بنتي تعبت وايد .. والدكاتره مو حاسين بوضعها

[om al ghaleen]

السلام عليكم "
بنات الله يعطيكم العافيه
بنتي شهر واحد تكمل السنه وصارلها شهر بالضبط
تعبااانه .. مشكلتها اول شي كان معاها تكرمون اسهال وتمت اسبوعين كله اسهال عالجتها والحمدالله بعدها صار معاها امساك قوي
وعالجتها وبديت اعطيها صناعي من عمرها 7 شهور ونص واستخدمت لها سيملاك ماتقبلته و اس 26 وماتقبلته لين الحمدالله استخدمت لها نوفلاك 2 لحالات الامساك وقالي الدكتور ع طول عطيها هالحليب لاني استخدمته لها وبعدها عطيتها العادي فرجع الامساك وبدت المعاناه تكرمون طلع لها مثل البواسير اخييه لا بغت تخرج تبجي بجي تقطع القلب والله بنات ابجي معاها اهي اسم الله عليها هاديه ومو دلوعه كلش فقيره تعور القلب بس وقت الخروج تتعصر مع انه بطنها مو امساك بس من اللي طالع لها
وديتها مستشفى مبارك ومستشفى ابن سينا سووا لها اشعه ويعطيني مسهل مع أدول ومضاد حيوي و كريم موضوعي وكلش هالعلاج مو مقتنعه فيه
ودكاتره الحكومه تقول هالعمر مانسوي له عمليه !!




ابي دكتور شاطر بوضع بنتي الله يخليكم
والله ياليت يصير فيني هالشي ولا اشوفها تبجي وتتعصر : (

 

[زين الاوصاف]

ياااربي كسرت خاطري الله يشفيها يااارب استعملي العلاج اللي عطاها الدكتور وان شاء الله تصير زينه
او ارجعي عطيها نوفلاك 2
ماحبيت اطلع من غير ما ارد الله يشفيهااا ياااااارب

 

[om al ghaleen]

حبيبتي مشكووره ماقصرتي لا انا مستمره ع نوفلاك ماراح اغيره
وعلاجها طول .. تعبت وايد

 

[* ملكني الخوف *]

حبيتي عطيها مسهل انا خذيته من الصباح بس حق كبار روحي الصباح وقولي ابي مسهل والله الامساك يروح يمكن ذابحها الامساك جربي المسهل والله بتدعيلي وعلطول هويها ورشها بماي دااااافي صوب البواسير لمده ربع ساعه نص ساعه كليوم وان شالله بأذن الله كلشي بيختفي والله كسرت خاطري ياحياتي عسى الله يشفيها ويشفي جميع مرضى المسلمين يارب بنات اللي تدش شدعوه ع الاقل دعوه حق البنت الله يسامحكم

 

[* ملكني الخوف *]

جربي حليب نان تراه حده خفيف حق اليهال اخف حليب ع المعده

 

[shak!shoka]

بواسير عاد
اخييييييه
يا بعد قلبي الله يشفيييييها
لا تهملين الكريم الموضعي

و روحي الخاص شوفي شيقولون

و صح حليب نان يهببببل و خفييييف عن تجربه*

 

[ms.mercedes]

ياربي يشافيها لج ماعندي فكره والله

 

[Eng.Kokoro]

الله يشفيييهاااااااا الكباااار يصير فيهم امساك يتخصبقوووووون شحااااال هالعنونه 

 

[Melazlaza]

اذا صج تبين حل للمشكلة لا تدورين اي حل بالمنتدى
طيراااان عالمستشفى الخاص شرحي الحالة كاملة والطبيب هذا اختصاصه

انصحج عقب تجارب
مستشفى السلام دكتور آغا

والله يطمن قلبج عليها

 

[nadoo]

الله يشافيهااا وتشوفينهاااا عروسه

 

[c a t w o m a n]

أخيه يا قلبي البواسير أنا كنت أبجي منه روحي خاص روحي كل مكان مركز الطب الإسلامي يعالجون بالأعشاب مو متخيلة هالعمر عملية و خياط إسمالله عليها

الله يشافيها إنشالله يروح بلا ردة بس حاليا حرصي بطنها لا يمسك تماما

 

[ام الحلوااات]

اللــــــــــــه يــــشــــفــــيـــــهــــــــا

 

[أم لطووف]

ياعمري والله
الله يعينها ويعينج ويشافيها رب العالمين..
نصيحه اخيتي والله سيده وديها حق الدكتور خالد السعيد هالدكتور ماشاء الله واايد شاطر ابهالسوالف وليدي كانت حرارته مرتفعه واسهال تكرمين مقعدته شبت من تحت ناااار وكل مادخلته الحمام بغسله قام يصارخ من قمت راسه ما يبي الماي والله اني ابجي ع بجيه فقير
خطيتله كذا كريم دكتكورت وبيبانثين بس ماش ماكو فايده قلت هل اوديه حق دكتوره
ويوم شافه قال صج مسكين وحيييييل تعوره عطاني حليبه ابتاميل خاص حق حالات الاسهال وكريمين استخدمهم ٣ مرات باليوم والحبن مستمره عليهم وما شاء الله كل يوم قاعد يتحسن..
والله من كثر نا امدح هالدكتور جني قاعده اسويله دعايهبس الصراحه يستاهل ما شاء الله علبه تبارك الرحمن ..

 

[فتون777]

والله ماعندي خبره
يارب ياكريم اشفيها

 

[ملامح بريئة]

الله يشفيها انشاالله وانتبهي لتغذيتها وترا مشكلتها من الحليب وتغير انواعهىعليها اما البواسير فممكن تعالجين بفازلين ومرة وخوا جوا من هالطب الشعبي. واذا حابة في حريم يعالجون الجهال ام ماجد بالعارضية شاطرة بهالسوالف اذا تبين رقمها ادزه عالخاص

 

[نور83]

الله يشافيهاً لج يارب الله يعينها وديهاً خاص والله كريم انشاللهً ما فيها الا العافية

 

[*E.B.D.A.3*]

ياعمرييييييييييي عورتي قلبييييييييييييييييييييييي
طول ما انا اقرى الموضوع كنت افكر انصحج بطريقة اعشاب لكن لمه وصلت جزئية البواسير لاااااا
اهني ينتهي دور الطب البديل تماما ...

شوفي على حد علمي بالبواسير ،، كل الدكاتره المتخصصين بهالشي يضبطونه سواء حكومة والا خاص
لان طريقه التعامل مع البواسير وحده ... مافيها تفلسف ،، يعني مو مثل الاسنان مثلا ، دكتور عن دكتور يفرق!
اخت زوجي فيها بواسير والله ماراحت ولا طبيب خاص وتشافت منه نهائيا
لكن الوضع عندج يفرق لسبب واحد ... بنتج صغيره !!!!!
وهالشي انا مالي علم او خبره فيه فمراح اقدر افتيلج وايد .. لكن احب اطمنج من ناحية ان غالبيه الدكاتره المتخصصين زينين
لان طريقه التعامل مع البواسير خصوصا المتطور منها ... اهيه وحده ،،

 

[أم وليد الشمري]

حيااااااتي هي ... ربي يشفيها ويحفظها لج
هالمشكله كانت بالضبط مع ولد أختي
مافي مستشفى حكومي والا خاص الا راحت له
تعبت وذبل ولدهاااا حيييييل
بعدين لقت وحده قالت لها على دكتور اسمه الشرقاوي بالجهراء
ومن رحت له ولدها صار شحلاته مافيه الا العافيه
حتى واعلي كان ما يلعب ولا يشارك مع اليهال الحين
اسم الله عليه يناقزز ويلعب

 

[om al ghaleen]

حبايبي مشكوورين مشكورين وايد ريحتوني
اهيا فعلا ترا ماتلعب كلش تكسر الخاطر قبل
مربربه وعافيتها تهبل الحين خقت وايد من تكرمون الاسهال
كتبت اسامي الدكاتره وان شاء الله بروح لهم
ماقصرتوا بنات والله يبعد كل مكروووه عنكم

\\

 

[hooryah q8]

الله يشافيها يارب و البنات ماقصروا معاج
ان شاءالله تتشافى بأسرع وقت