بنتي عمرها شهر ما تشبعها رضعتها شسوي :(

[om hmni]

بنتي عمرها شهر ارضعها حليب صناعي كل ساعتين رقمين احس انها ما تشبع وكله يوعانه وتبجي كنت اعطيها 3 ارقام وكل ماتبجي قال لي الدكتور لا غلط لازم اتنضمين رضعاتها وكل ساعتين تعطينها رقمين وممكن 3 ارقام مره باليوم لازم انتي اللي تصيطرين عليها مو اهيا اللي تصيطر عليج والحين قاعده احاول اعلمها وطول الليل تبجي بس تدور حليب بس حسيت بفرق انها اول كانت ترجع وايد الحين خف الترجيع

بس مسكينه تكسر الخاطر كله احس انها يوعانه وتبجي وتدور الحليب

شنو الحل

 

[*ماي الورد*]

رد : بنتي عمرها شهر ما تشبعها رضعتها شسوي

انا لو مكانج اعطيها 3 او اثنين ونص و اريح راسي
و الترجيع كل المواليد يرجعون شغلة طبيعية
حطي تحت راسها مخدة و خل تنام على جنب

 

[MeMoO-q8]

بنتج بعمر ولدي
اسوي له رقمين كل ساعتين ولما يرضعها ويخلص يقعد يبجي تحسين يبي شي يمصه شكله ماشبع
بس بعدين اكتشفت ان اهو مو جوعان لا اهو متنرفز يبي ينام ،، وقمت اعطيه مصاصه عقب الرضعه وينام ،. انتي جربي جذي ،، لما ترضع وتخلص عطيها مصاصه بس تمصها شوي وتنام
والله يخليها لج يارب ؛)

 

[zo'3a girl]

رد : بنتي عمرها شهر ما تشبعها رضعتها شسوي

ياحلااتها الله يخليها لج يارب
والله ماعرف حق هالسوالف


up


up

 

[Om_Ksha]

الله كريم

 

[بوران]

رد : بنتي عمرها شهر ما تشبعها رضعتها شسوي

لا حرام عطيها اللي يشبعها شهالطبيب الحين الناس تدور اللي يفتح شهية عيالها و هذا يقولج انتي سيطري عليها لا تعطينها
حرام اذا مو طول الليل ما تنام معناتها يوعانه للحين و
و سالفة الترجيع عادي اغلب اليهال يرجعون و اهي من تخلص رضعتها طقطقيها على ظهرها لين تتجدا مادري فهمتي الحركة ولا لأ ؟

 

[سموره 87]

زيدي لها الارقام

 

[fofowa_q8]

ترا مو شرط تبجي يوعانه يمكن بس تبي تمص عشان تنام جربي معاها المصاصه

والله يخليها لج

 

[ام نوونه]

اذا تبي 3 ارقام عطيها عادي

بعد فوق ال3 ارقام وتبجي يمكن تبي شي تمصه بس

جربي عطيها مصاصه في يهال بس يبون يمصون حتى لو شبعانين جربي

واذا شفتيها استكتت يعني مو يوعانه

 

[اريج الجوري]

رد : بنتي عمرها شهر ما تشبعها رضعتها شسوي

انا مع راي البنات ,,,


حتى انا ولدي توه ماكمل شهر وكله يبجي وما ارتاح وريحني الا لما عطيته مصاصه ,,,


الله يخليهم ويحفظهم ...

 

[كـ غلا ــلي]

لا 3 واايد واهيا توها صغيره ولا تنسين الحليب الصناعي ثقيل مو مثل الطبيعي لو طبيعي

تشرب علي قد شبعتها لانه بسرعه ينهضه

 

[om hmni]

بعد عمري ماقصرتو وشكرا لتواصلكم معاي

 

[<<لمار>>]

زيديلها الحليب لى 3 ارقام وبعدها اذا شفتيها لى الحين تصيح عطيها مصاصة

 

[الـفـجـر الـبـعـيـد]

رد : بنتي عمرها شهر ما تشبعها رضعتها شسوي

لهيها بأي شي عطيها مصاصه بس لاتخلينها تتعود عليها وايد

يمكن بطنها يعورها او تبي تنام متضايقه مو شرط يوعانه