بنتي حبيبتي معورهً قلبي

[نور83]

السلام. عليكم اشلونكم يا أحلى الأمهات ابي مساعدتكم بنتي تعبتنيً نفسيا عمرها سنة ونص سملهً عليها و ضعيفة حييييل. ما تأكل عائشة على الحليب. جربت كل شي معاها. اسوي اكلها بنفسي. خضروات مع كرونه بطاط عيش ما تأكل. ما فيه شي معين تحبه ما ادري يسوي و اللي يشوقه يقوليً ً حرام بنتجً ضعيفة ليش ما توكلينها:rgewrg: أنزينً أنا شنوً قاعد اسوي طول اليوم. :eh_s(11): والله تعبت معاها تعبت حاولت بالهدوء ما فيه فايدةً تخيلوا أحط اللقمة بحلجهاً تطلع ها بلسانها بله شسويً. ساعدوني خواتيً. :eh_s(7):

 

[نور83]

سوري على البدلياتً. طوفوا

 

[أم لطووف]

حبوبه ماعليه عندنا وعندج خير
اول شي هي وزنها زين ع عمرها اذا زين لاتحاتين مع الوقت بتاكل

ثاني شي اشكثر تعطينها حليب جم رضعه اخاف تكون مغثوثه عشان جذي ما تبي

اذا الرضعات واايد خفيهم يعني رضعه الصبح مع الريوق ورضعه بالليل قبل النوم
وبالهوقت اذا حنت تبي حليب لا تعطينها وخلي الصحن فيه اكلها جدامها حتى لو عافته بالاول من يقرصها اليوم بتشوفينها تاكل وهي تضحك باذن الله
والاكل اللي تحطينه لها من العيش او البيض او اللي هو حطي فوقه قفشة زيت زيتون وخلطيها معاه يقوي مناعتها ويفتح شهيتها مريوم بنتي كانت لقل من الوزن الطبيعي بكيلو وديتها للدكتور قالي يوميا غداها وعشاها لحم ودياي وعيش وحطي معاهم قفشة زيت الزيتون الله وكيلج شهر وربي لك الحمد والشكر على الصحه والعافيه ارتفع وزنها وصارت بالطبيعي ..

واذا تبين في فواتح شهيه حق اليهال مع اني ما افضلهم والله ..

شوفي انا بنتي مناير ساعات تتعنفق وماتبي وتطلع اللقمه من حلجها تلاقيني احقرهاااا لييييين هي تمد ايدها يعني تبي اسقيها شوت ماي واعطيها وتاكله الله يحفظها..

الله يهديهم ويصلحهم ويستر عليهم ويرزقنا برهم ونفعهم هلعيال ياربي ياحبيبي ولا يضيع تعبنا معاهم..

 

[بحةة آلشۈق]

هلـآ خيتوَ مثل مآقآلتَ آم لطوفَ مآقصصرتَ مآششاءالله
عطيهـآ فآتحَ شهيه ! !
ععـآدي والله يفتحَ شهيتهـآ وبتشوفينهـآ بتتغير آن شالله وكَلَ شي تآكله
الله يوفقكَ

 

[نور83]

ثانكسً خواتيً على الردود وانشاللهً بسوي مثل ما قلتيً ام لطوف صاجًة زيت الزيتون وايد زين. بسوي جذي أحاطه مع اكله بدون ما تشوفه أهي وزناه اقل من الطبيعي بكيلوينً بس شكلها يعفور القلب عصلهً عصلهً و مناعتها اكس كل شوي طايحة. يا حرارة و لا بلاعيمً. لان تغذيتها مؤ شي. وجربت فاتح الشهية ما فاد معاها بالعكس سكر شهيتاهً زايده. ناطرةً باجي الأمهات فيدوناً من خبراتكم مع عيالكم الله يحفظهم

 

[انثى الكويت]

جان وديتها طبيب خلي يكاب على نوع ثاني من فاتح الشهيه يحلل دمها اي شي
لا تسكتين عنها بس مثل ما قالت ام لكوووف قللي الرضعات وحطي لها كورن فلكس كاماو مثلا اشياء حلوه

وسوي لها اصوات عشان تبطل حلحها وساحليها بكاكو ولا عصير قولي لها اكلي واعطيج
ظدام تحب الحليب حاولي معاها باكلات فيها حليب
كورن فلكس
سوي لها ام علي ماتعرفين قولي لي بخاص وادز لج طريقه
بيضه بالحليب اشياء جذي

بس راجعي دكتور بالاول والاخير

واسمله عليها يارب تنفتح شهيتها وتصير بصحه وعافيه

 

[فتون777]

ياربي زي ولدي

 

[نور83]

والله ام شواقهً حاولت شكثرً اساحلهاً العب معاها مافي فايدة. وديتهاً طبيب عطاني فاتح شهية اللي على صورة نحلة. بس اجرب احتلها. كورن فليكس واسوي لها. ام علي أنا اصلا أموت عليها. دزيلي طريقتها انشاللهً تضبط معاي و تأكلها. وانا بعد اكلً معاها. احب هالاكلهً بشكل

