بنتي عمرها 9 سنين وضعيفة حيل بس جسمها فيه ريحه :( شسوي؟؟

[جان زين]

بنات بنتي اسم الله عليها عمرها 9 سنين وضعيفونه مهتمه بنظافتها وتتسبح على طول ومعلمتها تتعطر وتحط كريمات

وكل شي بس انا ملاحظة ان جسمها يفرز ريحه...يعني اشم ريحة تشبه ريحة العرق فيها تطلع من جسمها

وحتى شعرها لما تتسبح ماتفوح ريحة الشامبو بقوة...جنها متسبحه قبله بيوم....مادري ليش؟؟؟

مع اني غيرت شامبواتها كذا مرة....

بس شعرها وجسمها مايمسكون الريحه الحلوة احس؟

ضايق خلقي بنات اخاف اعلمها على الديودرانت من الحين احس ان صغيره على هالسوالف....اخاف مو زين؟؟

شرايكم؟؟ وديتها طبيب جلديه قال ماكو شي عادي قلتله الوضع قال ماكو شي لاتوسوسين

شتقولون؟؟

 

[لعبة ايام]

رد : بنتي عمرها 9 سنين وضعيفة حيل بس جسمها فيه ريحه شسوي؟؟

ان شالله الامهات يساعدوكي

اب اب لعيونك

 

[Gatwa DaloO3a]

يمكن طبيعة اكلها تطلع ريحه من جسمها ...

سويلها عصير ليمون مع نعناااع ، خليها تشرب كل يوم ،،

.....

لا تعقدينها ولا تخلينها تفقد الثقه بنفسها ...توها صغيره

 

[حظ من عنده انا]

رد : بنتي عمرها 9 سنين وضعيفة حيل بس جسمها فيه ريحه شسوي؟؟

اي صح ترى بعض الاكلات تطلع ريحه مو حلوه


مثل الاندومي والبهارات

انتي شربيها نعناع وزنجبيل

 

[جان زين]

لا انا كلش مومبينتلها شي ولا فلتلها ولا احد ملاحظ غيري....حاليا ..بس تتوقعون الاكل؟؟

انا ماحب اعطيها ادومي اكلها مو ذاك البهارات

مادري

 

[&موناليزا&]

رد : بنتي عمرها 9 سنين وضعيفة حيل بس جسمها فيه ريحه شسوي؟؟

عزيزتي رفع لعيوووووووووونج

 

[رشيديه كووول]

رد : بنتي عمرها 9 سنين وضعيفة حيل بس جسمها فيه ريحه شسوي؟؟

بالنسبة للشعر لما تتسبح وتغسل شعرها بالشامبو حطيلها حنة مع ماي براسها لمده 5دقايق بعدين اغسلية عدل

بدون شامبو لان ماشالله الحنة تمص الافرازات والريحة من الراس وحتي لما يعرق راسها تطلع منة ريحة حلوة

 

[سالم الروح]

ماقصروا البنات

تقبلي مروري

 

[Grass]

رد : بنتي عمرها 9 سنين وضعيفة حيل بس جسمها فيه ريحه شسوي؟؟

انا ولدي عمره 9 سنوات وهم جذي ذبحني يفرز ريحه مو طبيعيه ..مع اني اسبحه كل يوم .. المهم دورت بالنت لقيت ان اهم الاسباب المأكولات

وحاطينهم .. من بينهم الاندومي وانا ولدي يموووت عالاندومي كل يوم يآآكله... المهم وقفته ومنعته عن الاندومي تدريجيا جسمه الحين ماقام يفرز هالريحه والحمدلله رد لطبيعته ... شوفي أكل بنتج وحاولي تنظمينه

 

[law love]

مثل ما قالو البنات حطي بالج على اكلها في بعض الناس الاكل ياثر عليهم و ريحته تفرز من جسمهم

وصاجه الي قالت حنه حق الشعر لانها تقتل البكتيريا و تنظف الفروه

اهيا اكيد اتسبح بروحها اخاف بس انها ما تتفرك عدل او انها ما تحط بالها على الاماكن الي لازم تتغسل عدل

اخذيلها شور جيل على روايح تستانس منهم و اهيا اتسبح من باث اند بودي وركس لانهم فواحين تخذيلها مجموعه مع عطر الجسم والكريمات

اشتريلها الليفه الي على دسوس من بودي شوب اسهل لها بالتفرك

ويمكن اهيا من النوع الي تعرق حتى لو كانت صغيره لازم ديودرت اذكر انا من صغرتي امي علمتني على البودر الي جنه ديودرنت نسي اسمه
وتاكدي من نظافة ملابسها
و الملابس الداخليه تاكدي انها تغيرهم و انهم قطن افضل لها

و ان شاء ما كو ريحه و لاشي ولازم تحطين بالج لانها قريبه من سن البلوغ اسم الله عليها فجسمها راح يتغير و راح يطلع الشعر
حطيلها مسك العروس

 

[كويتيه فرنسيه]

