بنتي زغيرونه تبي تثقف نفسها .. عطوني حل!!

[ام حتحوتين]

السلام عليكم بنات .. شلونكم
ابي اسم قصص تصلح لاطفال اعمارهم ب اربع سنين وثلاث سنين
بنتي ذبحتني بس تبجي تبي كتب
وولدي مايعرف شي عاد ودي اعلمهم
وبالمره بعد قولوي عن كتب تعلمني انا يا الام
انجلش تعرفون هالوقت كل مكان لازم يتكلمون انجلش
ومشكورين حبيباتي وادري ماراح تقصرون معاي

 

[أنثى اليمامة]

في وايد قصص تصلح للأطفال ، تدرين احسن شي تودينها مكتبه وتخلينها تختار الكتب بنفسها .. وانت معاها .. احسن عشان تعلمينها انها تحب القراءه وتتعود عليها ..

شوفي هذا الموقع متخصص بكتب للاطفال ان شاء الله يفيدج

http://mybook.bibalex.org/browse.php?v=l
​

 

[رحيل المرافيء]

شوفي تلاقين بمحلات بو 100 فلس خووش قصص
سندريلااا والاقزام السبعة ومن هالطقة ومايكلفون
وترى عيالج مو صغار يفهمون ابتدي معاهم تقرين قصص وتعلمينهم
ماهم صغار ابد شوفي عيال الغرب




انثى اليمامة
خووش موقع
يعطيج العافية

 

[ام حتحوتين]

مشكورين حبيباتي
فديتكم
بوديهم واخليهم يختارون قصص علي ذوقهم...

 

[عادت ذكرياتي]

ما شاء الله ربي يخليهم لج

أنثى اليمامة ما قصرت عطتج موقع ...


أب لعيونج

 

[ام حتحوتين]

مشكوره عادت ذكرياتي

رحت لمكتبة جرير واختارت كتاب كبير عباره عن سلسله مختلفه من القصص
وفيها رسومات تشد الطفل والحمدلله عجبها الكتاب ولازم قبل لاتنام اقرالها قصه ..
بس علقو علي قصه وحده لازم تقرينها وماتقرين القصص الباقي. ههههههه
ياحلاتهم والله
ومشكورين حبيباتي ع الردود الله يجزاكم ووالديكم وكل من يعز عليكم الجنه يارب

 

[لولو البحرين]

بنتي يوم كانت في عمرها كنت اشتري لها قصص تولين وعجبوها عدل فاشتريت لها المجلد وهذي صور القصص جدا روعة وحتى الرسومات روعة

 

[خُزام]

يا قلبي عليها
أحب أشوف اليهال مندمجين بالقراءة
خصوصا البنوتات يختي عالبنات
بس لا تعودينها انتي تقرين لها دايما خليها بروحها
الله يخليهم لج
ومعرض الكتاب ما بقى شي عليه أسبوعين تقريبا
اخذيهم معاج واخذوا فره وتلقين ان شاءالله اللي تبين لج ولهم

 

[ام حتحوتين]

مشكورين حبيباتي ع الردود

توليييين ايه عاجبتني هالقصه بس وين احصل المجلد كامل ..

الله وناسه صج بيفتح معرض الكتاب عقب اسبوعين

ياالله شكثر احب معرض الكتاب واشوف الكتب شكثرررررررهم ...
يبيله والله اروح واشتريلهم..،

جزيييييتم خيرا ومشكورين يامال العافيه يااارب

 

[لولو البحرين]

توليييين ايه عاجبتني هالقصه بس وين احصل المجلد كامل ..

انا اخذت المجلد من نفس دار النشر ايام المعرض عندنا في البحرين اسم دار النشر دار ربيع وغالبا اي مكان فيه قصص تولين تحصلين المجلد

 

[جوري الزبير]

حدددددددددي استانس لو شفت ياهل يحب يقرا..حبوبه البنات ما قصروا وانا اايد اختيار تولين لانها تعليميه وباجر م تنفعها في المدرسه لان قريبه من منهج التعليم بالصور ..اول مجموعه اخترتها حق عيالي كانت من عند بو 100 ولقيت مره المجموعه القصصيه الكامله للسيره النبويه واطفال في زمن الرسول صلى الله عليه واله وصحبه وسلم ..واشياء وايد حلوه ..بعدها كل جمعه نكون في جرير او العجيري ويختارون حقهم قصه..والحمد لله الحين مكتبتهم عاااامره واغللبها يعرفونها..وان شاء الله بحط لج الصور..بالتوفيق

 

[ام حتحوتين]

ثانكس ع المشاركات

 

[blue ocean]

الله يحفظهم ان شالله

روحي جرير قسم الاطفال

بتلاقين اللي يسرج ان شالله ​

 

[عزتي مالها حد]

استفدت من صاحبة الموضوع والبنات ماقصروا

موضوعج حلووووو مشكوووورة

 

[ام حتحوتين]

يسلموووو ع المشاركات

 

[miss swan]

الله يحفظهم ويخليهم لج
انا قصص متنوعه اقرا حق الكبيره عمرها 4.5 والصغيره عمرها سنه
حق الصغره لازم كتاب متروس صور وفيه بس اشكال عشان تتعرف عليهم
مثل الحيوانات شاسامهم وشنو اصواتهم وشنو ياكلون
وناسه احب اعلمهم على القراءه​

 

[ام حتحوتين]

يسلمو

الله يخليلج عيالج يارب ويحفظهم

بانتظار ارراااااء ثانيه عشان نستفيد اكثر