بنتي ماتعرف تقعد بمكان وااااحد...!! شسوي؟؟

[افراحي]

السلام عليكم ورحمة الله وبركاته


بنات انا امس طرحت مشكلة بنتي وكلام الابله عنها..اليوم انا كلمت ابلتها الثانية تقول بنتج ذكية وشاطرة ورسامة شاطرة وكل شي اوكي ماعدا عيب وااااااااحد ..

ماتعرف تقعد بمكان لازم تشتغل يعني تتنقل بالصف من مكان لمكان واذا قالت الابله اقعدي ماتقعد بس تبي تلعب وتلتهي باي شي..الابله تقول حراااام والله البنت ذكية وشاطرة بس عيبها انها مو معانا..تقول مرات اشرح واحس انها مو معانا بس آخر شي اكتشف حاااافظة الدرس وتسمعه بعد...

قالت لي ترا هالشي راح ياثر عليها اذا دخلت المدرسة لانها ماراح تقعد عالكرسي روحي افحصيها عند دكتور وفي حبوب تقلل النشاط عطيها بنتج..!! انا قلت لها لا مابي اعطي بنتي حبوب..قالت لي شوفي انتي الافضل انج تودينها تفحصينها لان شطانتها مووووو طبيعية...

بنات انا ادري ان بنتي شيطاااانه بس والله من دخلت الروضة خفت شطاااانتها حييييييل بس مادري كلام الابله خوووفني..يااااربي ارحم حااالي..

انا راح اروح افحصها عند طبيب بس بنات انا اخاف ان الابلة استعجلت عليها لان السنه بدت لها شهرين بس..
شسوي من عندها نفس بنتي عسى الله يخليها ويهديها يارب..​

 

[HearT ChocolaTe]

عسى الله يطمنج عليها .. بنتج جم عمرها؟
انا ولد اختي باولى روضه ونفس الكلام تقول عنه الابله
بس للاطمئنان روحي لطبيب مختص .. او تقدرين تستفسرين لاحمد البرماوي الموضوع المثبت
لا تاخذين حبوب بدون استشاره

 

[كـ غلا ــلي]

رد : بنتي ماتعرف تقعد بمكان وااااحد...!! شسوي؟؟

والله الشرهه على وزاره التربيه المفروض يعطون الابلات دورات اشلون يتصرفون مع الطلبه يعني تطلع لها بنت نشاطها

زايد تقول عطيها حبوب من صجها هاذي ليش اهيا ماتشغل الابه مخها تستغل نشاط بنيتج وتخليها مثلا تشرح كل مره جزء من الدرس

او تجمع كراسات البنات يعني شي جذي

 

[mariam_q8]

لا حبوب ولا طبييب
انا شفت برنامج عن الناس الييي تكون نشيطه و كا حلول و انشالله تفييدج

١- لا تعطينها اكل في ماده الكافييين من كاكاو و بيبسي ..الخ لان يزيد طاقتها بشكل سلبييي ومو مفيد و اذا تبين تعطينها عطيها مو بعد الساعه ٢ الظهر

٢- بالبيت لازم تشغلينها وايد بشي عملييييي " يعطي اشتريلها سي دي رياضه و لهبوا ويا بعض رياضه و ضحكوا و حطيلها اغاني للاحرف والارقام يعني تشغلين عقلها و جسمها

٣- ادخلينها فتره العصر نادي يكون اي هوايه فيها حركه و جدي الجسم يستغل الطاقه الزايده فتهدى شوي بدواام

وانشالله تطخ لا حبوب ولا شي اسم الله عليييييييهااااا و خل المدرسه تحاول تكافئها كل ما اقعدت عاجل كل اسبوع لعبه وانتي اشتريها و حطيها عند المدرسه تعطيها و الله يخلي المعلم الالعاب بو ربع موفقه

 

[eman84]

اهم شي عطيها حبوووب تخفف نشاطها

من متى الابله صااااارت دكتورة يحليلها مسوية روحها فاهمه !!

