بنتي فيها دمامل افيدوني

[نوسة الننوسة]

بنات بنتي طلع فيها دمله عند الكوع ورحت للدكتور فتحها ونظفها وبعد شهر طلعت لها دمله كبيرة بطنها وحبيبتي تتالم منها وعيت تروح للدكتور المهم انها نبطت وطلعت صديد كثي واستعملت لها العلاج اللازم وفجاة كلمتني خالتي وتقول ان ولدها اللي عمره ثلاث سنوات كان يلعب مع قطوة بيت خالي وخربشته في يده وبعدها انتفخت الكف بالذراع ومابقى دكتور ما ودته اخر شى سالها الدكتور اذا كان عندكم قطوة او كلب بالبيت قالت له ان القطوة مخربشتة مكان النفخه وشخص الحالة انها التهاب في الاوعية الدموية مدري اللمفاوية وعطاها مضاد حيوي لانها لو ما استعملتة راح يكون خراج وصديد المهم ان الحاله من القطوة والله وخفت على بنتي لان عندنا قطوة بالبيت بس هل تتوقعون اللي في بنتي منها وهي ماخذة كل تطعيماتها والله احترت لان عيالي يموتون فيها ولو اطلعها من البيت يمكن يصير فيهم شى لانهم يعدونها وحدة من البيت

 

[sHa6o0ra]

ودي القطوه البيطري يمكن فيها مرض لاسمح الله

انا احب القطاوه بس القطاوه لو شنو بهتمين فيهم بيظلون حيوانات اييبولج الامراض

يييبيلهم هامستر بدال القطوه انظف ومايسوي حساسيه وقوليلهم القطوه انحاشت وانتو بالمدرسه يومين وبينسونها

 

[عذاب القمر]

الدمامل دايمن تكون عين
وان تكررت عين خبيثه
لاتودينها للطبيب تنظيفاتهم تخلي بعد التنظيف المكان حفره يتشوه المكان
حطي عليها هرده+2فص ثوم مهروس+بصله مهروسه
حطيه على مكان الدمل ولفيها بشاش صح يعور بس كله 3 أيام ويروح باذن الله
ولاتنسين ماي زمزم ترشينها عليها
والله يشفيها

 

[بكلاتة]

حبيبتي مو شرط يكون من القطوة
الدمل اهو جذي اذا طلع مكان ممكن يتشر
وانا وااايد كنت اعاني من هالمشكلة واشكثر كانوا ياخذولي تحاليل بس ماكو شي
سبحن الله مادري من شنو !! بس انتي هم سويلها تحليل عشان تتطمنين
ومافيها الا العافية ان شاء الله

 

[خليج***]

الدمامل دايمن تكون عين

لا مواديما تكون عين ممكن احيانا,,

وفي اسباب اخرى
ومن أسباب الدمامل الرضوض الموضعية، أو استعمال ملابس ضيقة نايلون عند من عنده القابلية لتشكل الدمامل، ومن أسبابها أيضاً ضعف المناعة، وقلة التغسيل، والبدانة، ووجود السكري.

وللتخلص من الدمامل يجب تحسين الحالة العامة للمريض مثل نفي وجود الأمراض المرهقة والمزمنة مثل الداء السكري، ويجب استعمال الماء والصابون بشكل دوري للغسل اليومي أو شبه اليومي وخاصة بعد التعرق واللعب والتعب، كما ويجب استعمال المضادات الحيوية الموضعية.

ومن المهم جداً عدم عصر أو تفريغ الدمامل لأن ذلك يُخرب الغلاف الواقي الذي يضربه الجسم لحصار الالتهاب، وفي حال عدم الكفاية يجب إجراء مزرعة وأخذ الصادات (المضادات الحيوية) حسب ما تظهره نتائج الزرع وتحت إشراف طبيب.

ويجب أيضا تغيير الملابس بصفة دورية، وتجنب المأكولات السكرية،وفي حالة عدم جدوى كل ما ذكرنا فعندها تُصبح مراجعة الطبيب ضرورية، والمتابعة معه لا بد منها.

ولا يجب استئصال الدمل، ولا يجب حتى لمسه لأن التداخل عليه هو من أهم أسباب النكس أو تكرر الإصابة.

وفي الختام؛ إذا بحثنا في الأسباب ولم نجد أياً منها ينطبق على حالتنا، أي أنه لا يوجد داء السكري ولا البدانة ولا ضعف المناعة فعندها نطمئن، ولكن عندها يجب علينا أن نعتني بالغسل بالماء والصابون بشكل دوري، وأن نتجنب الملابس الضيقة، واستعمال مضاد حيوي موضعي عند أول ظهور خفيف للدمل، وعدم عصره، وعدم اللعب به لتفريغه، وهذا يكفي للتخلص من النكس والمعاودة، ونادرا ما نحتاج المضادات الحيوية الفموية وخاصة إذا انتشر، وعند وجود عوامل ضعف المناعة.



