بنتي ما ادري شنو فيها ؟؟ الحقوني

[انجال]

بسم الله الرحمن الرحيم ..


لكل ام الحقيييني بنتي ما ادري وش فيها ؟؟


بنتي عمرها سنتين ونص ..

بصراحه انا شاكه انه فيها لمس واعوذ بالله ..

السالفه ومافيها ..

بنتي دايما تصيح بليل احلام الطفل العاديه بس مرات تطول نص ساعه او ربع سااعه تصيح وتبكي ..

لكن اليوم غير بنتي لها ساعه وربع وهي تصيح وترفسسسسسس رفس مو طبيعي من رجولها ومن يدينها والله ومسكت ايدينها وارجولها وظميتها طلعت تظرب راسها .. تعوذت لها من ابليس قريت سور قصيره .. قريت المعوذات وسورة الكرسي .. ولا في فاايده

قلت لزوجي شغل قران من جواله والله يابنااااااااااات انها تصيح اكثثثثثر والله بغيت ابكي ليه تصيج جذي وتزييييييييييييد

والله زوجي ما قصر حاول يصحيها ويسطرها بشكل خفيف علشان تصح ولا مافي امل تصحى والله يابنات تصيح وهي مفتحه عيونها وحمررره ..

عاد زوجي يقول عادي انا جذي لما كنت صغير قلت لا مو طبعيه حالتها صيااح كل ليله ولما تسمع قران كانه الموت جااايها ؟؟


حاليا بحضني وحاطه لها كراميش وسااكته ..

ما ادري شنو حالتها اوديها لشخص يقرا قراان عليها ؟؟ ولا شسوي !!!!!!

مع العلم كل ما سكتت وحركت ارجولي رجع الموال مثل ماهو صيااح وترفص ؟؟؟

والله رجولي حدها مخدره ..

سااااعدوني الله يسعدكم ويوفقكم

نتواصل انجال

 

[جادل سبيع]

اسم الله عليها اقري عليها وتعوذي من ابليس ؟؟؟؟؟؟

يعني اهي من زمان هالشكل والا تو ؟؟

اذا تو يمكن مخترعه او صاير وياها شيء عادي ياكثر ماتصيبهم قفلات هالصغار الله يهديهم ويشرح صدورهم ..

في مسج وصلني اليوم:الاغتسال بالمطر شفاء من السحر والمس والعين والدليل أن ماء المطر طارد للشيطاين قوله تعالى :
((وينزل عليكم من السماء ماء ليطهركم به ويذهب عنكم رجز الشيطان وليربط على قلوبكم ويثبت به الأقدام))

[الانفال:11]

لا سمح الله يمكن فيها عين والله يستر..
انا بنتي عمرها 3 سنين صارتلها هالحاله من عقب مناسبه حضرناها ورقصت فيها الكل انهبل عليها و ع شعرها واهي حبوبه تحبب للناس وتتودد لهم صار هالشيء يجيها وايروح لما اتنام تبكي واترفس واتصيح وماتسمع مني ولا تدري منو عندها لما اقرا عليها واسمي واغسل وجهها تصحصح بس تقعد تبكي ونفسيه الله يهديها وشارو علي شكثر اقص شعرها بس للحين افكر واهي تبي شعرها طويل ع قولتها كبير ومادري ؟؟؟؟

بس اقرب مالهم العين الصغير الناس اتفز فيه ابسرعه دايما حطي ايدج ع راسها واقري:اعيذك بكلمات الله التامه من كل شيطان وهامه ومن كل عين لامه.والله ايخليهم لنا ويهديهم ..

 

[ام الدرر]

حبوبة يمكن في شي يعورها
انا بنتي وهي صغيرة نفس الشي
طلع عندها التهاب بالبول (اعزج الله )
وديها الطبيب يسوي لها تحاليل وفحص شامل
واحيان مثل ما قال زوجج طبع في الياهل يصير البجي
عسى الله يشفيها ويرفع عنها ​

 

[زين ودلال]

حاولي ترقينها كل يووووووم عالاقل مرتين او ثلاث مرات باليوم

شربيها ماي مقري

وان شاء الله يارب مافيها الا العافيه

 

[Jo0ree]

الله يحفظها ويبعد عنها كل مكرووه وسوي نفس ما قالت لج الاخت زين ودلال بدال كراممييش هذي قعدي اقري قرآن وخلها تقرأ معج..

