه وانا حاطه ايدي على قلبي

شراااااايكم باللي صار

شي عادي او انا مكبره الموضوع

لاني خذيت تقرير من المستشفى بحالتها بعد ما لفوا ايدها وطقوها ابرة تسمم

وناويه اشتكي

 

[وردجوري]

لا حبيبتى مو عادى هذا استهتار وعدم مسئولية لو مكانك اروح للمدرسة واقلبها على راس الناضرة والمدرسات صراحة الواحد قام يخاف على عيالة فى المدرسة والسبة عدم اهتمام الناضرة والمدرسات

 

[القرآن ربيع قلبي]

لا حبيبتي الموضوع مو عادي
البنت طاعنتها بقلم ممكن رصاص يدخل ويؤثر عليها
اهمال الصراحة لا ومخليينها يم البنت بعد
حبيببتي الاحد مباشرة الصبح عند الناظرة وشكوى وغيري مكان بنتج نهااااااائيا
الله يحفظ عيالنا يارب من هالمدارس وعلى قولتج نوديهم وايدنا على قلوبنا
للامام سر ياتربية
عجبي ؟؟

 

[sereen]

والله ماتسكتين سوء تصرف من الادارة مادرى عيال الكويت حسرة عليهم يلقونها منا لشاغالات ولا المعلمات كل من له اسلوبه فى العقاب حسبى الله عليهم ..... اذا انتى ما شتكيتى وغيرج سوا نفس الشى ماصلحنا الخطاء واراح يستمر وممكن البنت الشيطانه راح تتمادى مع البنت لان الادارة لا تهش ولاتنش ولااتحاول تلقى عقاب

 

[عدسات ملونة]

ما كو الا تنقلين بنت صف ثاني

 

[أم عبووووود]

احنا وين قاعدين يا ناس ؟؟؟؟؟؟؟


هذيل بنات ويطعنون بالقلم اشخلوا حق الصبيان لاحول ولاقوة الا بالله العلي العظيم

انا من رايي تشتكين عليهم بس اول شي فهمي الموضوع من بنتج عدل .

الله يعين قلوبنا

 

[احلى عيمية]

لا والله لاا تسكتين حبيبتي اذا صاار الله لا يقووله ابنتج شي محد بفيدج

روحي اشتكي احسن انا صار مع ولدي نفس بنتج بس ولدي تكسروو ضرووسه والحين ولدي مركبين جسر حق ضروسه بسبة الطقه الحمدالله

 

[Miss_Tiger79]

والله شالعيز من الناظرة او الاخصائية والا وحده تقدر اتبطل ملف البنت واطلع ارقام اهلها ؟؟؟؟؟؟؟
والله اشتكي ولا تغيرين راييج
مادري اشفيهم هالمدارس عبالهم كل شي عادي

 

[أمانيQ8]

ياحسرتنا اشصاير بمدارسنا في شي غلط ولا شالقصه يعني؟؟؟
واشلون ايدها الحين ؟؟ووديتيها الطبيب

 

[رفرف]

اشتكي حبيبتي هذا اهمال ..
الطقة ممكن تصير حتى بوجود الابلة بنت غافلتها وطقت الثانية اوكي ما قلنا شي شطانة يهال !!
بس انهم يخلونها لي اخر الدوام وما يدقون هذا اهمال البنية مو زين تنزف !!
ما حصلوج في 100 رقم عندهم يدقون على اي واحد فيهم .. يتصرفون
ويسوون استدعاء حق ولية امر الطالبة خل تأدب بنتها ..

 

[om al ghaleen]

لامو عادي زين ماتسممت البنت

الحمدالله على سلامتها وماتشوف شر ان شاء الله

 

[ReeMaN]

لالالالالالالالا انا من رايي لاتسكتييييييين وروحي المدرسه الاحد وعفسيهم اخذي تقرير من الطبيب عن حالتها ووريها االناظره وصرخي فيها وهدديها تنقل البنت الثانيه صف ثااااااااااااااااااني والا بهالتقرير اروح المنطقه التعليميه بس هالكلمه تخوووووفها .... بعد مايشوفون نجراتهم هالبنتين وهم حاطينهم يم بعض .... لا لاتسكتين بصراحه وايد متمادين ولو بتسكتين ترا بيصير اكثر من جذيييي

 

[اسرار الغلا]

