بنتي خطبوها

[ام زاكي]

هلا حبايبي



ابي اعرف اذا جالج خبر من احد انه بننتج مخطوبه من ام ابوها جدتها


وانتي ياغافلين لكم الله ولا احسبو لج حساب ولا احد قالج



شنو راح تكون ردت فعلج

للمعلوميه انا حاطه موضوع من قبل انه بنتي متكلمين عليها من قبل

ولا احد قالي عيالهم وصلو لبنتي عن هالخطبه


ووللمره الثانيه يصير معاي هالموقف

انا ودي اكلم حماتي الكبيره لانها حييييييييييييل طيوبه وحبيبه بس متردد
خاصه انه زوجي قالي هاذي سالفه تافهه وماتهمني
واهلي كل مره يسوون من الحبه قبه وكلامهم اغلبه جذب
بس خبر خطبتها المره الاوليه والثانيه للمره اكيد مو تأليف


علموني شسوي لي 10 ايام مقهوره من هالي يسونه فيني

 

[ام زاكي]

سبحان الله وبحمده

 

[درة أهل الطولات]

يعني ناس اخطبوها وناطرين رد؟

والا خلاص صارت خطيبة لشخص؟

 

[aṕriliå]

شلون تصير يخطبونها وانتوا اهلها مو دارين ؟؟

 

[dectora 7elwa]

بالنهايه الكلمه الاولى والاخيره لمنو مو لبنتج
ومنو اللي بيملج لها
منو وليها مو ابوها
طوفي خصوصا ان قالج لا تتكلمين
بس وصلي له حجي ان هذي ثاني مره يصير هالشي وانج تتمنين ان يكون مجرد كلام
والشرهه عالخاطبين المفروض يعرفون الاصول ويعرفون من يكلمون

 

[G!RLooNa]

ماراح يصير شي رسمي بدون ما تدرون اكيد اذا خطبه بس كلام حريم و فلانه عجبتنا نبيها حق ولدنا و ما علموج طاف كلام ما يودي ولا اييب اذا يبون البنت بييون بيت اهلها يخطبونها

 

[ام زاكي]

يعني ناس اخطبوها وناطرين رد؟

والا خلاص صارت خطيبة لشخص؟

لا خالتي ردت وخلص ولا جانا خبر

شلون تصير يخطبونها وانتوا اهلها مو دارين ؟؟

لانها مره كبيره وانا مااعرف ناس واجد فالاصول يروحون لها خاصه الي تكلمو عليها من اهلهم ونا من عايله ثانيه

هذا الي باط قلبي محد مسوي لنا اعتبار اااه يالقهر

بالنهايه الكلمه الاولى والاخيره لمنو مو لبنتج
ومنو اللي بيملج لها
منو وليها مو ابوها
طوفي خصوصا ان قالج لا تتكلمين
بس وصلي له حجي ان هذي ثاني مره يصير هالشي وانج تتمنين ان يكون مجرد كلام

ميخالف انا قابله اذا مجرد كلام بس خالتي بنت بنتها واحد من ربع اخوها صغير ماتجاوز 18 تقول انه مكلم اخوها يبي يخطبها ليش سالفه تافه مسويتها كبيره وانا سالفه خطبة بنتي بالعينها مع انها كلام صجي ووصاير بين حريم
والشرهه عالخاطبين المفروض يعرفون الاصول ويعرفون من يكلمون

ماراح يصير شي رسمي بدون ما تدرون اكيد اذا خطبه بس كلام حريم و فلانه عجبتنا نبيها حق ولدنا و ما علموج طاف كلام ما يودي ولا اييب اذا يبون البنت بييون بيت اهلها يخطبونها

لا مو مسئله انه سالفة حريم السالفه انها قاعده تخرب على البنت لانها من قبل مخربه على بنتها وماتزوجت الا متأخره بسبب رفضها للعرسان الي تقدمو لها وانا خايفه يصير مصير بنتي جذي

 

[بحر الرمال]

