بنتي ماتاسست يمدي ااسسها e

[مناااوي2006]

بنات بنتي يمديها ادخلها مدرسة خاصة اولى ابتدائي ولا راحت عليها

 

[شيــوخه]

والله ماعندي فكره بس ماحبيت اطلع بدون رد ان شاء الله البنات يفيدونج

 

[حلم الطفولة]

في مدارس تقبل .. واذا بنتج شطوره يمدي ان شالله بالصيف تتأسس .. ,, شوفي المدارس الخاصه , دقي عليهم وطلبي وقولي لهم الحاله وطلبي رقم مدرسه خاصه تأسسها بالصيف مثلا ,, والله المستعان.

 

[dectora 7elwa]

شوفي الاكاديميه العربيه الامريكيه اللي يحولي خلف نادي المعاقين ياخذون من حكومه واختبار القبول سهل وبسيط واسسيها بالعطله والله يوفقها

 

[بناتي حياتي]

السلام عليكم
بقولج تجربتي مع بنتي اللي الحين بأولى ابتدائي بالكيمبردج

كانت بالمعالي بس كتن تاسيسها صفر بس تعرف الاحرف والارقام وجم فاكهة وجم اسم حيوان بالانجليزي لما رحنا اختبار القبول بالكيمبردج انجحت عالحفه وقالولي يبيلها مجابل بالاجازه وعطوني كلمات تحفظهم قمت انا بعطله الصيف كل يوم ندرس ساعه وادخل عالنت على مواقع تعليميه للاطفال بالانجليزي

ولما دخلت المدرسه تعبتني شوي بالاول لكن الحين ما شاء الله عليها ماشيه ما اقولت صارت توب بس الحمدلله صارت تفهم كل شي وما تعبني

توكلي على الله ودخليها بس لازم تجابلينها وتتعبين عليها بالاول علشان ترتاحين بالاخر

 

[بنت البحرين]

انا نفس حالتج بنتي بأولى وودي اطلعها من الحكومه موعارفه شسوي او وين اوديها

افكر ادخلها بالمستفبل مع اخوها بالkg2 بس ماشاالله عليه يحل واجباتها ونشاالله يقبلونها
فالولي جيبيها نسوي لها اختبار

والله محتاره ومتحسفه اني دخلتها حكومه كانت تجربتي الاولى وفشلت

بس انشاالله اتلاحق عليها

 

[مناااوي2006]

[ مشكورين حبايبي وانشاالله باجر بفتر على المدارس وباذن الله يقبلونها

 

[حلم الطفولة]

والله بناتي حياتي كلامج عدل وكمبرج أرد وأقول عن تجربة بنت أختي , المدرسه وايد زينه ماشالله ,,
آنا بس تقلقني مسألة الاختلاط وأفضل دايما المدرسه الإسلاميه أو عالأقل غير المختلطه.

الأكاديميه الأمريكيه العربيه بجانب روض الصالحين شارع قتيبه خلف جمعية المعاقين.. المدرسه تأسس بالمعقول وتقبل من الحكومه ,, وأخذو الاعتراف وقاعدين يطورون .. بس المبنى شوي مو مثل كمبرج , امكانيات المبنى لدى كمبرج أفضل ..
وانتي بعد روحي وشوفي ..

 

[طيبة الكويتية]

اذا ناويه تدخلينها خاص يا اختي اول شي دوري لها المدرسه الزينه
و بعد ما تسجلينها و يقبلونها سئليهم عن منهج كي جي 2, و اذا فيه مجال تشترين الكتب يكون احسن علشان تحددين لها جم ساعه كل يوم تدرس منهم.
عندج بالنت وايد مواقع حلوه و تفيد اليهال و تعلمهم شغلات حلوه اول واحد ممكن تعتمدين عليه هذا

http://www.starfall.com/

بالموقع هذا راح تتعلم الحروف و الساوند مالها و هذي اللي يعلمونه اعيالنا بالمدارس الحين مو ايه بي سي

و عندج بعد اكثر من موقع راح احطهم و ان شاءالله يفيدونها

http://www.kidzone.ws/
هذا الموقع وايد حلو لأنه تقدرين تطبعين منه اوراق عمل على حسب المرحله او الماده.

http://www.funbrain.com/
هذا لعب و استفاده

و اذا ما تحب النتو اللعب بالكمبيوتر عليج بالكتب الملونه اللي تنباع في مركز سلطان
فيه مجموعه معينه كتاب متين و فيه منه كتب ضعاف. اسم المجموعه Golden Stars
وايد حلو الكتاب هذا اشكر شاريته حق اعيالي الواحد ب 6 دنانير بس وايد ملون و فيه لعب و دراسه بنفس الوقت. على فكره الكتاب هذا على حس العمر. و دام انه بنتج مو متأسسه اخذي لها العمر الصغير اللي اعتقد 3- 4
عندج مكتبة جرير بعد عندهم كتب وايد زينه لكن اشويه غاليه, روحي المكتبة اللي بالمثنى بالسرداب نفس الكتب لكن ارخص. بس عاد يبيلج تحوسين وايد لأنه المكتبة اشويه عفيسه.

الله يوفق بنتج يارب و يسهل امورها. اي استفسار ثاني انا بالخدمه.

 

[مناااوي2006]

طيبه مشكوره ياقلبي وجزاج الله خيرعلى المعلومات القيمه وانا دقيت على مدرسه اكسفورد الباكستانيه وقالوا بيقبلونها اللي بالجليب[

 

[طيبة الكويتية]

ماشاءالله الحمدلله
الله يوفقها يارب و يسهل امورها. عاد ها ما اوصيج بلشي معاها من الحين علشان تتعود على الكتابة وايد و الحروف. لأنه المدارس الباكستانية قويه بالتأسيس.