بنتي عمرها 7 شهور ومااوكلها شي سنع!

[Al-RoRo77]

السلام عليكم ورحمة الله وبركاته
بنات بنتي عمرها 7 شهور الله يحفظها ويخليها لي يارب
صايره ماتبي حليب كثر قبل صايره لمن تبجي من اليوع واعطيها حليب تصك حلجها بقوه ماتبي الحليب بس لمن اعطيها نوع من أنواع الفارليز المهروس تبطل حلجها وتاكل وتبي اكثر

خل اقولكم شنو كنت أوكلها:
احطلها بسكوت فارليز مع الحليب
اوكلها نوع من انواع الفارليز المهروس يعني واحد بالفواكه أو واحد بالتفاح وجي
وأعطيها روب واحيانا اعطيها بفك لوول
حاولت أعطيها السيريلاك بس ماتبلعه كل ماأوكلها السيريلاك اللي بالرز تبطل حلجها بترجعه كلش مو متقبلته

المهم:
أنا ماكنت ادري اني لازم اوكلها بهالعمر أشياء مفيوحه وهالسوالف لأنها أول بيبي لي وأمي زفتني لمن درت اني اذا بوكل بنتي بس اعطيها نوع من أنواع الفارليز المهروس وقالت حرام عليج مو زين لها وكليها عدل سويلها بطاط مفيوح او بيض مفيوح او فوحي خضار أوعيش وروب
وهاليومين بديت اسمع كلام امي وأعطيها بيض أوبطاط مفيوح وتاكلهم بالغصب جنه مو عاجبها
وأمي قالتلي حطيلها ملح حيييييييل شوية ملح وانا مابي احطلها ملح لاني قريت موضوع بأحد المنتديات يقولون لا تحطين ملح بأكل البيبي لمن يكمل السنه حطي ملح مع أكله !!

وأسئلتي أهيا:
شنو لازم أوكلها أكل مفيد؟
وجم مره باليوم لازم أوكلها؟
وعادي احط شوية ملح مع البطاط أو البيض يمكن تتقبله بالملح احسهم ماصخيين بدون الملح من جي مو عاجبها؟

واَسفه اذا طولت عليكم بس عفيا نصحوني وقولولي شسوي ماني عارفه حدي متوهقه والله
كاسره خاطري


ويارب يوفج كل وحده ترد علي وينولها اللي فبالها يارب

 

[Alias]

الصبح تأكل بيض مسلوق والظهر عيش مهروس مع بطاط والعصر عطبها عصير طازج برتقال والمغرب سيري لاك بس مؤ بعد الرضعة

 

[Al-RoRo77]

اها اوكي فديتج مشكوره

 

[Espinoza]

البيض بس الصفار ترى .. بياض البيض بعد عمر السنة حطي بالج

المهم

7 اشهر حتى تقدر تاكل لحم - دياي - روب

يعني مثلا الصبح تتريق شوفان و حليب - او وجبة فواكه

الغدا تعطينها خضار مع لحم او دياي و روب مع فواكه

و العشا شوربة خضار مثلا ..

طبعا بينهم تعطينها الحليب

//

و صح ماله داعي الملح لانه التذوق ليلحين عندها انتي عندج ماصخ بس اهي راح تتقبله عادي.. يمكن اول يومين مايعجبها بعدين تحبه عادي

 

[نـعـومـه]

عطيها سيريلاك القمح

خلطي خضار وبطاط تراموزين وايد حق الياهل اللي قبل 9 شهور لان يسبب مساك

عطيها شوي موز مهروس

انا شخصيا باخذ جدول من دكتور او امي خالتي يعني احد فاهم عشان وجباتها تكون منتظمه

 

[Al-RoRo77]

ياعمري انتوا فديتكم مشكورين وااااااااااااايد ماقصرتوا والله كلكم فدتوني

 

[om deaj]

جربي للغدا عطيها شوفان سويه مثل اليريش
تحصلين الطريقة هني بس عاد بدون بهارات وخففي الفلفل الاسود

الشوفان صحييي وفي كذا طريقة للتحضير حلو ومالح وانا ماعرف الحلو ولا حتى حليب ينحط معاه ويتريقون فيه

 

[*ماي الورد*]

و خري عن منتجات القمح قبل السنة

 

[Al-RoRo77]

ان شاء الله ومشكورين يالغاليات

 

[جنى]

صفار البيض فقط قبل عمر سنه
فوحي تفاح (مقشر) مع عرموط
فوحي بطاطه مع جزر و بزاليا (شوية) فرش او مجمدة (ممنوع المعلبات فيها مواد حافظة)

 

[Rayoma2]

اب اب

 

[Al-RoRo77]

صفار البيض فقط قبل عمر سنه
فوحي تفاح (مقشر) مع عرموط
فوحي بطاطه مع جزر و بزاليا (شوية) فرش او مجمدة (ممنوع المعلبات فيها مواد حافظة)

اييييي صح طافتني سالفة ان المعلبات فيها مواد حافظه اعرف هالشي بس نسيت لووول
الله يذكرج بالشهاده
ومشكوره ع النصايح اللي اكيد بسويها

 

[Al-RoRo77]

اب اب

عسى الله يرفع قدرج

 

[KOKO_284I]

حبوبه اولا ضروري الملح باكل الياهل عشان يستطعم

وبعمر بنتج لو تاكل قفتين كبار او وحده ونص كافي لان بالسادس تكتمل معدة الطفل فعطيها بكميات قليله واكل خفيف ويفضل انج تتاخيرين باللحم لان اللحم يتاخر هضمه بالمعده

وطبيعي تعفس ويها على كل شي لان كل شي يديد عليها لا اتحاتين

 

[Al-RoRo77]

ياعمري انتي مشكوره وايد عاد ماكنت ادري شكثر الكميات اللي المفروض احطهم لها ماقصرتي فديتج
بس يعني احط ملح لها بهالعمر بعد عادي ؟

 

[KOKO_284I]

اكيد

تدرين جاسم بوحيمد ( هذا استشاري اطفال معروف )

يقولي انتي الكبيره تقدرين تاكلين اكل مافي ملح ما تستطعيمه

يقول عاملي ولدج على ان انسان يستطعم حاله من حالج

انتي حطي شوي وذوقيه شوفي طعمه مقبول عندج تستطعمينه وكليها .. موشرط يكون مالح وايد بس المهم الملح يبرز طعم الاكله .


كان يقولي خففي عصير البرتقال وعطيه ( القصد شوي شوي على معدة الياهل توها تستوعب الاكل )

واذا شفتيها رافضه اكله ( قطعيها وردي جربي معاها نفس الاكله بعد اسبوع ممكن تاخذها لا تياسين )

سوي لها محلبيه وحطي فيها عيش مطحون تعطي صحه وتقوي الياهل

شوفي فوحي الجزر .. البروكلي .. القرع .. وبعدين هرسي كل واحد بروحه وحطيهم بقوالب ثلج مكعبه وبالفريزر

بس اتسوين شوربه دياي حطي فيه مكعب بروكلي ومكعب جزر ومربع قرع وحطي قفشه شوفان

بس هذا افيد شي لها باقل مجهود

عطيها عظم الدياي اتعضض واتمزز فيه لان الفايده اللي بعظم الدياي اكثر من من الفايده اللي بالدياي نفسه .وهم زين حق اسنانها اتعضض فيه .

الفواكه .. هرسي كل فاكهه بروحها وعطيها قفشه بس شوفي بعد ساعه او ساعتين او طول النهار اذا جسمها يحسس من هالفاكهه ولا بعد .. لمه تتاكدين تقدرين تخلطين الفواكه ..

لان اذا خلطتي قبل ما تدرين ايهو سبب لها حساسيه .. وممكن تطلع علامات حمره حوالين الاكل هذي عاديه وتروح بس لا الاكل يديد عليها ..

عند الللحمام قوليه ابي شوربه عظام ( يعطيج اعظام اتفوحينهم واتسوين نفس شوربه الدياي كل شي جاهز بالفريزر بس اتضيفينه عالشوربه ) لان الطفل ما يتحمل لحم فشوربه العظام خفيفه وفوايدها عجيبه .


وبس دوختج معاي بس حبيت افيدج

 

[ليمون ونعناع]

اهم شي الخصار المفيوحه
جزر
بطاط
بطاطه حلوة

فواكه
تفاح
خوخ
عرموط
جوافه

مرتين بالاسبوع عيش مفيوح مع مرق بطاط وطماط و دجاج مفيوح

ابتعدي عن منتجات الالبان والعسل لعمر اقل من سنه

والبيبي مايستغني عن الحليب هذي وجبته الاساسيه شوفي شنو السبب الي مايخليها تشرب يمكن فطريات ام في شي يعورها اذنها ماادري

 

[Al-RoRo77]

اكيد

تدرين جاسم بوحيمد ( هذا استشاري اطفال معروف )

يقولي انتي الكبيره تقدرين تاكلين اكل مافي ملح ما تستطعيمه

يقول عاملي ولدج على ان انسان يستطعم حاله من حالج

انتي حطي شوي وذوقيه شوفي طعمه مقبول عندج تستطعمينه وكليها .. موشرط يكون مالح وايد بس المهم الملح يبرز طعم الاكله .


كان يقولي خففي عصير البرتقال وعطيه ( القصد شوي شوي على معدة الياهل توها تستوعب الاكل )

واذا شفتيها رافضه اكله ( قطعيها وردي جربي معاها نفس الاكله بعد اسبوع ممكن تاخذها لا تياسين )

سوي لها محلبيه وحطي فيها عيش مطحون تعطي صحه وتقوي الياهل

شوفي فوحي الجزر .. البروكلي .. القرع .. وبعدين هرسي كل واحد بروحه وحطيهم بقوالب ثلج مكعبه وبالفريزر

بس اتسوين شوربه دياي حطي فيه مكعب بروكلي ومكعب جزر ومربع قرع وحطي قفشه شوفان

بس هذا افيد شي لها باقل مجهود

عطيها عظم الدياي اتعضض واتمزز فيه لان الفايده اللي بعظم الدياي اكثر من من الفايده اللي بالدياي نفسه .وهم زين حق اسنانها اتعضض فيه .

الفواكه .. هرسي كل فاكهه بروحها وعطيها قفشه بس شوفي بعد ساعه او ساعتين او طول النهار اذا جسمها يحسس من هالفاكهه ولا بعد .. لمه تتاكدين تقدرين تخلطين الفواكه ..

لان اذا خلطتي قبل ما تدرين ايهو سبب لها حساسيه .. وممكن تطلع علامات حمره حوالين الاكل هذي عاديه وتروح بس لا الاكل يديد عليها ..

عند الللحمام قوليه ابي شوربه عظام ( يعطيج اعظام اتفوحينهم واتسوين نفس شوربه الدياي كل شي جاهز بالفريزر بس اتضيفينه عالشوربه ) لان الطفل ما يتحمل لحم فشوربه العظام خفيفه وفوايدها عجيبه .


وبس دوختج معاي بس حبيت افيدج

والله مادوختيني فدتيني واااااايد ياحياتي انتي عسى الله ينولج اللي فبالج ولا يحرمج من اللي تحبينهم ويعطيج ع قد نيتج ويحفظلج اهلج فديتج اناااا واكيد بسوي كل اللي قلتيلي عليهم وعدل كلامج مشكوره وايد وايد وايد وبعد واااااااااااااااايد

 

[Al-RoRo77]

اهم شي الخصار المفيوحه
جزر
بطاط
بطاطه حلوة

فواكه
تفاح
خوخ
عرموط
جوافه

مرتين بالاسبوع عيش مفيوح مع مرق بطاط وطماط و دجاج مفيوح

ابتعدي عن منتجات الالبان والعسل لعمر اقل من سنه

والبيبي مايستغني عن الحليب هذي وجبته الاساسيه شوفي شنو السبب الي مايخليها تشرب يمكن فطريات ام في شي يعورها اذنها ماادري

ان شاء الله ومشكوره حبوبه والله جد جد كلكم ماقصرتوا فدتوني بأشيأء وايد
يعطيج العافيه والله يوفجج يارب

 

[نور83]

جربي البطاطا الحلوة فوحيهاً وبعدين اهرسيهاً بالمضرب الآلي جربي القرع نفس شي او تسوينهً مع عيش الكوسة واييدً حلوة بعد حق اليهال جزر بس مؤ واييدً. كله فوحيهً بعدين ضريبه بالخلاطً وذوقيهاٍ وشوقي شنوً تحب. جربي عطائها روب والله يخليلهاً لج ياربً وتشوفينها عروس وتخاوينهاً قولي امين