اذا الناس فعلا جادين راح يسوون الاصول و ام الولد تكلمج انتي ام البنت, و بعدين الرياييل اما انهم يروحون حق يدتها فيمكن كانت مجرد فكره او قاعدين يدورون و طرت على بالهم بس ماعتقد فعلا حاطين البنت في بالهم

 

[ام زاكي]

اذا الناس فعلا جادين راح يسوون الاصول و ام الولد تكلمج انتي ام البنت, و بعدين الرياييل اما انهم يروحون حق يدتها فيمكن كانت مجرد فكره او قاعدين يدورون و طرت على بالهم بس ماعتقد فعلا حاطين البنت في بالهم

الله يسمع منج انشالله هذا الي صاير مع اني ماراح يبرد لي قلب الا لمن اكلم حماتي

واحذرهم مايسوون هالحركه معاي مره ثانيه لانه اهم يبون يعرفون عنا كل شي بس اهم

ماندري عنهم الا ماندر

 

[*ريما*]

طنشيهم عنك
لانة الكلمة الاولى والاخيرة لكم مو لجدتها

 

[ملواكي]

انا فاهمه قصدج
خلي ابوها يكلم اخته او امه انهم ما يردون اي خاطب الا لم يعطونه خبر

 

[ام زاكي]

انا فاهمه قصدج
خلي ابوها يكلم اخته او امه انهم ما يردون اي خاطب الا لم يعطونه خبر

زوجي يخاف من امه لانه متأكد بطلع له سالفه وتدخله في سالفه وتطلعه اهو الغلطان
عشان جذي مراح يكلمها
وانا الي بتصرف مع حماتي وبقول لها ماتوصل خبر حق امها لان بعد بتطلعني الغلطانه بس ودي اخليها

تفهمها الي تسويه غلط

لانه حماتي صاير لبنتها نفس الموقف مع اهل زوجها وبنتها

 

[some one waw]

الله يسعدها ويوفقها وأول وتالي ماراح يصير شي الا اللي ربج كاتبه

 

[سويت فانيلا]

الله اعلم

 

[ناتشوو]

انا اقول تعوذي من ابليس
تبين مشاكل وتبردين قلبج
ولا توفيق بنتج
مااقصد توفيقها بهالزواج
بس الواحد كل ماقل كلامه وقل سوالفه كان لمصلحته
وبعدين حتى لو الجدة ردت لهم خبر
طبيعي لازم زوجج يدري وبيعطيج خبر
ولو مو موافقين محد بيجبرج
الزبدة نكبر عقولنا
واهم شي زوججمتفهم السالفة معاج
بالعكس بيني مو هامج هالخطيب
مو ميتة خوف يطيرون منج
الله يقدر لكم الخيرة

 

[جــــود]

االمفروض يكلمون ام البنت شكو الجده

 

[نور وشموع]

مافهمت يعني اهل ريلج بس يقولون حق بنتج وانتي لا

او يرفضون الخاطب بدون مايقولون لج

 

[q8sweeta]

طاف عادي انا ياما انخطبت من ناس مو من اهلي حتى ووصلولي السالفه
انتي اللي مضايقج انه محد تكلم او طاق باب بيتكم معاج حق
الحجي يصير من بعيد لبعيد
مافيها شي
هذا وضع طبيعي لا تكبرين الموضوع بنتج اذا لها نصيب بتاخذه ومرده بينطق باب بيتكم وتكونين انتي وابوها الكل بالكل
محد قالج لانه الموضوع كلام مو جدي
اذا بتكلمين حماتج او خالتج لا تلومين وتشرهين
قوليلهم انا ابي ازوج بنتي وانتو ماتقصرون واذا في احد تكلم عليها اكيد بتقولولنا وتخلون الموضوع جدي وهم اذا احد خطبها اكيد بنقولكم ونحطكم بصورة وبس

وادعي حق بنتج بنصيب الصالح الله يعجل فيه
السالفه ماتسوى*

 

[غنوة ستايل]

ياقلبي عادي
المهم ان كل شي ما يتم الا بموافقه البنت وابوها صح وله لا يعني لاتخافين

 

[نفهمها صح]

الي يعرف الاصول بيجي حق ابووها
لاتحاتين مافيه الا الخير ان شاء الله​