 

[مواصله]

يمكن انتي او ابوها لما كنتو صغار كانت بنيتكم ضعيفه فـ طلعت عليكم

اذا تحاتين روحي معاها عند طبيبة تغذيه وتابعي عندها

 

[نور83]

اي والله مواصلة أنا وأبوها كانت بنيتناً صغيرة يوم كنا صغار أنا كانوا يقولوليً كنتي مثل بطل الكتشبً بس أهي وزنها مؤ مناسب حق عمرها

 

[q8 knosha]

انتي شوفي البنت شنو تحب

يعني انا ولدي كبرها يحب الليمون والشغلات الحامضه مرات اذا ما يبي ياكل هل شغله احطله شوية ليمون ياكل
مثلا يحب الروب احطله مع هل اكله شوية روب ياكل

جذي سويلها انتي جربي معاها كل شي لما اتطيحين على اللي تحبه

و وديها الطبيب بعد قوليله يمكن يعطيج مشهيات او فيتامينات شوفي

 

[OM ZAHOOR]

حطي لها صحن الاكل يمها تاكل بيدينها لما تتقبل او ااذ عندكم يهال اكليهم جدامها واو خليهم ياكلون معها لان ولد اخوي جذي مع امه ما ياكل زين بس لما يصير مع مرت اخوي الثانية تاكل ولدها لما يشوفه ياكل يغار منه وياكل


والله لا يعور قلبج عليها

 

[جنى]

قللي الحليب

الصبح عطيها شوفان بالحليب (تفوحين حليب و شوية شوفان و حلييه بالعسل)
العصر محلبية _ كريم كرميل _ روب المراعي اللي بالفراولة و البرتقال

العشا بيتزا _ باستا مع صوص ابيض (ما احب سوالف الكريما بهل عمر) انا اخلط جبن مع حليب

اكو باستا ملونه اكو على abcd اكو على شخصيات

سويلها بانكيك


او

ميلك شيك

بالخلاط فراولة و حليب و عسل
فراولة و موز و عسل و حليب
افوكادو مع موز و حليب و عسل
موز بالحليب

 

[جنى]

و انا كله اقول اهتمي بالفايدة مو بالكمية ( اهتمي بتنوع الفيتامينات اللي دشت جسمها اكثر من كمية اكلها )

بس قوليلي جم رضعة باليوم تاخذ اسمله عليها ؟

 

[Um Tuki]

حبيبتي الا الاكل ماتقدرين تغصبين الياهل عليه

اخذي لها صحن على كاركاتور .. تويتي ميكي الا تحبين

شكلي لها الاكل على وجوده

دشي قوقل و تعلمي .. يارب ينفع معاها ..

موب مهم ضعيفة او متينة اهم شي بصحة و سلامة يا حبيبتي ..

 

[ام الحلوااات]

اللــــه يـــعــــــيــــــنــــــج

 

[ام سالم العنزي]

السلام. عليكم اشلونكم يا أحلى الأمهات ابي مساعدتكم بنتي تعبتنيً نفسيا عمرها سنة ونص سملهً عليها و ضعيفة حييييل. ما تأكل عائشة على الحليب. جربت كل شي معاها. اسوي اكلها بنفسي. خضروات مع كرونه بطاط عيش ما تأكل. ما فيه شي معين تحبه ما ادري يسوي و اللي يشوقه يقوليً ً حرام بنتجً ضعيفة ليش ما توكلينها:rgewrg: أنزينً أنا شنوً قاعد اسوي طول اليوم. :eh_s(11): والله تعبت معاها تعبت حاولت بالهدوء ما فيه فايدةً تخيلوا أحط اللقمة بحلجهاً تطلع ها بلسانها بله شسويً. ساعدوني خواتيً. :eh_s(7):

الله يعينج يارب حاولي تودينها دكتور متخصص بتغذيه الاطفال احسن يقدر يساعدج اكيد ماره عليه حالات نفس بنتج
ومرات الام. تحس ان وزن عيالها مو طبيعي والاطفال في فروقات ببنيه الجسم ومو دايما سمنه الاطفال دليل عافيه
والله يخليها لج وتفرحين فيها عروسه يارب

 

[mrs.perfect]

عالحليب المفروض تصير بطه
غريبة
غيري حليبها وكثريلها بسكوت خل تتوسع معدتها
وبعدين فرشيلها عالارض وحطي العيش ولسيها صدرية
خل تفرش العيش فراااش يمكن تدخل جم لقمة ولو بالغلط
انا بنتي كبر ومثل بنتج ماتاكل ووزنها الله بالخير
ماتاكل الا لمن احطلها العيش عالارض

 

[نور83]

مشكورين خواتيً على النصائح الطيبة هذي ما قصرتواً الصراحة. حليبها نان٣. ما يمتن خفيف تأخذ رضعتينً مرات ثلاثة انشاللهً بطبق النصائح اللي قلتوهاً وانشاللهً يزد وزنها وتتعافى شوي

 

[نـعـومـه]

راجعي طبيب احسن الياهل بهالعمر صعب تغصبينه