بنتي مريضة

[مولي65]

السلام عليكم

الله يعافيكم ممكن أحد يفيدني ، آنا بنتي وايد مريضة وتعبانة مع تقلب الجو أخذت برد بس شديد... ترجيع واسهال وانتو بكرامة ودرجة حرارتها مرتفعة جدا وماقدرت تروح المدرسة اليوم وألحين فترة امتحانات وخايفة حيل تقول إن الإدارة قالوا لهم في الطابور إن اللي تغيب عن أي امتحان ما نعيده لها .... اتصلت اليوم بالمدرسة وقالوا لي مافي اعادة للامتحانات لوشنو ماصار .... الله يخليكم فيدوني هل إذا غابت يوم بإجازة مرضية ماراح يعيدون لها الامتحان مابي أسبب على بنتي لأن آنا اللي قلت لها لاتروحين كانت وايد تعبانة وما تقدر حتى توقف .... وجزاكم الله ألف خير انشالله ويبعد عنكم وعن عيالكم كل شر ومرض ........

 

[Um_3boud]

حبيببتي انا الي سامعته ان لو شنو كان ماينعاد الامتحان هذا القرارمن هالسنه مقررينه
انا ولدي بعد حده تعبان وياله شايل عمره بس شسوي قاعده ادرسه ووديه يمتحن وطلعه
الله يشفي ابنيتج وكل مريض اللهم امين

 

[ريشه123]

حبيبتي خليها تمتحن واخذيه اذا اهو قرار يعني صعبه تغيبينها

 

[مولي65]

بس آنا غيبتها اليوم لأنها كانت وايد وايد تعبانة يعني حتى لو تروح ماتدري شنو راح تكتب .... أبيه شسوي ألحين

 

[CHEESE CAKE1]

الغايب بإجازة مرضية موقعة من المستوصف ينعاد لها الامتحان 1000%

 

[مولي65]

الله يبشرك بالخير انشاللله متأكدة حبيبتي cheese ckae

 

[CHEESE CAKE1]

اي متأكدة ودقيت على اختي ناظرة علشان أعطيج الخبر الأكيد شتبين بعد ؟
بس لازم المرضية تاريخها نفس يوم الغياب (مهم )
ابي دعواتج عاد

 

[om al ghaleen]

ماتشوف شر بنتج "

انتي روحي مدرستها واخذي طبيه او حتى ورقه من مستوصف تثبت انها مريضه
وتناعد لها الدروس والامتحانات كلها

\\

 

[النهج الاسمى]

غصبن عليهم ينعاد

شنو حتى لو طبيه ماينعاد>>>>>فيها قبايل

شهالقرار السخيف مثل وجه اللي حطه

عسى ماشر ماينعاد>>>>>لعب بزران وانا ماادري

كل يوم قرار اسخف من الثاني

 

[عهود الحب]

اهو في قرار هالسنة عشتو
انه اذا الطالب ما امتحن امتحان الفترة الاولى ينضاف للامتحان الي بنهاية الكورس
وبدال ما يكون درجة الامتحان مثلا من 50
تصير درجته من 100 او اكثر
ويصير امتحانه اصعب ووورقته مختلفة عن بقية الطلبة ولجنة بروحه
عرفتي شلون
يعني يتصعب الامر عليه اكثر مما هو صعب

 

[مولي65]

يابعد عمري يا فزعتكم .....عسى الله يحميكم انشالله ويبعد عنكم كل مكروه .... أختي CHeese cake بعد قلبي ماقصرتي انك دقيتي تتأكدين لي ويارب يوفقك انشالله في كل طريق تمشينه ... ووزارة التربية حسبي الله على قراراتهم السخيفة ..... موعارفة شتسوي بالطلبة كأنهم في معتقلات مو مدارس .... ياويله اللي يمرض لازم يداوم حتى لو هذا يأثر على مستواه في الامتحان مو مهم اللي يقدمه المهم انهم يرصدون الدرجات بوقتها ويسلمون الشهادة .. للأسف أفكار رجعية ومتخلفة والظن وسوء النية أهو اللي خلاهم يطلعون مثل هالقرارات حسبالهم كل الناس عيايرة ويتميرضون ونسوا انها فترة تغيير الجو وأمراض