بنتي مريضه. واحتاج لنصايحكم. عل وعس الله يسخرلي وحده. تكون شفاء بنتي

[نو-من؟]

صحيح ان الشفاء بيده وحده رب العالمين الشافي المعافي ولكن الله يسخر ناس لناس. وانا محتاجه النصيحه. مشكلتي بنتي عمرها 9سنين برابعه قبل اسبوعين بالضبط جاها الم بظهرها وبطنها قلت يمكن من الحراره والصخونه بس البنت استمرت بالوجع وديتها المبارك سولها اشاعه قالوا سليمه اهي للحين اتالم واذا العبت واركضت زاد عليها. وديتها للمستوصف قلت ابي تحاليل سوتلها وبعد نطره قالت خربانه حولتها للمبارك عيادات موعد بعد ثلاث اسابيع الشغله بطول فمالي الا الخاص. بوقتي يحكمني مقدر اغامر اوديها احد موزين ويضيع الوقت ابي دكتور شاطر يسوليها فحوصات واذا وحده سامعه عن احد مر بهالمشكله يعطيني فكره. الله يشفي مرضانا ومرضي المسلمين. *

 

[الكتكوته]

الله يشفي بنتج حبيبتي شربوها ماي مقري
وعندك الدكتوره عفاف الرومي ممتازه في منطقة الجابرية

 

[ديانا سبنسر]

الله يشفي بنتج واب لعيونج

 

[*ماي الورد*]

تحاليل شاملة يبيلها و مزرعة بول
عندج وايد دكاترة شطا ر
خالد بوحيمد
محمد سعيد
سلفا شحيبر
سناء معروف

 

[سنيوره101]

دكتور محمد سعيد شاطر ووطارق قطب بالمستشفى الهادي بعد شاااطر حييل
والله يشافيها ويخليها لج انشالله
اللهم اشفي مرضانا ومرضى المسلمين

 

[اترجة]

حبيبتي أنا أقول جيكي سويلها تحليل فيتامين (( د )) لأن الحين منتشر بشكل مو طبيعي بالكويت أكثر فئة أشوفهم معانا أطفال صغار وما تشوف شر .

 

[سوسو حبيبتى]

الله يشفيها لك

يمكن فيتامين د d او نقص كالسيوم

او يمكن برد شديد... ومرات التهاب اللوز بتسبب الم ف المفاصل

 

[أم بتول*]

اللهم لا شفاء إلا شفاؤك اشفها وعافها شفاء لا يغادر سقماً

 

[SH5SH5]

حبيبتي الدكتور اللي اروحله اسمه رأفت رعد والثاني رونالد بمستشفى رويال ممتازييين


والله يشفي بنيتج يارب

 

[نو-من؟]

جزاكم الله الف خير. بكره بسويلها تحليل روماتيزم ادعولي.

 

[قلب مغليك]

الله يشافيها ويخليها لج

 

[jawaa]

طمنينا حبي انشالله مافيها الا العافيه

 

[نو-من؟]

بنات وديتها عند دكتوره مني الي بطيبه. اصدمتني. بشي اول مره اسمع عنه. سمعتو عن العظام او العضلات البلاستيكيه. وسوت تحاليل شامله تقول زينه بس قالت راجعي فيها عند مستشفي المبارك. عشان يسولها فحص قلب وعظام وعيون. حدي خايفه وعطتني تقرير.

 

[AVE.NJ]

بس حبيت ادعي حق بنتج
الله يشفيها انشالله

 

[حبيب قلبي]

الله يشافيها ويطمنج عليها

 

[Cute mama]

ان شالله مافيها الا العافيه طمنينا عليها بس تطلع التحاليل

 

[farah_vip]

الله يعينك ويشفي ويعافي بنيتج حبيبتي روحي الأميري يوم الثلاثاء صباحا في العيادات الخارجية عند د. جواد المؤمن رئيس قسم الاطفال كلمة ممتاز شوي عليه وهو من الأهل وراح أوصيه على حالة بنتج

 

[بتبوتااا]

ان شاء الله مافيها الا العافيه روحي لدكتور ثاني وشوفي شنو يقول

عن نفسي كله اودي عيالي عند دكتور شمسا بمجمع الالماني مقابل مخفر السالميه

 

[بمبرة]

حبيبتي ماتشوف شر بنيتج.... الله يشافيها ويطمنج عليها:yaaaaaarb:
نصيحة من مجرب... اخذي تحاليلها ووديها عند البروفوسور الدكتور خالد السعيد:eh_s(17)::eh_s(17)::eh_s(17):

واي سؤال انا حاضر.................

 

[نو-من؟]

والله ماقصرتوا العبره حدها خانقتني اليوم عليها حراره وتتألم اتقول ايدي واصابعي اتعورني. وانا مابيدي شي. ولا اقدر اغيبها امتحانات وادروس ومشكله الاميري مو تابع لمنطقتنا. موعدنا بالمبارك٢٩ الشهر والله كريم ادعولي ان مافيها مرض خطير لان هالوقت الامراض انتشرت واتخوف. والله المستعان