الله يحفظ بنتج و انا مع مريووووومة

 

[جذابه بنت ذيابه]

رد : بنتي ماتعرف تقعد بمكان وااااحد...!! شسوي؟؟

امحق ابله هذي


مالج شغل فيها ..
انتي شجعي بنتج بنفسج انها تصير عاقله ,, مثال
قوليلها فلانه اذا قعدتي عاقله اليوم اوديج الالعاب او اعطيج فلوس او اشتري لج برد
او اشتري لج لعبه ومن هالكلام على شوي شوي ..



وان شاء الله مافيها الا العافيه
بس لاتوكلينها كااكااو

 

[نيو اورجينال]

:eh_s(4): حدي معصبه شلون مدرسه تقول حالحجي
استغفر الله يمكن ما عندها الامكانات اللي تشد الطفل ( ياربي) طفل ونشاطه زايد لازم عندها خبره بالتعامل
وانا مع مريومه 100%

 

[ام شريفه]

عادي اشفيج خايفه انا بنتي كانت نفس بنتج يوم وقفت الحلاو و الكاكو و البفك نهائي صارت ما تتحرك وايد ماشالله..

 

[noor al3yoon]

رد : بنتي ماتعرف تقعد بمكان وااااحد...!! شسوي؟؟

ولدي نفس الحاله جنني في البيت يتحرك بكل مكان جنني مااقدر انام منه
المهم دخلته الروضة عشان لازم يفرغ طاقته لانه فيه طاقه كبيرة ....صج ابلاته يقولون مايقعد بمكان واحد بس اهم شي يلعب يلعب مع اطفال بعمره من يجي البيت عاد اخليه يلعب مده ساعتين لين يتعب لاني قريت ان الطفل النشيط لازم ساعتين لعب مو بلستيشن والخ لا تلعبينه العاب يتحرك فيها لين خلاص ينهد حيله

حولت اكله من الكاكاوويات والبفك الى فواكهه
خلاص الكاكاو من فتره الى فتره اعطيهم مانعه السكريات عنه خخخخخخ شسوي مانبي نشاط بعد
خلاص من يصير ساعه 6 يتعشى واحط له بابيات 7 او قبله نايم من التعب
والله يخليلج بنتج يارب واي سؤال انا حاضرة

 

[om MaRyooM]

والله هالابلة لو قايلة حقي هالحجي الا مو بس طرااااق يوديها العراق رح إييها .. على قولة اليهالووه قبل

لووول

اسم الله على بنتج ارقيها خوفج هالابلة الخبلة تصكها عين ..

والحمدلله ان بنتج بصحتها وعافيتها وذكية بعد .. في يهال مشلولين الحمدلله والشكر ولا معاقين يتمنون يقومون على حيلهم ويلعبون


وبالنسبة لبنتج مشالله الاخت مريم ماقصرت بالنصايح ورايي من رايها .. اي طفل زايد نشاطه لازم يفرغ طاقته بشي ..
ومرة شفت برنامج يقولج الياهل الافضل ان يفرغ طاقاته يا باللعب بالتراب . . او الماي اذا عندكم مسبح او حطيها حتى بالبانيو تلعب وتتسبح على كيفها وتلعب باربياتها لمدة 20دقيقة لأن هالفترة الجسم يتفاعل مع الماي فتطلع كل الطاقة
وبتلاقينها خلصت الشور واهيا داايخة لوول


والله يديم عليها الصحة والعاافية لاتحاتينها

 

[آهات الليل]

رد : بنتي ماتعرف تقعد بمكان وااااحد...!! شسوي؟؟

الخوات ماقصروا بس نصيحه لوجه الله قبل لاتروح الروضه اقري عليها وارقيها من عيونهم قطيعه لايصير بالبنيه شي من سبتهم ارقي بنتج وشربيها ماي مقري

 

[افراحي]

مشكوووورين بنات ماقصرتوا كلكم...

