بنتي ماتاكل شالحل ؟؟؟؟

[احلى ديما]

مرحبا بنات شلونكم ... بنااات انا بنتي عمرها سنة و 8 شهور ميننتني بأكلها ماتاكل شي ابداااا وكل مااحاول اوكلها تقولي ماتبي ماتبي لووول والمشكله بعد انها تمووووت عالممه طول الوقت حليبها بيدها وانا اعطيها طازج كامل الدسم وحاولت جم مره اقطع عنهاالحليب تسويلي مناااحه وازعاج وحنه مو طبيعيه قوليلي شسوي شالحل ؟؟ منو مثلي وشنو سوت ؟ في شي ممكن يفتح شهيتها للأكل ؟ *

 

[om MaRyooM]

واي عيال هالجيل كلهم جذي

انا بنتي عصلة وماتاكل تحرررررني .. وبس تشوف الككاو ولا الحلاو تنفتح شهيتها


ودام بنتج تحب الحليب حطي معاه شووووية حلبة
لأنها تمتن بصحة وتفتح الشهية



او روحي الصيدلية بيعطيج فيتامينات تعوضها بنفس الوقت تفتح شهيتها عالاكل شوي

واي حلات البنااات

 

[احلى ديما]

بعد عمري ام مريووم ماقصرتي عالرد ،، انا بنتي حتى الحلاو والككاو ماتحبه !!!! عادي عندها تظل يوم كامل بس تشرب حليب !! الحين توني شاريت لها فاتح شهيه من الصيدليه ان شالله ينفح معاها

 

[بـ سـ كـ وتـ ة]

يختي يسلم قلبها

بنات هالجيل يبون يحافظون على رشاقتهم من الحين

حطي لها أشياء مغذية مع الحليب

مرة خلطيه بالموز مرة بالفراولة مرة بالتمر أو التوت المثلج وبدعي عاد كل ما يتلج فكرة طبقيها

وجربي أوفالتين عجيييييب ... طعمه حلو ووايد مغذي ومفيد فيه شعير وفيه فيتامينات

 

[حروف من ذهب*]

نفس ولدي ماياكل بس سويتله حركات مع الاكل صار اشووه ع الاقل
مثلا العيش خليته لونه احمر واحطله شويه ماكثر له
صرت انوعله بالريوق احط الحمص ومتبل وسلطات
يعني اشكله كل يوم اجيب شي جديد

 

[مدمنة ككاو]

حبيبتي دامها ما تاكل لازم تعطينها شي يعوضها الحليب الفرش مو مدعم

عطيها بدياشور مكمل غذائي وفيه وايد سعرات حراريه وعلى نكهات بالفانيللا او العسل او الككاو

وقللي عدد الرضعات وصدقيني ماراح تاكل الا لما تقطعينها عن الحليب دامها متعلقه فيه جذي

قوي قلبج وتحملي وصبري على حنتها وبجيها لين تتعود وتبدي تاكل