بنتي طلع معاها سكري اطفال

[نسيانك صعب]

مرحبا بنات انا اكتبلكم الموضوع حاليا وانا في مستشفى الصباح منومه مع بنتي بنات تكفون اي احد يقدر يساعدني يقول كل الي عنده والي ماعندها خلفيه عن الموضوع ترفع الموضوع بدعوه لبنتي عسى الله يشافيها ويعافيها وجميع مرضى المسلمين يابنات من ثلاث اسابيع لاحظت على بنتي الي عمرها 7 ونص انها واجد تشرب ماي وتروح عزكم الله الحمام تتبول واجد بليل مرتين الى ثلاث مرات صار عندي شك واخذتها ورحت حللتلها سكر طلع السكر مرتفع 13 واهي صايمه  الله المستعان وعالطول حولنا المستشفى ونفس نتيجت التحليل سوا لنا دخول وتحاليل دم على الهرمونات والغدد والبنكرياس وكل شي وبلشوا يعطونا ابر الانسولين لان السكري معها مو راضي ينزل على الطبيعي بنات انا صارلي 5 ايام بالمستشفى وعطونا محاظرات عن السكر والهبوط والاوتفاع وكل شي عن السكر وشلون تتعاملين معاه وقعدت معاي اخصائيه تغذيه على اساس اعرف شنو اعطيها وجبات والحمدالله انتطم السكري وكل شي اوكي بنات انا حييييل احاتي وخايفه من طلعت البيت مرات احس اني ضيعفه وماراح اقدر الحق بقصر يمكن مع اخوانها انا نوعيتي كل شي اسوي بنفسي لعيالي تعبت من التفكير واحاتي اذا راحت المدرسه انا حيييل احاتي وخايفه عليها واجد عندي كلام بكتبه بس حدي مخربطه ابي الي عندها طفل فيه سكر شلون تتعامل معاه وخصوصا بالمدرسه وفي اطفال كان فيهم ومع الاهتمام راح او خف تكفون بنات الي عندها طفل فيه سكر تريحني وتقولي كل شي وشلون تاقلموا وشلون تقدرون تسيطرون على اكلهم وتفهمين الطفل ان هالشي ممنوع والا مو زين تاكله ناطرتكم لاتطولون

 

[نسيانك صعب]

انا كنت كاتبه الموضوع بالصحه والطب البديل مادري وين مكانه الصح فنقلته عندكم واتمني اشوف تفاعل لانه الموضوع اللي طاف ١٧الزوار ولا وحده رفعت الموضوع حتي بدعوه،،

 

[نورالقمر24]

الله ايكون ابعونج

 

[وين حبيبي]

حبيبيتي لاتخافين ولاتحاتين نفس سالفتج صايرة معانا ونفسج صكت الدنيا بويهنا ونفسج خفنا من التقصير بس لانج بالبداية وبعدين ببتاقلمين مع الوضع بس لاتزعلونها وبتصير عنيدة وعصبية تحملي وبعدين دوامي على الانسولين ترى عادي تعطينها الابرة ولازم واكد عليها لازم تاكل وايصيدها هبوط وبالمدرسة قولي لهم ان فيها سكر انا كلمت المدرسة اول الايام وقلت عن السكر وكنت اخلي تاخذ الجرعة وبعدين تدوام وخل معها على طول اكل اسال الله العظيم ان يشافي كل مرضى السكر وجميع الامراض

 

[c a t w o m a n]

ما عندي فكرة بالموضوع الله يشافيها و يعافيها و يخليها لج

بس يا عمري لا يضيق خلقج ديري بالج عليها و حافظي على نظامها الغذائي

 

[اترجة]

حبيبتي الله يشافي بنيتج أنا بنات خالي 2 فيهم سكري بالمدرسة لزم تروحين الخصائية والنظارة تعلمينهم بحالت بنتج عشان اي شي لا سمح الله يعرفون يتصرفون عشان بعد الوجبات بالمدرس لأن إلي فيهم سكري لهم وجبات خاصة .

 

[ام غنوم وصلوح]

الله يشافيها يارب
انا ولد بنت خالتي عنده سكر وعمره 6 سنوات
اول شهرين صج تعبت معاه بس بعدين هو صار يعرف
متى الهيوط والارتفاع
وانا خواتي 2 فيهم سكر وهم صغار ... صج كنا نفسج خايفين بس الحمدلله مع الوقت تاقلمو معاه
>>> لاتنسين ضروري يكون عندج جهاز السكر <<<<
خليه معاج وين ما رحتي

 

[ام الدرر]

ياعمري عسى الله يشافيها ويرفع عنها
استعيني بالله وماكو الاالعافية ان شاءالله

 

[أم بتول*]

الله يشفيها ويعافيها يا رب ويطمن قلبك عليها وتشوفيها بصحة وسلامة

 

[حبيبة دودي]

الله يشفيها ويعافيها ويطمن قلبج
السكر مرض بسيط الحمدلله يبيله عنااااايه حميه+ رياضه+ علاج
والمدرسه لاتحاتين روحيلهم وقوليلهم عن بنتج وهم راح يبلغون كل ابلاتها علشان يراعونها
وعطيها وجبه للمدرسه واذا عرفت للجهاز خل تاخذه معاها
انا اختي فيها سكري اطفال والحمدلله ع كل حال
وادخلي منتدى السكري راح يفيدونج

 

[^_^يالي احبه^_^]

عسى الله يشافيها ويعافيها وجميع مرضى المسلمين

 

[نسيانك صعب]

لكل الي ردوااا جزاكم الله خيير وعسى الله يشافي مرضاكم بس وين منتدى السكر فيه لهم منتدى عطوني اسمه انزين اهني بالمنتدى مافيه شي خاص عن سكر الاطفال ويعطيكم العافيه ريحتوني شوي بس جد خايفه من المدرسه ومادري كل من زارني قالي قالوا لج هذا سكر دائم والا يمكن عارض ويروح وبنات اذا حافظت على اكلها يعني سويت حميه غذائيه وانضبط السكر مافي امل يروح ؟؟ فيدوني ياذوي الخبره

 

[نسيانك صعب]

للعلم تحليل البنكرياس للحين ماطلع

 

[om Firas]

الله يشافيها ياارب

 

[@ام يوسف@]

الله يشافيها ويعافيها

 

[ms.mercedes]

الله يشافيها ويكون عارض انشالله

 

[ورود وردية]

عسى الله يشافيها ويعافيها حبيبتي ..وانتي سلمي امرج لله وبإذن الله تتسهل الامور ومافي شي بعيد على رب العالمين ان شاءالله اتعافى باقرب وقت

 

[سعادتي انت]

الله يحفظهاا لج با رب

 

[اينااس]

الله يشاافيهااا ويعاافيه