بنتي مبتعدة عني حيل..فيدوني الله يخليكم

[عذبة الأوصاف]

السلام عليكم..شلوونكم ياحلوآآآت..؟؟
ندخل بالموضوع..انا قبل 3شهور كنت نفاس..وطبعا تعبانة..المهم بنتي احترقت بمطارة قهوة برجولها وهي عمرها سنة ونص وتعقدت من الأرض ماتحب تنزل تحت..عاد خليت خدامتها تشيلها ع طول وتكون مادة رجلها سيدة عشان حرقها ودواها.. البنت استمرت ع هالحالة شهر ونص تنام وتقوم مع الخدامة..والحين طلعت من النفاس وأبي بنتي بحضني نفس دايم ماكو فايدة تقعد معاي جم دقيقة وتروح تبجي تدور الخدامة أشتريلها كل يومين ثلاثة ألعاب جديدة أبيها تميل لي تحبني ولاكو فايدة..أموت قهر وأبجي ع حالتها وحالتي ابي بنتي بحضني ماأدري ساعدوني والله شي يقهر ان بنتي حتى لوطقت الخدامة من دون قصد تروح وتبوسها وتلمها وانا ماسوت معاي جذي.وحاولت انومها معاي كم مرة بس لاقامت نص الليل وشافتني فحطت ..وتموت بجي لين تشوف خدامتها تلمها وتسكت تناااام
الله يخليكم شورو علي ساعدوني تعبانة ورب الكعبة انتوا خواتي فيدوني

 

[فوفو وبس]

السلام عليكم ورحمة الله وبركاته
ابي اقول الصراحة بس لا تزعلين مني
انت اعتمدت على الخدامة اعتماد كبير فطبيعي لا تستغربين حتى لو ظروفج صعبه.
الجاهل شنو يبي غير الاهتمام والحضن .
بس ابي اقولج شغله استمري لما بنتج ترد لحضنج وحاولي قد ماتقدرين.ولا توقفين

 

[فـدوه]

عادي هالشي, كل اليهال اللي عندهم مربيات يتعلقون فيهم لأنهم مجابلينهم طول الوقت. انتي لاتحرمين بنتج من المربية بس كثري ساعات قعدتج و ياها لعبيها وو كليها و انتي سويلها كل اللي تبيه ليمن ترد تتعود.

 

[انصاريه قمره]

حبيبتي الله يهديج ليش تخلين بنتج تنامعند الشغاله انا كنت نفااس وتعبانه بس ما خليت بنتي تنام عنداحد غيري ميخاالف نتعب معاهم واهم صغاار بس باجر تعبج ما يضيع يشيلونج لي كبرتي

 

[حرم راشد الماجد]

الخوات ما قصرو وعشان جذي المفروض الوحده ما تييب ياهل ثاني الا لما الياهل الاول ياخذ وقته من الرعايه يعني مو اقل من سنتين اقل شي

الحاله اللي عند بنتج الحين هي شايله الجميل للمربيه اللي لما كانت تتألم هي اللي مجابلتها وتنام عندها وعلى قولتج كانت الخدامه على طول شايلتها بينما انتي كنتي تدلعين ياهل ثاني غيرها

حطي نفسج مكانها وشوفي منو تختارين تختارين اللي كانت مجابلتج وقت ما كنتي محتاجتها ولا تختارين اللي يبيج بس وانتي تضحكين وما عنده استعداد يتحملج وانتي تتألمين ؟؟؟؟؟؟؟؟؟؟؟؟؟؟؟؟؟؟؟؟؟


عموما بنتج الحين نفسيتها مهشمه حتى لو ما بينت ( انا ماخذه دورات بهالموضوع وما تتخيلين شكثر ناس مخزنين تجارب الطفوله وعايشين فيها وهما مو حاسين ) فأنتي حاولي تبينين لها ان ما كنتي تبين تتخلين عنها وثاني شي لازم تاخذينها على يوم وتسوين لها الاشياء اللي تسعدها لما تشوفينها مستاااااااانسه مسكيها وقولي لها انا اسفه عالشغله الفلانيه وفهميها حتى لو هي مو فاهمتج العقل الباطن فاهمج وراح يعكس هالشي عليها

