بنتي دشت ال4 اشهر

[arnoba15]

السلام عليكم خواتي العزيزات انا بنتي هالاسبوع دشت الاربع اشهر كنت بعرف اقدر اوكلها شي ولا بس اتم عالحليب وعلى فكرة الحمدالله انا ارضعها طبيعي وبس اعطيها مرات ينسون او حبه حلوة وماعطيها شي ثاني لاني بالجمعيه لقيت ملوبا ارز بالخضار وبسكوت ينحط بالحليب حق الاربع اشهر فحبيت اعرف عادي اقدر اعطيها ولا لا لانه في مواقع سويت عليها سيرج وكان عادي وفي وجبات بعد وكانت مواقع عربيه وانجليزيه فبلييييز اللي عندها فكرة تساعدني لاني بج وماعرف شي​

 

[موجة ~ بحر]

حطيلها بسكوت بالحليب او عطيها اهياه بالقفشه في بالجمعيه بسكوت كاتبين عليه لعمر ٤ اشهر. ما انصح بسكوت فارليز لانه ثقيل عليها الحين

 

[سموره 87]

ما انصح تاكلين الياهل الا بعد 6شهور وهذا كلام الدكاتره

 

[حرم راشد الماجد]

انا بنتي كانت ترضع طبيعي ووكلتها من اربع شهور

بسكوت فارليز اول شي نص بسكوته مع حليب <<<<<<< حليب طبيعي اشفط واحطه من البسكوت

وكنت اذوقها شويه
وعالخمسه قمت اعطيها عيش مهروس مسلوق
5 ونص عيش وخضار وخري عن الاشياء اللي تسوي غازات مثل ( الزهره - البروكلي - الملفوف الابيض - الفلفل البارد )
عطيا بطاط بحجم البيضه او جزره او كوسه مع ملح قليييييييييييييييييييييل

عالسته زيديلها صدر دياي مسلوق من غير بهارات
سته ونص سمك
عالسبع شهور اللحم وبكميات قليله وبعدين تززيدين على حسب حاجتها

والله يخليلها بج ( لا تسمعين كلام الي يقول لج لا توكلينها الا عالست شهور لن اللي يرضع طبيعي يجوع بسرعه لان حليب الام خفيف ما يشبع ومو مدعم بفيتامينات خارجيه فلازم يحصل عليها من الغذاء )

 

[*ماي الورد*]

رد : بنتي دشت ال4 اشهر

عل الست شهور احسن
بس الله يعينج حليب الام ما يشبع

 

[arnoba15]

مو ادري وهذا اللي حاسته انه حليبي مايشبعها مرات ارضعا ساعه كامله وبعد شوي تبجي فعشان جذي قلت اسال اقدر اوكلها الحين ولا توالناس عليها لانه فعلا سمعت ان الدكاتره الحين ينصحون بالشهر السادس​

 

[فـراوله]

رد : بنتي دشت ال4 اشهر

عادي عطيها من ألحين بسكوت مع حليب

على الأقل يشبعها اشوووي


معرووف حليب الأم ما يشبع كلللللش




​

 

[Apple-q8]

انا ولدي من عمره 3 اشهر عطيته ماي التمر مفيد وايد واذا ماحبت طعمه ممكن تخلطينه مع الحليب

وقاعده اعطيه سيرلاك بس اي نوع فيه فواكه او ارز القمح ماعطيه لانه يمكن يسبب حساسيه بس عادي الحمدالله مافي شي لو تعطينه موشرط يكمل 6 اشهر وقاعده اعطيه بالقفشه


وتقدرين بعد تذوبين فالرز مع حليبتها الي تشربها وتعطينها


وهم تقدرين تسوين عصير تفاح بالبيت طبيعي كميه قليله اذا تقبلته اوكي اذا ماتقبلته خلطيه مع سيرلاك الارز


وانصحج بماي التمر وايد يقوي الياهال

 

[arnoba15]

مشكورين خواتي عالردود انشالله هالاسبوع تكمل ال3 اشهر وبس اطعمها واخلص بابدي اعطيها اكل بسكوت بالحليب لانه سمعت انها تسخن بتطعيم الشهر الرابع فمابي اربك معدتها الا لما اخلص من تطعيمها واقلكم شلونها مع الاكل​

 

[حرم راشد الماجد]

ترا موشرط تسخن

عطيها ادول مل قبل التطعيم بنص ساعه وبعدالتطعيم دهنيها ب reparil gel وكل 4 ساعات ادول وما تسخن على مسؤليتي

