بنتي تخاف مني !!

[حلاوتي حلوه]

السلام عليكم !!


عندي مشكله مع بنتي لسانها حيل طويل وعمرها 4 سنين من واهيا صغير ابوها حيل حيل مدلعه ولا يرضا احد يكلمها ولي كلمتها صراخ و تمردت البنت وكله اكلم زوجي على بنتي بأسلوب هادي وصراخ وبسياسه مافي فايده !! وحتى لما نطلع اي مكان اخذها تزف واذا احد كلمها ترد عليه بعوابه حيل حيل تعبانه معاها ولما اكلمها حبيبتي عيب ناس جذي ما تلعب معاج خلج مؤدبه مافي فايده

عندي ولد اصغر منها حيل يفرق عنها مؤدب وخلوق

من سبوع واحنا نتعشى عطت اخوها طراق بدون سبب والمسكين يبي يوخر ايدها ابوه صرخ بوجها والولد فز حيل

أنا هني ما تحملت الموقف واول مره اقوم على بنتي واطقها طق فقد اعصابي مسكتها من شعرها وطراقات ودست عليها اطقها وانا ابجي لانها كاسره خاطري وكنت اقولها بذبحج أنا طبيعتي لما اعصب حيل حيل افقد اعصابي بس طقيتها حيل

شوي وارجع لها والمها وابوس واعتذر منها بس بنتي كاشه مني وخايفه ولي الحين تخاف شريت لها العاب واسولف معاها واكلمها بسياسه بس خذت مني موقف اكلمها ولا جنها تسمعني ولما اشوف بصاله وتطيح عينها علي تفز مني وتخاف

امس كسرت خاطري تقولي مابي اموت لا تذبحني !! كلمه اذبحج لازقت براسها وحاولت بكل شيء اقولها لا تخافين مني بس بنتي للحين خايفه مني وما تأخذ وتعطي معاي بكلام نفس قبل وكله ساكته مو نفس قبل حيل حيل متحسفه وكل يوم ابجي واتحسف اني مديت ايدي بس والله بدون قصد ساعدوني عفيه عطوني حلول معاها تعبت !!! كل شيء سويته

 

[attoosh]

حبيبتي بلا شك انتي عارفه انه الطق عمره ماكان اربي بالعكس ازيد التمرد وايخلي الياهل اخاف ما يحترم بس حنا ساعات نفقد اعصابنا مو بيدنا والحين صار اللي صار طقيتيها وقامت تخاف اول شي انتي والابو لازم تتفقون بتربية اليهال مو واحد يطق وعصبي وثاني ادلع جذيه الياهل اصير عنده لبسسس احس ان فيه واحد شرير وثاني زين وبالتالي تترتب على هل شي سلوكيات بنتج لا قولي حق ريلج ( وادي عزيز وتربيته اعز) ومو معناته لما انعلمها الصح من الغلط ان حنا نكرها لا وديرو بالكم من الدلع الزايد والله ان يدمر الياهل عدل وبالنسبع لعلاقتج فيها الحين بظل شويه تخاف ويبيلها فتره وتنسى وغيري تعاملج معاها العقاب مو بس طق عنج حرمان زعلي عليها تجاهليها عرفتي بس لا تمدين ادينج او تصارخين ابتعدي عن هل شغلتين واذا اطريتي كلش طقي على الايد او الخلفيه يعني طق تأديبي وباين ان بتج تغار من اخوها دايما الطفل المدلل اغار بزوده عن غيره انتي احتويها وتقربي منها بس تفرطين بالدلع على ابو ان ضميرج مأنبج يعني ما ابيج تعالجين الغلط بغلط وربي يهديها وييسر امرج

 

[ناتشوو]

بصراحة ماراح الومج
ويمكن الموقف ع القسوة اللي فيه
بس خيرة لها
علشان لا تزداد عوابة

وانت مو حيل تلزقين فيها وهدايا
علشان تعرف ليش انطقت
مو طق شديد وفجأة تدليع بزود
بس وصليلها اللي تتصرف عدل
وبأدب
تستاهل هدية

الله يهديها
ويصلحها ويرزقج بر عيالج

 

[حلاوتي حلوه]

بلعكس ما تغار من اخوها !! اهيا اصلن مدلل حيل حيل وهشي بسبت ابوها واهوا مايدلل ولدي كثرها يحبها اكثر من ولد ولما طقت ولدي ورفع ايده عليها زوجي صرخ على ولدي لانه مايرضا عليها عادي تطق بس ما تنطق دايم يقول جذي وحارمني من اشياء عشانها لا مخليني ادرس ولا اشتغل مايبي خدامه بالبيت مقعدتي عشانها لين تكبر !! اهوا طريقه غلط وكلمته أنا واهلي واهله مخه مقفل وضياع مفتاحه بحر

 

[ملكه الحطب]

دام الابو جذي ف الله يعينج وماالومج لي فقدتي اعصابج مره فقدت اعصابي على ولدي وتحسفت وقمت ابجي بس مايفيد فيهم هالجهال صج ماكو فايده ومدخلته حضانه هالفتره عشان يطخ الا زاااد وصار لسان مالج الا الدعاء قمت مااطق واحاول اخذه بالسياسه ولما ينام اقرى عليه المعوذات وادعي لعيالي الله يهديهم بس

 

[M!SS.LOBY]

( ناتشوو) ماقصرت

 

[M!SS.LOBY]

بس ضرووري تتعلم الادب مادام 4سنين عمرها الله يحفظها لج

 

[بنت الاحلام]

الله يهديها لج

 

[M!SS.LOBY]

الله يهديها

 

[قلب زوجي وولدي]

بس انتي قلتي أنها عوبه واهي توها ٤ سنين فيمكن يكون درس لها ونصيحه لا تدلعينها وايد بعد هالطق
لانه اهي يوم انطقت سوت غلط ماله داعي طق أخوها لازم تتعلم
الأدب ما عليج باجر تنسي أنا ساعات جذي عيالي يخلوني أعصب
وأطق بس الحين عشان ما أطق صرت أقرص يقولون القرصه تربي أي غلطه يسونها
قرصه لين ولدي الكبير تعدل اشوي والله يسخرهم لنا ويهديهم

 

[ملاك من الورد]

انا بجيت من قريت حكيها ..الله يخليج لاتطقينها ....بس ازعلي عليها ولاتحكينها انا ابوي كان مره مدلعن حيل وكنت مثلها ..وامي كانت تحب اخوي الصغير لانه هادي ....وبس امي ماعمرها طقتني على عوابتي ....كانت تشطفن ..لازلعت علي واجي احبها واتودد لها عشان تسامحني والسبب اني كنت اطق اخوي لاني اغار منه لان امي تحبه لانه الصغير وهادي ومطيع لها وانا كنت محبوبه ابوي للاحين ابوي يحبن اكثر عياله وامي تحب اخوي للحين وبعده انا مع اننا الحين 8 واصغرنا بسادس يعني 2 متوسط عندكم ...بس كانت سياستها الشطف تزعل علي يومين لين اراضيها واحبب موطيها ...عشان ترضي ..

 

[@أم يوســـف@]

الله يهديها ويصلحها ويخليها لج

 

[M!SS.LOBY]

الله يسخرهم لج