* الأسباب بالرغم من أن أي إنسان معرض للإصابة بالدمامل والبثور فإن هناك عوامل( تزيد )من ذلك، أهمها:

ـ ضعف الصحة لدى من هم مُصابون بأمراض مزمنة.

ـ مرضى السكري.

ـ ارتداء الملابس الضيقة واحتكاكها المتواصل مع الجلد.

ـ وجود أمراض جلدية أخرى كحب الشباب أو حساسية الجلد.

ـ تناول الأدوية المثبطة للمناعة كالكورتيزون أو غيره.

 

[kikoo]

والله ما عندي فكره أنه القطو هاتسوي جذي بس احتمال ليش لأ
بس الدمامل اذا شلتي وحده معروف أنها اترد تطلع اذا بتشيلينها لازم ليز واتحطين كريم مكانها
الدمامل ساعات اتكون فايروس بالدم
اهتمي بنظافت القطوه اذا انتي شاكه فيها
ودايم بتسمعين أنه القطو أهو سبب الأمراض اللي في بيتكم
فعادي تقبلي

 

[نوسة الننوسة]

هلاااااااا حبيباتي معليش تاخرت عليكم رحت لدكتور قطوتنا واكدلي ان ما فيها شى وان القطوة ماتسبب دمامل وان في حالاات نادرة اذا كانت القطوة وسخه يعني زي اللي في الشوارع يمكن ينتفخ المكان ويرجع يفش لان يمكن تكون اظافرها وسخة بس ماتسبب خراج وصديد وسالني كم مرة اسبح القطوة قلتلة كل اربع ايام قال ممتازززز وانا لاحظت يابنات اذا حاش القطوة زكام واعطااس بعدها حنا ننعدي بس شنسوي والله يابنات لو تشوفونها شتسوي تقطع القلب لو احد من العيال يقوم بالليل بيروح الحمام بس تسمعة تقوم من النوم وشوفو عيونها والله مفتوح الربع بس وتمشى كنها سكرانه وراه وتنتظره عند الباب لين يخلص وتمشى ورااااه لين غرفته والله تكسر الخاطر كنها بدي قارد ههههههه...وبالنسبه حق الدمامل يابنات نفس الكلام قالتلي معلمة بنتي يوم درت عنها قالتلي سرعي بقراءت القران عليها والزيت المقري فيه وماي الزمزم لانها غالبا ماتكون عين وهي المعلمة نفسها مرت بحالة الدمامل وانها عين ...انا بنتي كانت سمينة وبعد البلوغ ضعفت كثير وصارت طويلة حتى ان الناس يعطونها اكبر من سنها وتقول ان في معلمة مجننتها في المدرسة تقولها احنا المعلمات نطلع وننزل على الدرج ما ضعفنا وانتي جاية من العطلة اكل ونوم شلون ضعفتي وتقول حق بنتي ليش تحفين حواجبك قالتلها والله موحافتهم هم كذا ضعاف وقاعدة لها قعدة كنه مافي هالبلد الا هالولد..ماعليش طولت عليكم ...بس الصديق وقت الضيق والاشرايكم

 

[عذاب القمر]

اقولج شي ثاني بعد
انا مريت مثلها وصار كل مايمر سنه الا تطلع الدمل في مكان اللي راح
وأروح لطبيب ماكو فايده مراجعه ورا مراجعه 3 شهور ماراح
رحت لحرمه كبيره تقرا قرأن قرايه خفيفه
وكانت تمسح عليها والله كلها آيام وراحت
بس كانت تنصحني اني ما اكشخ ولازم اقرا على نفسي
والحين تطلع بس اخف من قبل واذا طلعت سويت الخلطه اللي كتبتها لج واحطها على مكان الدمل ويروح بعدايام بالكثير 4
بس الاثار تتأخر شهور
أحسن من المستشفى يبطونها لج ويبقى مكان الدمل حفره كبيره مشوهه
واتمنى اني افدتج ولو بشي بسيط:eh_s(7):

 

[نوسة الننوسة]

**صامده يكويت سويلي كفن**
اختي مشكورة على اهتمامك ..وانشمااء الله كلامك بطبقة لانة فعلا الدكتور لما يفتح الدملة يسوي داخلها فتحة عميقة ويحط داخلها شاش..وتاخذ مدة اطول لين تنظف وتطيب