علييج بالرقييه.. انتي ارقيها افضل.. واذا عندج ماي زمزم شربيها

 

[Tom ♥ Jerry]

,


اسم الله عليها :/ !
وديها حياتي حق شيخ و شوفيه شنو يقولج
خل يقرا عليها و خل يشوف حالتهآ ..
الله يشفيها و يبعد عنها كل شر و يعينكم يارب

 

[روح مغليهاM]

نفس حالته خواتي بس لما كبرو الحمددلله راحت عنهم
فمااتوقع مس
بس ارقي كل مغرب ومع الفجر واستودعيها وربي يحفضها
او وديها شيخ يقرى عليها

 

[Om mriom]

بسم الله الرحمن الرحيم
اولا المس اسبابه واجد ومتعدده
بس ماتوقع بنتج مس


اذا كنتي شاكه شغلي ع طول قرأن في شقتج
وسمعيها قران اذا كانت قاعده وعادي
اذا شفتيها من اول ماتسمعه تصيح يستحسن تستشيرين رجال دين اذا كانت خاليه من اي مرض
اسأل الله العافيه لهاااااا

 

[منيرة خالد]

بعض الاطفال تصير فيهم هالحاله من اللعب والركض بالنهار يطلع عليهم بالليل حاولي قبل لا تنام تدهنينها وتدلكينها وتلبسينها ملابس واسعه علشان تنام مرتاحه


انا اول ولدي ما ينام الا لما احط ايدي بايده وتم على هالحاله لي الاول الابتدائي


طولي بالج >>> وفعلا الاخت اللي قالت احتمال يكون التهاب بالبول او بالاذن سوي لها فحص علشان ترتاحين


موووفقه بنت عمي

 

[الأميرة جوري]

عادي ياقلبي انا ولدي يصارخ لدرجه يطق راسه بطوفه واهدي واضمه واقرا عليه واطلع له شغلات يحبها ويهدأ ومرات من النوم نفسه ماشبع نوم فيصارخ بسبب حلم او صوت ....

 

[أحلـــى ماما]

الله يشافيها يارب
ان شاءالله مافيها الا العافيه
ترى الاطفال تجيهم غلقه مو طبيعيه ودرجاتها تختلف من طفل لثاني
بس لازم تودينها لشيخ يقرا عليها ومالها الا العافيه تطمني

 

[عيونك دنيتي**]

اخذيهآ نصيحه من ام مجربه افحص ي اذونهآ واو ممكن متعوده على الشيل والهز او مغص

 

[Tulips]

لا تودينها للشيخ ولا شي
انتي اقري عليها و مسحي عليها بالسدر و غسليها بماي مقري عليه وشغلي البقره ٢٤ ساعه
طبعا لا تننسين المعوذات والله يشفيها حبيبتي

 

[علج بو سهم]

عادي لا تخافين انا اعرف وحده واهي صغيره جذي تقوم من نومها كله تبجي وتكلم جنها قاعده اتسولف مع احد بس مو بوعيها تكون حلمانه في بعض اناس جذي تحلم واهي مبطله عيونها واذا سألتيها عقب ما تقوم شفيج تقولج ماذكر شي ،،، بس اذا كبرت شوي راح تروح منها هالحاله *

 

[sosowaty]

عادي شي طبيعي جدا

 

[سفيره الكويت]

انا افضل تودينها لدكتور نفسي يمكن فيها حاله نفسيه من شي انتو ماتدرون عنه

 

[طموح لايتوقف]

أستهدي بالله يأختي مافيه داء إلا له دواء في الدنيا أتوقع والله أععلم مشكلة بنتك عضويه ومافيه شي لو جمعتي العلاج العضوي بالعلاج بالرقيه وأستشيري المشايخ بحالة بنتك وأقري عليه بنفسك وحاولي هالفترة تتكونين قريبه منها وتخصصين جزء من وقتك لها وعلى فكرة لما كنا صغار أنا وأخوااني عذبنا الواالد والوالده بشكل ماتتصورين ويمكن مشكلة بنتك شي يسير باللي مروا فيه رايحين جاايين من المستتشفى الله يععظم أجرهم
ولاتقنطي من رحمة الله وأدعي لها دعاء الأم مستجاب
أسال الله العظيم رب العرش العظيم أن يشفيها

 

[فلة قطر]

انجال

ترا هاذا شي طبيعي والله انا ولدي عمره سنه وسصيح وهو مسكر عيونه ويرفس استغفر الله مع اني اكون قاريه عليه المعوذات

لكن يقولون لي شي طبيعي وانا ماصدق هذا كله يسويه وعيونه مسكره وديته للمطوع قال عادي الحمد لله الحين ماعاد يجيه

حتى لمن اسال الامهات يقولون عادي ترا انا عيالي نفس الشي وانا ماصدق اقول يمكن غير لاني بكره وهو اول ولد

بس عادي بتروح منها

 

[قلبي لك ربي]

ان شاءاالله مافيها الا العافيه اقري عليها رقيه وقران وايد
انا اختي كانت جذي بس الحمدلله كبرت وراح الصيياح

 

[الاسكريم]

الله يحفظها