 

[arnoba15]

مشكورة حرم راشد الماجد على المعلومه وانشالله برزح اليوم الصيدليه واشتري الجل وتطعيم بنتي 8 الشهر وانشالله اب:hjy5jewf:دا معاها اكل عقب التطعيم وابشركم شصار معاي​

 

[irredobinosow]

أîًîٌêîï: ïًهنٌêàçàيèے يàًٌٍàنàىٌَà 2012

سçيàé ٌâîه لَنَّهه: أîًîٌêîï êîٍ ئهيٌêèé مîًîٌêîï âهٌû ؤهٌٍêèé مîًîٌêîï îâهي - تàê èيîمنà ُî÷هٌٍے çيàٍü, ÷ٍî لَنهٍ çàâًٍà, èëè ÷هًهç ىهٌےِ, èëè â نàë¸êîى لَنَùهى; ÷ٍî ون¸ٍ يàٌ è يàّèُ لëèçêèُ, è يàَّ ًٌٍàيَ, è âٌ¸ ÷هëîâه÷هٌٍâî â ِهëîى!دîيےٍيî, ÷ٍî َ êàونîمî ïëهىهيè ‎ٍè çيàêè لûëè ًàçيûىè – ‎ٍà ًàçيèِà-ٍî è ٌëîوèëà îٌيîâَ مîًîٌêîïàى, êîٍîًûه ïîçنيهه âîçيèêëè يà ٍهًًèٍîًèè إâًîïû َ êهëüٍîâ, لًèٍٍîâ, نًَèنîâ.ريîâà è ٌيîâà âêë‏÷àéٍه ٌâî‏ ïًîيèِàٍهëüيîٌٍü, ïًèٌٍàëüيî âمëےنûâàےٌü, ًٌàâيèâàéٍه ïًهِهنهيٍû, à ïîٍîى نهëàéٍه âûâîنû ïًè ïîىîùè مîًîٌêîïîâ. زهىû ïî àيمëèéٌêîىَ ےçûêَ مîًîٌêîïأîًîٌêîï 2011 مëîلà ٌêà÷àٍü25 ىàًٍà مîًîٌêîïأîًîٌêîï ïًèêîëüيûé mp3أîًîٌêîï ًàٌٍهيèé آîٍ وèâîé ïًèىهً èç ىîهé ٌîلٌٍâهييîé وèçيè, ٌèٍَàِèے ٌîâهًّهييî ٌëَ÷àéيàے, ïًîèçîّëà îيà ëهٍ 7 يàçàن.سïîىےيٍََ‏ âûّه ٌèيàًٌٍè÷هٌêَ‏ îïïîçèِè‏ ((دëٍَîي, قïèٍهً) – جàًٌ) ًٌàçَ ٌ نâَُ ٌٍîًîي àٍàêَ‏ٍ ًٍè ًٍàيçèٍيûُ ïëàيهٍû: رàًٍَي, قïèٍهً è سًàي.رëهنèٍه, ÷ٍîلû âàّ ًهلهيîê يه مًٌٍَèë, يه îمîً÷àëٌے, يه يهًâيè÷àë. http://nachkburbede.cwahi.net أîًîٌêîï: مîًîٌêîï îêٍےلًü لëàمîïًèےٍيûه نيè

 

[سمسومتي]

الاحسن تبدين توكلينها من عمر ست شهور بس عادي تعطينها البسكوت اللي بالحليب مرتين باليوم بس اهم شي نوع البسكوت يكون خاص بعمر اربع شهور

 

[arnoba15]

الاحسن تبدين توكلينها من عمر ست شهور بس عادي تعطينها البسكوت اللي بالحليب مرتين باليوم بس اهم شي نوع البسكوت يكون خاص بعمر اربع شهور

مشكورة اختي سمسومتي انا اللي خذيته ماركه ميلوبا ومكتوب عليه 4 اشهر البسكوت ولقيت بعد نفس الماركه رز بالخضار هم مكتوب 4 اشهر بس ماجربتهم بعد قلت اسالكم احسن

 

[حرم راشد الماجد]

لاااااااا تعطينها اشياء من برا البيت


العيش انتي سويه من عيشكم العادي عشان تغسلينه عدل وتكونين متأكده من نظافته بعدين الياهل ما يتحمل الماده الحافظه بالاكل هذا وتقتل البكتيريا النافعه بمعدته _shh_: