بنتي جبيبتي ذابحتها الكحه ساعدوني

[كل الحلا فحبيبي]

السلام عليكم ورحمة الله وبركاته

بنات انا بنتي عمرها سنه و3 شهور ذابحتها الكحه وبالليل ماتنام تكسر الخاطر وهي قبل كان حيييل يطلع وصخ من خشمها على طول وعطيتها بخاخ ومانفع معاها شسوي صوت صدرها يخرع مو على عمرها جنه صدر واحد مدخن حتى صوتها تغير بعد عمري عمرها بنيتي تكفون اللي تعرف علاج للكحه والرشح تقولي عنه واللي تعرف دكتور شاطر تقولي عنه جعله الله في ميزان حسناتكم

 

[روح مغليها]

روحي الهادي ممتازين للاطفال

 

[حروف من ذهب*]

كل عيالنا الحين مراضا وكحله وصدر وحراره من الجوو الله يشفيهم

 

[pitty pop]

حبيبتي الله يشافيها لج يارب

أحسن مستشفى للأطفال و من بعد تجربة أكثر من مستشفى و عيادة عندج مستشفى الراشد حق الأطفال ممتازين حيل وديها حق د: حنان وااايد شاطرة ، قبل كنت أودي بنوتي عند د : فيدورا بس أتوقع انه طلع من عندهم ..

عندج د: حسن رئيس قسم الأطفال أو د: حنان علاجهم وحدة بوحدة

موفقة يارب

 

[قلب الزعابي]

حبيبتي جربي هنا لدواء واااااااااااايد زين
اسمه بروسبان
يلين الصدر
أنا وااايد أعاني من ولدي عمره سنه وثمان شهور تقريبا
من يبته وهو يعاني من الكحه
تعبت معاه قمت اسوي له بخار وأعطيه هالدوا بروسبان مال أعشاب عليه رسمة عشبة نفس ورق عنب خخخخخ
اصلا الدكتور قال مب زين تعطين الطفل دوا الكحه بس هذا زين ومايضر ان شاء الله كله أعشاب وطعمه عسل
أنا ولدي من آتيه الكحه اعطيه ويحب طعمه هخخخخخ
صح ابتعادي عن الدخوووون
لا تعطينها اي شي باااااارد
لا تسبحين ها كل يووووم
بس قبل كل شي أستشيرك الصيدلي او الدكتور بخصوص الدوا
أنا من ولدي يمرض أخذه من الصيد ليه ويصفى الحمدلله بس على أتفه سبب ترد له الكحه. :eh_s(16):

 

[قلب الزعابي]

صح عطيها على الريج ملعقة عسل
وقبل النوم ملعقه او حطيه فالحليب اذا تشرب

 

[شانيل نمبر 5]

العسل مايصير قبل 3سنوات
يزيد الحساسيه

 

[ناتشوو]

استمري ع الكمام
( الفنتولين)
نعمة من الله

في تحاميل للبلغم

واهم شي قطرة الخشم
استمري ٤ مرات باليوم ع الاقل


بشكل عام
التزمي بكلام الاطبا
ودام وصل ان صوت صدرها خشخشة
لا تتهاونين بعلاجها
وغالبا الكمام بيكون
ويمكن يعطونج بولمكورت

 

[PuPa^^SWeeT]

وديها الطبيب


يعطيها ادوية غير قطرة الخشم


اذا ماعطاها شي وديها خاص



و انا عندي بنتي فيها ربووو




اعطيها كمام فنتولين


بس ساعات اعطييها كمام ماي مقطر بس يصفي الشعب الهوائية




وترا حاليا مع الغبار و الوسخ و التحول الجوي و الحرارة و البروودة



عادي بس وديها الطبيب و لازميها

 

[انا لها شمس]

واللهً انا بنتي صدرها يخرخش واحتفالات
عطيتها تحاميل بلغم عشان ينزل
وشربيها اعشاب ورق الجوافه وااايد زين للصدر

 

[يالله تعديها]

انا ولدي عمره ٦ سنواات وما ينام الا بكمام من الكحه بس احط له ماي بدون دوا وحتى بسافر والا انام عند اهلي اول شي احطه هو الكمام ووديته كل مكان قالوا حساسيه لما يكبر ترووح المهم سألت وحده قالت انه شارب من الماي بالولاده وان هذا السبب قلت طيب والحل قالت عطيه خروع ٨ مل اسبووعيا والله العظيم ياابنات انه شهر يعني اربع مرات او خمس تحسن ٨٠ بالميه والحين صرت اعطيه اسبوع واسبوع لا اقطعه تدريجي،،،
اسفه ع الاطاله واتمنى اني فدتكم

 

[ميمي..]

ماتشووف شر يارب