بنتي سنتين تاكل اكل 8 شهور

[attoosh]

شسوي تكفون مساعده بنتي سنتين تاكل مطحون ما ترضى تاكل جامد واذا عطيتها تغص وتزوع وتسويلي مناحه شنو الحل اذبحها

 

[الأميرة جوري]

يوووووووعيها امنعي شبسات والكاكاو واذا ياعت حطي لها اكل صحي دياي عيش بطاط ومعكرونه أي شي تحسين تحبه واهم شي خليها علي راحتها كو تعصبين تعقدينها

 

[ام رينـاد]

نفس وحده اعرفها عندها بنت نفس حالة بنتج

بس تبي تاكل الاكل المطحون واللين

حتى بالريوق تبي سيريلاك ماتبي كورن فلكس او توست

وهم بالغدا لاااااااااااااازم عيش لين

بس أمها ذكيه راحت بيت أهلها وجمعت كل اليهال

اللي بسنها او اكبر وخلتهم ياكلون معاها وبنتها تشوفهم

وقلدتهم وصارت تاكل من اكلهم جربي هالطريقه مع بنتج يمكن تفيدج

صدقيني بنتج مافيها شي بس خليها تاكل من اليهال اللي بسنها وبتغار وبتاكل

بس اهي تبي تتعبج وتدلع عليج مافيها شي

والله يحفظها لج يااااااااااااااااارب​

 

[M!SS.LOBY]

لازم تصبرين عليها شوي شوي ليما يتوسع عندها البلعوم

 

[M!SS.LOBY]

الله يحفظها لج وما تشووووف شر

 

[<miss botamba>]

حطي لها كميه الاكل الصلب اكثر من اللين وخلي الاكل جدمها ولا تكلمينها وتحنين عليها ولا تعطينها غيرها وبس خليها تقعد وتاكل بروحها واذا بجت تجاهليها وروحي عن المكان الي اهيا فيه وراقبيها من بعيد

بس اذا مثلا سوت تصرف مو زين على سيل المثال احذفت الاكل عالارض او لعبت بالنعمه كوني صارمه وفهميها ان هذا غلط

 

[جذابه بنت ذيابه]

حاولي اسبوع كامل عيش مع الاكل اللين اللي تاكله والاسبوع الثاني عيش ومعكرونيه وهكذا

 

[ظبية بوظبي]

يمكن فيها لوز

 

[أمـ مبارك]

عودييييهاااااااااا علي الاكل الجامد

لان من البدايه تعودت علي المطحوووووون



وخل ترجع اتعبي بالبدايه بعدين عادي

انا ولدي قبل مايداني البيض ويرجع ويبكي


قلت دام ماطلع حساسيه معاه معناته دلع


والحين مع التعود عادي صار ياكله



السالفه تعووود وتراها بنتج كسوله وربي يحفظها لج

 

[M!SS.LOBY]

حاولي تعودينها بالتدريج