بنتي ذبحتني عمرها اربع سنوات وتصيح على اتفه اتفه الاسباب؟؟!!

[لهفة عشق]

شلونكم بنات

كل عام وانتو بخير

بنات ابي استشيركم في حاله بنتي شالحل

تعبتني والله طفشتني

تصيح على اتفه الاسباب ووالله ماني مدلعتها و لا معطتها وجه زايد يعني حالها حال خواتها

اعلمكم شلون يعني اتفه الاسباب شوفو المواقف و حكموا:

1- واهي تلعب تحط العاب في شنطتها اذا ماسكر السحاب تقعد تصيح بروحها .. ما تجي تقول ي ياماما سكري السحاب او السحاب ما يتسكر..لا تقعد تصيح لمن انا اروح اطل على هاللي قاعدة بروحها وتصيح جنها في جنازه ..عجيبة هالبنت

2 مثلا: انا لو اكون مشغولة ومعتفسة في تنظيف البيت وتجي تكلمني و مااعطيها وجه و اقولها شتبين خلصيني على طول تسكت وماتكمل كلامها و على طول تنزل دموع
مااصدق كل هذا حساسية..طيب لمتى .. اهي من زمان جذا..

ابي حل مع العلم انها ذكيه و احس انها شايفه نفسها هالبنت من اهي صغيرة و الله ماامدحها واتحلى عليها واجد قدامها .. يعني عادي حالها حال اختها .. بس اهي غير

و عصبية حيل و تاكل اضافرها

حتى سمعت قالو ان الاسم له تاثير على الشخصية وكنت بغير اسمها بعدين قلت خرابيط مالها اي اصل وهونت

مادري شالحل شنهايه هالحاله مع هالبنت ماادري ساعدوني منو مرت عليه مثل هالحاله؟؟؟

 

[رفاعيه]

اختي ما اعرف بس سالي اخصائيه اسره

 

[iLLuMinaTion]

انا مثلج

 

[لهفة عشق]

صج والله

انا صراحة اول مرة اشوف مثل بنتي

يعني تكلمي قولي ماما ساعديني تعالي طلبي مثل اخوانج .. لا اهي غير .. بس تصيح والله لو اجي لها تقعد ساعه تصيح .. عادي

 

[يارب احفظ عيالي]

[sze="6"]انا ولدي بعد جذي بس اشوه شوي يعني مب لهدرجه اذا ماقدريسوي شي يصيح واقوله تعال اطلب مني اساعدك اواعلمك اشلون تسوي هالشغله مب اتصيح بس بنتج شكلها وااااااااااااااااااايد حساسه علميها انها لازم ماتصيح على اي شي وان الشي اللي مايسوى مانصيح عليه اخذي كتب وحاولي تعلمينها تكون اقوى منجذي والله يحفظها[/size]

 

[miss mama]

اغلب البنات جذي. بنت اختي من واهي صغيرة نفس ينتج والحين عمرها ٨ سنين صارت اخس من قبل لا تطاق وامها بس تكفخها وهم ماكو فايده. على أتفه شي تقوم الدنيا وتقعد ترافس بالأرض. وبنتي جذي ما تتحمل الصوت العالي سيده تنزل دمعتهاااا لازم أتكلمها بدلع ولا وتقلبها نكد. الله يصبرج على بنتج واذا تبين حل استشيري اخصائي تعديل سلوك يساعدج تغيرين اطباعها *

 

[noor al3yoon]

الحال من بعضه الله كريم

 

[queenbeeuty]

نفس الحال اختي كلهم نفس الشي بس الله يصبرنا عليهم الصج التربية صعية و تبي طووووووووولت باااااااال

الله يساعد كل مومنة و يجعل اولادنا صالحين امين يااااارب

 

[اترجة]

أن شاء الله اختي اقدر أفيدج أهم شي تعطينها أهتمام كافي اهي تسوي جذي تبي تلفت أنتباهج لها لأنج ما تعطينها اهتمام كافي أنا عندي بنت خالي جذي أمها مو معطتها وجة حيل بس نفس بنتج على اتفه الاسباب تصيح وإذا تبي شي لازم يصير وأنا عاد أحس بفرق أهيا تموت على وإذا عاندت امها وتصيح تخيلي أكلمها تسمع الكلام وتسوي إلي اقولها عليه وأنا بقولج بعض النصائح المفيدة يمكن تفيدج.
1- عطيها الأهتمام الكافي وقعدي سوالفي ويها تري سمله عليها بنتج ذكية تعرف شلون تجيبج لها بس تصيح تعرف انج تبي تسويلها الشي لفلاني .
2- خلج بنفس عمرها وقعدي لعبي ويها وتقربي منها وعملها مو نفس خواتها لا دلعين ولا تشدين بالوسط خلج معها .
3- أهم شي لا تمدين ايدج على البنت بس نبهيها على الشي الغلط لان اذي طقيتها البنت ماراح تنسي وراح يكون بنفسها هالشي وراح تكرهج وتقرب لبوها اكثر .
4- أهم شي من هالنقاط أذي سويتي كل شي معها ما فاد بس مو من أول مرة تيأسين مع الوقت بتعود وتغير طبيعتها بس تقربي منها اكثر وخلج بنفس مستوي تفكيرها لأن الطفل ذكي وإذا سوت شي زين خلال الأسبوع كفأيها تودينها تشتريلها لعبة .
5 - في طريقة حلوة تجيبن لها كراسة والوان على شخصيتها المفضله وتقعدين معها وتفتحين صفحة وتلونين أنتي ويها تقوليلها يلا بشوف من يلون أحلي و يرسم أحلي حيل بتستانس وبجذي راح تكسبينها البنت وتقلل من صيحا وعوابتها هي تسوي جذي تبي اهتمام تجذبكم لها لا غير .
إن شاء الله أكون فدتج أي استفسار أنا حاضر .

 

[om MaRyooM]

وحدة من ال2

يا هاملتها وتبي تلفت انتباه عن طريق البجي

او

انج مدلعتها زياااادة لدرجة انها حساسة وتعصب وتبجي على اقل شي