بنتي قطعت عنها الحفاظة!! وااااي يننتنييييي!!!

[Vouge]

بنتي عمرها سنتين و نص
من قبل رمضان و أنا قاطعة عنها الحفاظة
لأن قالو لي البنت أسهل من الولد
و إن لي كان عندها أخوان أكبر منها بتشوف و تتعلم أسرع

بس صج صج تعبتني

اللي يحر .. لما نطلع .. و بتسوي الصغيرة .. تقول تبي تروح الحمام
عشان ما تلعوز عمرها
بس الكبيرة لي الحين ما تقول

لكن ببيتي .. مطنشتنا بالصغيرة و الكبيرة

بس خلاااص .. مليت
أدري إنها تعرف .. بس ما أدري ليش ما تقول
سويت غناوي عن روحة الحمام ما نفع
حاولت أحرجها و لي سوتها نعيب عليها ما نفع
هددتها ما نفع
حطيتها بالعقاب ما نفع
حتى قرصة قرصتها


حارتني إنها بالطلعة عارفة الحمام
بس البيت .. تسكت


صراحة مليت جم شهر على هالحال
مابي أردها عالحفاظ
وأبي أخلص من الموضوع


عندكم حل؟

 

[أم بتول*]

انا بنتي نفس عمر بنتك ومن رمضان وانا عم حاول قيم عنها الحفاضة بس للحين ما تركتها
بالليل بحطلا حفاضة وبالنهارلاء حتى لما اطلع من البيت بحطلا الحفاضة لا الحين ما بتقلي انا باخدها لما حس انو صار وئت تعملها
وعم حاول نخلص منها مية بالمية قبل ما يصير الجو بارد لانو ساعتها صعب كتير بيصير الموضوع
الله يساعدنا مالنا غير الصبر

 

[ملاك ^ الحب]

اكبر غلط انج تهددينها او تعيبين عليها


تعاليلها بالسياسه

قوليلها انتي كبرتي مو بيبيه

واذا سوت شي بملابسها قوليلها مايخالف حبيبتي بس مره ثانيه قولي عشان اوديج الحمام

حسسيها بالامان وكافئيها اذا دخلت الحمام

خلي اخوانها يصفقون لها اشتري لها هديه

لاتخلينها تخاف ترى هذي نفسيه وراح تشوفينها تتغير شوي شوي

عادي يبيلها صبر طويييييييييل


انا بنتي سنه كامله يالله قدرت تتحكم في نفسها

ما اقولج ما اعاقبها بس العقاب لمن كبرت يعني اقولها روحي دخلي الحمام تقول مافيني شي وبنفس الوقت توقف وتبول كنت ازفها

او تدش الحمام وتبول بملابسها هني اعاقبها بالزف و احرمها من العابها

لمن تعلمت الحمد الله


كل شي يبيله صبر

 

[جذابه بنت ذيابه]

نفس بنت اختي الكبيره تسويها على نفسها و الصغيره بالحمام !!

انا عانيت بالبدايه مع ولدي بس الحمدالله تعود الحين
والله يستر من بنتي عمرها الحين سنه ونص

 

[<<الأميره>>]

اووووه مشكلتي الأزليه مع بنتي
دايم تجيني بعد ماتسوي الكبيره وتقول ماما فيني كخه
شجعتها ونصفق لها اذا سوتها بالحمام بس ماكو فايده
ترجع وتسويها على حالها

 

[srab11]

انا بعد بنتي بتكمل ثلاث اسنين وما ادري اشلون اتصرف معاهااا
حاول اعلمها وشريت السراويل من سنتربوينت اللي فيهم حمايه بس ماكووو فايده تسويها علي نفسها وتكرمون تبول اما الكبيره ماعمرها سوتها ودي اشجعها اكثر مرات احس انها شاطره وتفهم ومرات احسها تستعبط وتسوي نفسها بيبيه يمكن تغار من اخوهااا

 

[زين ودلال]

انا بعد قاعده اعاني مع بنتي

بعض المرات تقول وتسويها بالحمام

وبعض المرات تقول بس تكون مسويتها وخاالصه !!!!

اقط الحفاظه عنها حاليا بس بالبيت بره ما جازفت

والله يعين يارب

 

[bubble.gum]

انا عيل كلللش مو عارفه شلون اعلمها على الحمام ...
بنتي عمرها سنه ونص ولا قادره افهمها انها لازم تسوي بوله بالحمام مادري شلون اعلمها ..
اول شي كنت ادخلها معاي الحمام تشوفني ههههههههه .... بس لا ماكو فايده
شلون ابدي معاها ؟

 

[فـراوله]

قمت أكره طاري الحمام

هذه حالتي مع ولدي ولا راضي وفاهم بس يستعبط

​

 

[حنان نور]

حاولو مره مرتين الف لين يتعودو انا بنتي من ثلاث اشهر اعلمها لين زهقت وتعلمت صرت اصفق لها واسابقها للحمام ولما تعلمت صارت تستانس وديما اصفق لها واقول لها انتي عروسه انتي شاطره وحستها تحمست كثير وجربو اعملو جدول وكل مره تدخل الحمام حطو لهم نجمه والله يعين

 

[senuretta]

اختي لم كانت صغيرهـ كانت تعجبني طريقة امي الله يحميها
ابدا ماكانت تصرخ عليها كانت تحاول كثير تمسك نفسها
وكانت تدللها وتعاملها كأنها كبيرهـ وكمان مرا كانت اختي عبيطهـ
في حركهـ كانت امي تسويها مع اختي تاخد عروستها المفضلهـ عند اختي
وكانت تقولها شوفي عروستكـ كيف شاطرهـ ونظيفهـ كوني احسن منها وزي كدآ الين الحمدالله سارت تروح لوحدهـا

ودحين سارت عروسهـ ربي يخليها دخلت اول سنه مدرسهـ وفرحانين فيها ​

 

[ملاك ^ الحب]

الي تعلم عيالها عالحمام من سنه ونص وسنتين انا بنظري هالعمر صغير على التعليم

مع ان يقولون بالعكس كل ماكان صغير يتعلم اكثر من الكبير

انا نظرتي الكبير يفهم اسرع من الصغير

انا بنتي علمتها عالحمام 3 سنوات ادري كبيره بس كانت تفهمني بسرعه

 

[توتا حمرا]

^
^
^
بالعكس الكبير صعب تعليمه لان اتعود خلاص اتجوفين ناس عيالهم ماشاءالله كبار وفاهمين ويتكلمون ويسوون كل شي الا الحمام !!!!
المفروض الام تبدأ من قبل السنتين

بالنسبة لصاحبة الموضوع ماينفع الصراخ بتعاند اكثر كافئيها واعطيها هدية اتشجعها

 

[bubble.gum]

بس صج انا بنتي احسها ما تفهمني .. صغيره ليلحين ... حاولت بكل الطرق بس الحين تقعد عالقصريه بملابسها اتقولي تكرمون كاكا بس .. وبعض المرات اخليها بدون الحفاظة تقعد 5 دقايق اقولها يالله ماما كاكا عشان يمكن عالاقل تعرف ان تسوي الكبيرة قبل الصغيره وتعلم على الحمام .. بس انا الحين ما عندي والصبح عند خالتي .. وخالتي كبيرة مالها مقاقه تعلم بعد ههههههه اهيه بالغصب تمسكها وتوكلها وميننتها بنتي .. ارد البيت اكون هلكانه ومالي خلق كلللش ...
مادري شسوي ؟؟!!

 

[Vouge]

صح انا علمت ولدي 3 سنين ارتحت معاه اسبوعين و عرف طريجه
بنتي الحين باﻷشهر

و بنتي تعتملت معاها بطريقة الثواب بالاول نصفق و نغني و هدايا و تشجيع
لكن ما فاد فاستخدمت معاها الترهيب هم ما فاد!!

مشكورين على ردودكم ... و عليه علينا طلعنا كلنا نعاني