بس مادري يعني اروح افحصها ولا لا؟؟ انتوا علموني؟؟

اختي noor al3yoon الله يعينا بس والله بنتي اسم الله عليها عن 10 جهال طيب انتي مافحصتي ولدج؟؟

 

[حجيه هيونه]

رد : بنتي ماتعرف تقعد بمكان وااااحد...!! شسوي؟؟

المدرسه اكيد مار عليها انواع اطفال بس فيهم طاقه زايده واطفال فيهم فرط الحركه


يعني اهي قالت لج شوفي الطبيب مافرضت عليج الدوا ولد عمتي كان جذي وماتكن الا على هالدوا


بس نرد ونقول شوفي الطبيب اهو اعلم مننا كلنا


والله يخليها لج وتشوفينها عروس يارب

 

[Tender Heart]

رد : بنتي ماتعرف تقعد بمكان وااااحد...!! شسوي؟؟

شوفي الله يخليها لج بس ترا انا مدرسه ومالومها اذا تأذت الابله انا النوعيه الي جذي من اليهال اشغلهم بشغل احاول الهيهم بعضهم يفيد معاهم وتقدرين تحولين نشاطهم لشغل داخل الفصل بس بعضهم لا مايبون الا نشاط التشويش واللعب و الشطانه مايبون يسوون شي مفيد عرفتي والله يهديها لج يارب شتسوين ادعيلها بالهدايه

 

[ام دودو المزيونه]

تري الأبله ما اغلطت اهي شارت عليج تاخذينها طبيب واكيد طبيب نفسي لأن فعلا في اطفال النشاط الزايد الي عندهم ممكن يكون مأذي ( اقصد اذي جسدي مو بس شوشره وازعاج ) مو بس للي حواليه حتي حق عمره ممكن يأذي عمره من فرط النشاط الي عنده
وفعلا في حالات تحتاج علاج دوائي تحت اشراف طبيب للحالات الشديدة وفي حالات تحتاج فقط علاج سلوك ( تعديل سلوك ) مع تعديل نوع الوجبات المقدمه للطفل ويكون تحت اشراف طبيب نفسي بمعاوتن الأهل بحيث يقلل من هالنشاط باساليب معينه وتتحسن الحاله واكيد راح يعطيكم تعليمات للمدرسة بكيفيت تعامل المدرسة مع الطفل بالصف
وتري اغلب حالات فرط النشاط تبين بمجرد دخول الطفل لمرحلة الدراسة ويتطلب منه النظام وتعلم الأنضباط فتبدي شكاوي المدرسات منه
والله يكون بالعون وتري العلاج الدوائي اغلب الدكاتره ما يفضلونه ويفضلون يبدون بعلاج سلوكي

 

[الأميرة جوري]

رد : بنتي ماتعرف تقعد بمكان وااااحد...!! شسوي؟؟

نسسسسسسسسسسسخة بنتى والابلات يشتكوووووووون منها مادري شالحل اذا حصلتي بلغيني اما ادويه حبوب لاااااااااا اهم شيء صحتهم

 

[om al ghaleen]

حبيبتي لايحطون عيونهم على بنتج
آصلا الياهل اللي مايتحرك يعتبر مريض .. "

قطعي عنها الكاكاو وسوالف الخرابيط
وحطي لها طاوله وكرسي وقعديها تكتب وترسم وقولي لها اذا قعدتي راح اعطيج هديه
يعني شجعيها من غير لاتحسسينها انه فيها شي ..

وذا ابلتها كلمتج مره ثانيه لاتردين عليها كلمي الا خصائيه تحط لها حل ~

\\

 

[افراحي]

.


مشكورين بنات واللي عندها نفس بنتي ما اقول الا الله يعينا ويهديهم