طبعا ليش قلت لج وديها مكان وونسيها بعدين قولي لها هالكلام عشان يتبرمج مخها ان السعاده مرتبطه بهالمكان بأعتذراج لها


وراح تشوفين الفرق واذا ما قدرتي تتقنين هالشي اقري شوي عن علم الnlp اللي هو البرمجه اللغويه العصبيه
عشان تفهمين اكثر اللي ابي اوصل لج اياه


شوفي شغله سويتيها ما درتي لها بال ممكن تعيش مع بنتج طووووووول العمر لحقي على بنتج قبل لا تكبر

 

[ام ميميتو]

مادري شنو اقول الله يعينج بس اكبر غلط انج خليتي بنتج تتعلق بالخدامه مادري شقولج والله

 

[*ريما*]

حاولي تبعدين الخدامة عنها شوي
علشان تتعود عليك

 

[عذبة الأوصاف]

يابنات أنا حملت بالغلط والا ماكان ودي احمل حاليا..وحاولت أخذها كل مكان تتذكر الخدامة وتبجي بتردلها..حاولت أطلعها لكل مكان بروحها بس ماكو فايدة كلش.؟ لاتحسبوني حاطة ايدي ع خدي ولاسويت شي..بالعكس ماإستشرتكم الا وانا مجربة كل شي وتعبت ماكو فايدة.. البنت تلعب معاي شوي وتروح تدور شغالتها.؟؟
وبعدين ظروفي بالنفاس حيل حيل صعبة. ولدي معاة خلع وفحوصات بالمستشفى وكل شوي متنومين يعني بنتي منو بيكون عندها.. حاولت انومها عندي أكثر من مرة ولاتبي وطلعت انا وياها لكل مكان تفضحني عند خلق الله وتصيح وأردها..؟

 

[ندى العبير]

الله يعينج

مدام الشغاله معاها اكيد بتتعلق فيهاااا

 

[جذابه بنت ذيابه]

حبيبتي عادي لا تحاتين ..

اهم شي تحببينها فيج نفس قبل مو شرط متعلقه بالخدمه ومو متعلقه فيج .. يمكن فيها غيره وتعودت بعد عالخدامه
انتي اللي عليج تسوينه تسوين لها غرفة العاب .. وتحطين فيها كل الاشرطه والسيديات اللي تحبهم ..
وتخلينها تلعب فيهم وتلهين الخدامه عنها طول الوقت على شوي شوي لين تتعود



ترا ولدي قبل كان متعلق بخدامته بس اشوووا سافرت وجبت غيرها .. وهذي عادي عنده

لا تحاتين فتره وتعدي

 

[سفيرة السعودية]

انا اقول احسن حل تسفرينها عشان اذا ما شافتها في وجها ما ترجع لها
وانتبهي يمكن الخدامة تزهق منها وتسوي لها شيء خو خبرج ما منهم امان
اذا خذت فترة طويله الخدامه خلاص سفريها

 

[حرم راشد الماجد]

والله ما كو اي مخلوق يكره امه مو بس البشر حتى الحيوانات تكرمين فهي اكيد تحبج بس محتاجه شويه وقت عشان ترد لطبيعتها صبري وتحمليها حتى لو تعسرت شوي اخذيها معاج بروحكم وديها مكان هي تحبه او مثلا محل العاب وخليها هي تختار وانتي سولفي معاها وضحكو خلي الطلعه ممتعه لما تبجي تبي الخدامه تجاهليها ولا تحطين عينج بعينها سوي روحج مو سامعه راح تبجي وايد بس ماردها راح تسكت وترد تمشي معاج لما تطلب منج تروح حق الخدامه غيري الموضوع لا عبيها تحمليها لما تصرخ ولا تبجي ميخالف كل علاج مر بس لازم ناخذه عشان نتشافا ادري هالشي صعب عليج بس حاولي

 

[ام خدود ورديه]

شلون هانت عليج اتخلينها اتنام عالخدامه ؟ شلون تثقين فيها ؟ الله يعينج الصراحه ماتنلام بنتج عبالها الخدامه امها