بنتي عمرها سنه ونص ابي شعرها يكثر ويطول؟؟!

[أم لطووف]

صباح/مساء
الخير

حبيباتي مثل ماهو مكتوب
بنتي عمرها الحين سنه ونص ابي خلطة زيوت احطها بشعرها تكثره وتطوله..
الفراغات تارسه راسه ومشتهيه احطلها شباصات واللذي منو بس مااش ماينفع وخصوصا ان شعرها ملفلف بعد حبيبة قلبي

وهذي صورة شعرها

 

[نعوومة *كيووت]

الله يحفظ لج بنتج وانا بنتي بعد بعمر بنتج لكن مافاد الازيت السمسم جربي وان شاءالله يفيدك
وبالتووووفيق

 

[أم لطووف]

مشكوره حبيبتي ع مرورج
وايد سمعت عن زيت السمسم بس قالو يلين الشعره ما يكثرها ولا يطولها ..
ودي اخلط لها مجموعة زيوت مع حنه (احط حنه مع سدر وزيت زيتون وزيت ناريل برشوت وزيت خروع وزيت السمسم) واذا خلصت احطلها كريم برشوت مال الشعر .. بس اخاف يصير قوي على فروة راسها وهي صغيره..

 

[أم لطووف]

اشدعوه بنات
ماهي الهجوه فيكم عطونا من خبرتكم..!

 

[المكسيكيه]

انا بعد ابي خلطه حق بنت اختي

 

[جنوني نور عيوني]

حبيبتي بنتج صغيره بهالمرحله مايبيلها الا تحديد باستمرار وهو راح يكثر لاتحاتين >> استعملي زيت ذرة ودلكي فروة راسها عشان يتحرك الدم وركزي ع الحديد بأكلها مع الفيتامينات وان شاء الله تشوفين نتيجة

 

[أم لطووف]

المكسيكيه
نورتي حبيبتي شاكره مرورج

جنوني نور عيوني
مشكوره حبيبتي
اي زيت ذره قصدج مال الطباخ ؟؟! عادي احطه على راسها؟؟!

 

[ام كوثر2007]

حبيبتي دامج تحطين لها سدر فوحيلج ماي مع بصل وثوم وخليه عشر دقايق يطبخ علي النار ولا دفاا شخليه وعجني فيه السدر مع زيت جوز الهند ..


ولا سبحتيها استمري علي دهن دابر املا ترا روعه حق اليهال بس يبيله استمرار

 

[mafio98]

انا ماغندي بنت بس ساعات احط حق شعر ولدي زيت السمسم+ زيت الزيتون+ زيت جوز الهند+ زيت الحبه السوده وكلهم ماركهروادي النحل وكاتبين انه للشعر في اللي يطول وفي اللي يكثف

 

[hneen2]

صدقيني وديها صالون اطفال وحدديه مره مرتين ثلاث بيتسنع


انا بنتي يبتها قرعه وعقب طلع شعرها خرابيط مو مرتب قمت احدده لها كل ٣ شهور. ثالث مره لما طال صج حسيته تسنع ماشالله فا اتوقع القص اهو الحل

 

[جنوني نور عيوني]

ايه حبيبتي مال الطبخ خفيف ع فروة الراس وينبت الشعر زيوت العطارين اكرها واشك بجودتها وبصلاحيتها >> انا شعري طويل وكثيف ومااستخدم غيره ونفس الشي بناتي يكفي ماله ريحه واذا تحطين لها حنا خلطي معاه جرجير بالخلاط رووووعه ويعطي نتيجه حلوه هذا بالنسبه لسنها باجي الخلطات اللي اعرفها للكبار ماتناسبها

 

[MOOON&M]

قصي اطراف شعرها كل شهر

ومشطي شعرها يوميا بجميع الاتجاهات

وراح يتعدل بدون زيوت

واهم شي اكلها

 

[أم لطووف]

بعد عمري خواتي ما قصرتوو ع نصايحكم لا خلا ولا عدم..

 

[نور83]

وأي ام لطوف نفس مشكلة بنتي بالضبط قرعة قرعة و فراغات تارسة شعرها وعمرها سنة ونص جربت الدهن جم مرة ما نفع هالمرة مثل ما قالوا خواتيً بجرب القص والتحديد انشاللهً يطلع شعر وتصير بنوته. صجً جربي التحديد و خنشوفً الله كريم.

 

[(*ام عهــــد *)]

ماقصرو البنات والله يخليها لج يارب

 

[أم شيــ@وخة]

أنا بنتي مثل حالت بنتج شعرها خفيف وشكلها صاير صبياني حيل
بس والله مايهون على ألعب بشعرها وأحط كل هالبلاوي الي قالو عنها الخوات
خلي شعرها متى ما طال طال على كيفة

 

[*-*Lo0o0Raaa*-*]

انا نفس مشكلتج

وااااايد خفيف وما يطول

بس قلت مدام دش علينا الصيف برجخ شعرها اسبوعيا حنه

الحنه حلوه ولها فوايد

 

[طيبة83]

اختي الزيوت والخلطات قويه عليها

اذا كبرت بيتعدل شعرها

 

[أم لطووف]

مشكوررين حبايب قلبي ويعل شعري بنتي وبناتكم يطول ويكثر ويصير شحلاته بصحه وعافيه ..

ام شيوخه ياحلات شيوخه سمية اختي فديتها بس عساها مو عسره نفسها 
في زيوت مغذيه حق فروة الراس عموما خصوصا زيت الزيتون اذا انا قاعده احطه لها بكل اكلها من فوايده تبارك الله في تقوية المناعه والصحه عموما عرفتي فشلون اذا بحطه لشعرها ان شاء الله ان زين يااربي ..
وزيت السمسم كذالك فوايده وايد لفروة الراس واتوقع هالاشياء مو خطره ولا فيها مواد كيماويه بالعكس كلها فيتامينات مفيده لها ..
والحنه من زمان معروفه فوايدها بس انا ما ابي احطها الحين برد لي دش الصيف ان شاء الله يكون مره بالاسبوع ..

عرفتي حبيبة البي .. وانا احرص الناس عليها عشان جذي قاعزه اسال واستفسر قبل ما ابلش باي شي هذي مناير قلبي وضي عيوني فديت شعرها المنفوش بس..

 

[أم لطووف]

طيبه ٨٣

نفس الكلام اللي قلته حق ام شيوخه موجه لج 

وشاكره مرورج حبيبة قلبي..