بنتي عمرها شهرين ساعدوني

[Um Tuki]

سلام عليكم كويتيات
بناي عمرها شهرين و من يوم عمرها اقل من شهر **ها زكام و بلغم و الحين زايد وايد وايد
ماتقدر تتنفس و لما تصيح صوتها ثقيل من البلغم الدكتور عطاني لها دوى لمدة 5 ايام و مافتد
مع البخار بالتورمال سيلان و دوى و مافتد
و للحين اسويلها بخار مو فايد

شاسوي لها ساعدوني

مافكر اسوي لها شفط لأن الهوز ممكن يأذيها و يجرح بلاعيمها مسكينه

ساعدوني و الله مو عارفة شسوي لها

تعور القلب لاا تقدر تتنفس و لا ترضع

 

[ناتشوو]

اهم شي
استمري ع ادويتها بالضبط
الله يحفظها
واهم ما**هم الكمام

جم تعطينها فنتولين ؟
وكل جم ساعه تاخذه؟؟

راجعي الطبيب اذا حسيتي انها ماتتحسن
او ماتشرب حليبها

 

[ناتشوو]

انت كاتبة
ماترضع
لا وديها الطبيب
واحتمال تنويم
بعد
اسم الله عليها

 

[ام الحلوااات]

اللــــه يــشـــفــيــهــــا

اااااااااااااب

 

[ريتاج_90]

الله يشفيهااا

استمري على اللي قالج الدكتور

والله يقومها بسسسلامه وماتشوف شر

 

[Habibat Abooha]

اذا مو نافع العلاج معاهم وديها الطبيب
وماتشوف شر

 

[PuPa^^SWeeT]

وديها الطبيب


من غير كلام


انا صار ببنتي جذي من بعد ولادة عسرة


ولا ترضع ولا شي


للحين البنت اعاني وياها ربووو



ودي البنت الطبيب احتمال ينومونها

 

[(دنيتي)]

ودي البنت الطبيب واذا ماشفتي نتيجه روحي خاااص

سلامتها

 

[طيبة83]

وديها حق دكتور حراز وايد شاطر

عيادته في المنامه عند السفارة الامريكية

 

[حبيبي مالكني]

ماعليها شر ان شاء الله
بدلي الدكتور
يمكن اهو ماعرف لها

 

[Nokia N95]

ماتشوف شر ....

في تحاميل بالصيدلية للبلغم .... حييييييل مفيدة ....
تنفع حق عمر بنتج .... من ثالث يوم ان شاء الله بتشوفين الفرق ....

وراح تلاحظين ان خروجها ( تكرمين ) صار سائل مايل للـ اسهال
البلغم راح يطلع مع خروجها ( تكرمين ) وترتاح ان شاء الله


انا قمت اعطي عيالي هالتحاميل كل ما اشتكوا من البلغم

 

[شمحووطة]

روحي الدكتورة عفاف الرومي مافي مثلها في علاج الصدر
بنتي يوم اوديها كنت احس مافي نسم مت من الخوف
على الله ثم عليها
اغلب ادويتها للصدر من المانياعطتني وقالت اشوفها بعد نسيت كم يوم
بعدين لما جيتها حطت البنت على بطنها وسوت تدليك على الظهر
والله المخاط والبلغم يطلع منها مو صج لين نظفت صدرها وقالت امشى على العلاج اسبوعين علشان
ما يرجع والله من بعدها ما شكت من صدرها
هذا رقم العيادة 25318092
بس اخذي الموعد عندها مو عند مساعدينها اهي غييييييييييير

 

[english muffin]

دكتور حراز

 

[المـــــها]

حبيبتي استشيري أكثر من دكتور نصيحه لا تاخذين استشارة وحده!

 

[om attami]

الله يشافيها انشالله

مثل ما قالت الاخت في تحاميل

بالصيدليه حق البلغم

وااااايد زينين

 

[امـ خــزامـى]

الله يشفيها يااارب

حبيبتي سمعت بالرشاد
اعرف وحده تقول ان ولدها البلغم كتم نفسه صارت تحط له 7 حبات رشااد وتحطها بفمه وتعطيه حليب
تقول ماشاءالله كم يوم الا استفرررغ الله يكرمكم وطللع كل البلغم

ومشكورات بنات اللي ذكروا التحاميل اول مره اسمع بها