تسلمون بنات على تفاعلكم


بقولكم شصار معاي


رحت المدرسه اليوم وحاولت على قد مااقدر امسك اعصابي واخلي حواري معاهم هادي ومنطقي

الناظره عندها اجتماع فحاجيت الوكيله

اسمعوا حوارنا بنات وشوفوا شقااااااالت

انا : في بنت طاقه بنتي بالقلم امس بشتكي عليها

الوكيله: اي تذكرت

انا : انا مستغربه منكم مخلين البنت تنزف عندكم وما دقيتوا علي

الوكيله: امبلا دقينا ومارديتي كذا مره

انا : اي كان جهازي خربان ليش مادقيتوا على الارقام اللي بالملف رقم ابوها او البيت

الوكيله: خلاص دقينا عليج هذا كافي هذي غلطتج وبعدين انا مو فاضيه ادق على كل الارقام انا عندي 700 طالبه تبيني ادق على 5 ارقام لكل بنت عندنا الف شغله

انا باستغراب: ليش700 بنت كلهم مصابين ماصارت هذي مدرسه

الوكيله تنرفزت : انا ماقلت مصابين لا تقلبين الحجي

انا : ليش تدقين عليهم انا اتحجى عن حاله طارئه تدقين على الارقام اللي بالملف واللا شدرانا عنها
انزين مارديت عليكم ودوها انتوا المستوصف كاهوا يمكن

الوكيله: لا احنا مالنا شغل هذي مسؤوليتكم احنا ماتودي الطبيب ندق عليكم وتودونها انتوا الا في حاله تستدعي ندق على 777 وهم يودونها

انا: انزين شنو الحل مع البنت تخلونها جذي

الوكيله: بعد هاوشناها شنسوي نذبحهاااااااا !!!!!

انا : ماقلت ذبحيها من امن العقاب اساء الادب على الاقل استدعوا ولي امرها

الوكيله بنفسيه: اوك عطيني اسمها واستدعي ولي امرها

انا : انا بنقل بنتي من الصف اخاف عليها منها قلبي مايطاوعني اخليها مع بنتي بصف واحد اخاف المره الثانيه الطقه بعينها والا براسها

الوكيله: لا شدعوى .، مايصير انقلها لان الحين رصد علامات بس بشيلها وبغير مكانها خليها تروح صفها الحين وبننقلها

رحت الاخصائيه وانصدمت انها تقول كانوا يدقون على رقم قديييم قبل لا تدش المدرسه رقمنا قبل سنتين لما كانت بالروضه يعني مو محدثين المعلومات والاوراق اللي كل يوم معبينها لهم ماادري شمسوين فيها

والبنت طلعت غاااااايبه يعني ماعطوها الاستدعاء ويوم الاحد بيكونون ناسين السالفه وماراح يعطونها

شفتوا المسخره اللي صااااااايره؟؟؟؟

 

[أحلى عيون]

اي والله مصخره واهمال

انتي لو طالبه البنت ولا بالهده شايفتها وماسكتها ومهاوشتها

انا مره اختي تقول ولدي طقه واحد من صفه وتقول رحت للمدرسه لانه مدرسه ابلات وتقول الابلات والناظر يتناحشون مني ومن الموضوع

المهم تقول ما قدرت اوصل لهم وتقول وانا راده للبيت ولا تشوف الولد الي طق ولدها بالدوار يم بيتهم وتقول اصفط على الرصيف وامسك لج الولد تقول والله ما طقيته بس خرعته وقلت له اشوفك تمد ايدك على ولدي والله ما تشوف شي زين تقول الحين صارواا ربع مع بعض ههههههههههههههههههههههههههه

 

[قلبي ابيض]

لا حبيبتى مو عادى هذا استهتار وعدم مسئولية لو مكانك اروح للمدرسة واقلبها على راس الناضرة والمدرسات صراحة الواحد قام يخاف على عيالة فى المدرسة والسبة عدم اهتمام الناضرة والمدرسات

نفس اللي بقوله

 

[msmshasnsn]

اي والله اهمال موطبيعي صاير بهالمدارس
حبيبتي مالج الا حل واحد انج انتي تهاوشين البنيه وتخوفينها انها ماتجيس بنتج مره ثانيه
وتغيرين مكان بنتج
والا اذا بتتكلين على المدرسه ماراح تاخذ حق بنتج
سألي مجرب

 

[ام سلومd]

اسرار الغلا ذكرتيني فيني عاد هل السالفة من 20 او 15 سنة ماذكر بالضبط بس صارت فيني

كانت عندنا ابلة
الله لا يوارج كل اسلوب الطق تطقنا اهي مسطرة
اهي دز بالكرسي
اهي وحدة فلعتها براسها بطة راسها
و حزتها انا حاشي نفس الشي بس شنو تتوقعون صار كدمة صوب راسي
امي بعد عمري ينت
جان تقول يا انا يا اهي
و كانت امي و ابلة حمل
اهني تيكم الشي الي يضحك
جان تقول امي انا حاامل و اهي حامل يانا ياهي
شنو تتوقعون صااااااااار
كانت امي اشوي و بطقا بس الاخصائية مسكتها قالت خلاص ماراح اتجرب اليهال و على طول صار نقل على الابلة