اي انا اضم صوتي للي قبلي الاكل واايد ياثر على ريحة الجسم

بعدي عن الاندومي والوجباات السريعه

علميها على الفواكه والخضروات افيد لها وتخلي الجسم ريحته حلوه وحطي لها زنجبيل مع الحليب يعطي جسمها ريحه حلوه

ووعلميها تفرك جسمها حيل وتخلي الرغووه واايد وتغسل المناطق الخااصه والابطين عدل


والديودرنت حراام توها صغيره لاحقه عليه خليها تحط بودرة جونسون على الاماكن الي تعرق منها

وبالنسبه للشعر عندج الحنه تسحب ريحة الشعر وتنظف الجلده وهم السدر نفس الشي حطي لها اسبووعيا


دعوواتج لي

 

[جان زين]

مشكورين بنات بس انا الاندومي كلش مادخله بيتي....شنو الحل بنات عفيه ؟؟ شنو غير الاكل؟؟ انا عيالي كلهم ياكلون نفس الاكل ليش بس اهي جسمها يفرز هالريحه؟؟

 

[chunky274]

رد : بنتي عمرها 9 سنين وضعيفة حيل بس جسمها فيه ريحه شسوي؟؟

شوفي انا عندي اخت فيها نفس الشي الظبط تدرين شسويت وراحت؟؟
يبي لج شبه مطحونه وفركي جسمها وبالاندر ارم (ابطها) من بعد جم تسبوحه راح تشوفين الريحه تروح ومجربتها شخصيا
و تقبلي مروري

 

[جان زين]

لا انا كلش مومبينتلها شي ولا فلتلها ولا احد ملاحظ غيري....حاليا ..بس تتوقعون الاكل؟؟

انا ماحب اعطيها ادومي اكلها مو ذاك البهارات

مادري

 

[~.ąvȍƈaȚ.~]

رد : بنتي عمرها 9 سنين وضعيفة حيل بس جسمها فيه ريحه شسوي؟؟

دام انها محافظه على نظافتها و اكلها ما فيه وايد بهارات خليها تستعمل ديودرنت ما فيها شي ديودرنت خفيف و اهيا انشالله كلها جم سنة و تبلغ خليها تتعود انا اذكر من عمري 8 مادري 9 سنين امي شرتلي ديودرنت لووول

اخذيلها هذا ريحته خفيفه و ما يسود و انشالله لي عرقت ماكو ريحه

و ديربالج تشترين من اللي فيهم كحول ( السائل و الرش)

لأن يسود و ممكن يطلع ريحه مو كل جسم يناسبهم

و بالنسبه لشعرها قبل فترة حاشتني نفس المشكله

حتى اذا طق بخاطري اسشوه اووف ويع يصير يلوع الجبد جني مو غاسلته عدل و على طول تلع ريحة دهن الشعر مع ان شعري نسبيا جاف

فهالاسبوع كنت شاريه حمام زيت أو ماسك للشعر و حطيتله الفوطه الحاره او هذا الجهاز

حسيته ينظف الشعر و يفتح المسامات عشان يطلع اللي فيها

و لي كان شعرها رطب بخريها و حطيلها خمريه البيت كله بيشم ريحة حلوه

و انشالله ما فيها الا العافية

 

[*احلام*الدجى*]

نصيحه لااااااااااا تخلينها تتعود على الديودرنت بعدها صغيره تره يسود وبعدين ما ينفع وياها لان الجسم بطبيعته يتكيف مع الاشياء اللي تحطينها عليه يعني يصير الديودرنت جزء طبيعي و جوده مثل عدمه خلاص الجسم تعود عليه وصار شي طبيعي بعدين ما يفيد شي واهي العمر جدامها ان شاء الله

بعد السبوح خليها تحط ليمون تحت ايدها وبعدين تغسله بماي خالي يهببببل يبيض ويخفف الشعر و يوخر الريحه بس همن مو تتعود عليه يعني مره بالاسبوع زين

 

[يا قلبي لا تحزن]

رد : بنتي عمرها 9 سنين وضعيفة حيل بس جسمها فيه ريحه شسوي؟؟

يمكن هرمونات روحي الطبيب

 

[*احلام*الدجى*]

وعلى سالفة الشعر شامبو ايلفيف لونه اصفر وابيض ريحته خنييينه واذا حطيتي البلسم معاه تكثرالريحه

او عندج عطر فرنسي حق الشعر من جي اف لازرتيك مره جربت عطرهم البرتقالي خيااااال رشه وحده وتبخ المكان كله بس حق المناسبات مو دايمن تستخدمه

 

[الزين 85]

ماقصروا البنات

 

[معالي السفيره]

رد : بنتي عمرها 9 سنين وضعيفة حيل بس جسمها فيه ريحه شسوي؟؟

تاكدي من الملابس الداخليه

اغلبها اطلع ريحه اذا كانت موو قطن او جودتها مو عاليه

وخليها تبدلهم مرتين باليوم

مو مع كل سبحه