بنتي كملت 4 اشهر ،،، من تجاربكم شنو اعطيها اكل ؟؟؟

[manar-al-hala]

​

السلاااااااام عليكم

من تجاربكم ياحلوااات

بنتي كملت 4 اشهر واحسها تبي تاكل

وماقدمت لها غير الحليب لحد الحين

حدي عليميه ، اخاف اعطيها شي واتوهق ):

شتنصحوني اقدم لها ؟؟؟
واشلون مع رضعاتها اخفف منهم اذا عطيتها ؟؟؟

واشرايكم اعطيها اكل الحين والا انطر اتم 6 اشهر ؟؟؟؟؟


،
،
،

 

[صابرة الحمدلله]

حرام عليج لاتجوعينا ولاتمنعين عنها الحليب كلش

ابدي بسكوت فالينز الاصلي حطي ربع بسكوته مع رضعتها مرة وحده باليوم لمدة اسبوع

والاسبوع الثاني حطي نص بسكوته

الين تكملين بسكوته كامله

ولما تكمل خمس شهور ابدي بوجبه من السيريلاك وحدة باليوم وتكون خفيفه يعني قفشه

ولما تتم السادس وكليها عاد تكون معدتها تهيئه للاكل

وحاولي تذوقينها من اكلج بس تذويق عشان تتعلم ولاتستنكر الاكل

 

[manar-al-hala]

يعطيج العافيه ياحلوه

باجر ان شاء ببدي معاها

حدها تكسر خاطري

 

[dnyay_mll]

ابدي معاها ببسكوت البيبي الاصابع والسيريلاك

وسوي لها جزر مسلوق ومهروس

ومحلبيه بحليبها وكاستر

 

[manar-al-hala]

danyay_mll

مشكورا على الرد ،

بس اشلون اسوي محلبيه بحليبها وكاستر ؟؟؟

حدي مااعرف ، علميني ؟

 

[رشيقه]

فيه كتاب حلو اسمه الطفل السليم مع الدكتوره ريم تلاقينه بكل المكتبات
فيه وصفات للطفل حسب كل شهر شنو الاكل المناسب و الكميه و الحليب شكثر
حلو الكتاب انا استفدت فيه مع كل عيالي:rerrerek:

 

[AVE.NJ]

البنات ماقصرو
وانه انصحج تروحين عند الدكتوره ريم قنواتي متخصصه بالتغذيه تهبل
ترا الحين اجازه تداوم اول يوم الرمضان

 

[كويتيه مذهله 87]

اول شي بلشي ربع بسكوته بلحليب الاسبوع الاول
الاسبوع الثاني بلشي نص بسكوته كاافي

ونص الرابع دخلي السيريلاك
وبالخامس عطيها اكل بالخلاط كوسا - بطاطه - بروكلي- عيش - شويه ملح وبصل همن شويه نتفه وعطيها
لبنه - روب علي فواكه قليل - عصير برتقال - عصير تفاح - فواكه مهروسه
واذا دشت السادس عاد كل شي انتي تاكلينه تعطينها راح تتقبله وتاكله

والف عافيه عليها يارب

 

[توتا حمرا]

البنات ما قصروا
وبعد اذن صاحبة الموضوع
بنتي من جم يوم كملت ثلاث شهور
وامي تحن علي ابتدي معاها اكل وانا خايفة على بنتي
هل من الممكن ان اعطيها شي واهي بهالعمر ؟​

 

[FJ style]

الكتب انفع شي الصراحة
يمدحون العرموط واااايد
وممكن تبدين مع التفاح تغسلينه وتقشرينه وتفوحينه وتهرسينه
وبعد جم يوم تسوين نفس الشي مع شوية روب
ممكن تدخلين الخضرة وااايد زينه لا تعودينه بس عالطعم الحالي فاكهة وبسكوت ووو
يعني فوحي شوية عيش وهرسيه مع شويه من الماي ماله وفوحي شوية جزر وذوبيه مع العيش
وثاني مرة جربي العيش مع البطاط
لا تملحين الاكل ولا تحلينه بعسل ولا شي
خليه يتعود عالاكل الصحي
الكتب راح تنفعج
وممنوع العسل بالاشهر الاولى لي اخر السنة الاولى
وانا انصحج تبدين بالشهر السادس افضل
لكن ممكن من الحين بس تذوقينه الاكل يعني بس قفشة قفشتين بس عشان يتعلم لين يكمل الستة اشهر ودخي الوجبات وطبعا مع الحليب لا تقطعينه عشان ياخذ غذاء كامل

 

[hooryah q8]

ماشاءالله البنات ماخلو شي
ان شاءالله استفدتي من ردودهم

 

[رتبه دبلوماسيه]

اب اب

 

[اتعبتني جروحي]

مرحبااااااااااااا
انا الدكتوووووووووووووره نصحتني ماياكل ولدي الا باخر الخامس
ومثل ماقلتو بسكويت سيريلاك وهالسوالف
وحذرتني ااكله بالراااااااااااااابع قالت حليب ماي اعشااااااااب وبس
لان معدته صغنووووووووووونه والي تقوول الثالث بتوكله حرررررررررام عليج
الاعشاب ونخاف منها شلووووووووووووووون الاكل

 

[engnera]

عيش اليهال بالجمعيه وبسكوت مع الحليب

 

[PuPa^^SWeeT]

توها صغيرة

جربي اول شي عصير برتقال مخلوط مع ماي



و بس اتكمل 5 اشهر اول شي عطيها الخضرا المهرووسة

بعدين الفواكه بعدها بشهرين

 

[* ملكني الخوف *]

مو زين توكلينها الحين انا الدكتوره زفتني بنتي ذشت الرابع ووكلتها ومرضت قالت لاتعطينها ولاشي الا لمه ادش السادس

 

[Fajory]

عن تجربه لا تعطينها الحين نطري لما تكمل 6 شهور
انا قالولي بس ماسمعت الحجي وكليتها .. ترى الاكل المبكر يضعف مناعه الطفل ..

 

[miss2007kuwait]

انا ولدي بعد 4 اشهر بس اعطيه بسكوته مع الحليب

 

[@سيدة نفسي@]

انا لاحظت على عيالي انهم يختلفون عن بعض

من ناحية تقبل الأكل ,, بنتي الصغيرة بدت تاكل من الرابع

طبعا على خفييييييييف ,, بس كان رضاعها هم خفيف

الحين ولدي الصغير داخل بالشهر السادس مووووووراضي

ياكل شي ,, عايش ع الحليب وشاي الأعشاب ,,

انتي جربي مثل ماقالوا البنات ,, موفقة ياقلبي