بنتي بمدرسة انجليزية وتبيني اسويلها عيد ميلاد..افكاركم

[لؤلؤية]

بنات شاخباركم

انا كتبت كلشي بالعنوان

:happybday:

ياطويلات العمر بنتي بمدرسة انجليزية...بتكمل 7 سنوات
ودايما تنعزم لاعياد ميلاد رفيجاتها...وحاليا تبيني اسويلها عيد ميلاد

:klhfl:

انا طول عمري اخليه عائلي..بين اهلي واختي

والحين متوهقة..وماعندي فكرة

خاصة انه صديقاتها غالبيتهم اجانب...

انعزمت بالماكدونالدز...السالمية
وبابا جونز اللي المنشر روتانا...وكان برنامجهم حلو...ورسم عالوجوه وساحر
واخر مرة انعزمت بالبرجر كنج اللي بالاكواريوم..ودخلوهم سينما

طبعا المنشر وبرجر كنج الاكواريوم يعطونهم بطاقة فيها رصيد يلعبون بالالعاب


يابنات اللي عزموها كلهم اجانب..وحده بريطانية وابوها امريكي...ووحده اظن رومانية او يونانية...ووحدة كورية
عاد بنتي الوحيدة فيهم اللي كويتية...ولازم تطلع بمستوى لايقل عنهم

عطوني اقتراحات...من خلال تجاربكم

ترى ماودي اسوي شي بالبيت...مالي خلق الخبصة وعفسة اليهال

واهم الام والابو يكونون باستقبال الضيوف

طبعا ابوفيصل ماله بهالسوالف :dddds: حال حال اي مواطن كويتي مخلص :nocommint:
ولايمكن يستقبل معاي :krkrkr: او حتى يطل علينا


ناطرة الردووود اللي تبرد القلب:tek:​

 

[ارجُوان]

عيد ميلاد !!

حكم الإسلام في احتفالات عيد الميلاد للطفل الصغير بشرط ألا يتخلله أي منكر أو حرام أو أي شيء يغضب الله تعالى، وأن الهدف هو فقط إدخال السرور على قلب الطفل وجمع أصدقائه حوله، وأيضاً إدخال البهجة والسرور على قلب والديه وأهل البيت؟
فإن المعلوم لدى كل مسلم أن الاحتفال بيوم الميلاد لم يعهد عن سلف هذه الأمة فعله، بل إن أجدادنا وآباءنا ما كان يعرفونه، وإنما هو من العادات الإفرنجية التي وفدت إلى بلاد المسلمين مع غيرها، فحاكاهم المسلمون فيها؛ تحقيقاً لما تنبأ به رسول الله صلى الله عليه وسلم حين قال: ((لتتبعن سنن من كان قبلكم حذو القذة بالقذة حتى لو دخلوا جحر ضب لدخلتموه))، قالوا: "اليهود والنصارى؟"، قال: ((فمن؟)). والأعياد من خصائص الأمم، وهي من الدين والشرع، والأصل فيها الاتباع والتوقيف؛ روى الشيخان من حديث عائشة رضي الله عنها أن أبا بكر دخل عليها والنبي صلى الله عليه وسلم عندها يوم فطر أو أضحى وعندها قينتان تغنيان بغناء الأنصار يوم بُعاث؛ فقال أبو بكر: "مزمار الشيطان؟"؛ فقال النبي صلى الله عليه وسلم: ((دعهما يا أبا بكر إن لكل قوم عيداً وإن عيدنا هذا اليوم)). يقول ابن تيمية رحمه الله: "إن الأعياد من جملة الشرع والمنهاج والمناسك التي قال الله تعالى: (لكل أمة جعلنا منسكا هم ناسكوه) كالقبلة والصيام، فلا فرق بين مشاركتهم العيد وبين مشاركتهم سائر المنهاج؛ فإن الموافقة في العيد موافقة في الكفر لأن الأعياد هي أخص ما تتميز به الشرائع".

وعليه فلا يجوز الاحتفال بأعياد ميلاد الأطفال ولا تعويدهم على مثل تلك العادات، بل الواجب إشعارهم بتميزهم وتربيتهم على الاعتزاز بدينهم، ويمكن إدخال السرور عليهم بكل وسيلة مباحة، والعلم عند الله تعالى

اتمنى ان اكون افدتك

 

[لؤلؤية]

يزاج الله خير اخت ارجُوان

*
*
ويييييييين من باجي البنات...وين الردود؟؟؟!!!

الصراحة ماتوقعتها منكم :0bee2e8d89:

 

[L a w y e R]

كل عام وهي بخير وعقبال العمر كله انشالله

.
.

حبيبتي بيتزا اكسبرس يشوق

سوالفه وافكاره حلوة حق اعياد الميلاد

خصوصا لما اليهال بروحهم يسوون البيتزا

بس مادري هل هالفكرة تنفع حق عمرهم والا لأ

 

[لؤلؤية]

L o v e L i n e

مشكورة حبيبة قلبي... مريت بيتزا اكسبريس
ولكن قلت ماني مستعيلة..باشوف اماكن ثانية


كنت متوقعة البنات يردون علي

 

[فطومه الحلوة]

بيتزا اكسبرس البدع وااايد حلو

و انا سويت حق ولدي في بوبايز السره هم شغل عدل وايد استانس اهوه و ربعه بالنسبة لي وايد اذرب من ماكدونالز و ترى ولدي هم مثل بنتج مدرسه انجليزيه و ظل طول الكورس يحن يبي عيدميلاد حق ربعه مو للاهل و استانس وايد و مكانه حلو ما في زحمه

 

[لؤلؤية]

مشكورة حبيبة قلبي فطومه

 

[Angel]

بروي بالأفنيوز عندهم برامج حلوة لأعياد الميلاد واخذي البرنامج اللي يناسب ميزانيتج وهابي بيرثدي تو يور بيبي.

 

[sereen]

شوفى عمرى , غالبا الحفله يسوونهافى البيت يكون لها فكرة معينه خاصه اذا فى البيت مثلا تبينها :
اتوصينهم العيال او انتى اتييبن لهم تى شيرتات البنات وردى او يلبسون تاج مثل مالعرووووس على الراس والاولاد يلبسون تى شيرت ازرق تالى
او الحين بالصيف الكل يلبس شورت وتى شيرت هاواى اذا متوفر فى السوق شرطى على الحضور هالشى - ويكون الحفله كلها ديكورات بحريه من الى وتعطينها اسم فى بطاقات الدعوة , عاد فى وايد افكااااااار





يسووون مسابقات بينهم عاد المسابقات شى موطبيعى مثلا :
talent show: كل جروب او طفل عندا موهبه اتسوين لهم برنامج بالدور بس لازماتعرفين مسباقا شنو يبون من ادوات اوحتى المكان يكون مناسب
Mummies-paper toilet: اتسوين جروبات وكل جروب يلف شخص منهم بورق الحمام الله يعزج واللى يخلص باسرع وقت يكون الفايز ويلف الجسم كله من فووووق ليه تحت.

shaving cream: تاخذين كريم الحلاقه ويلعبون فيه
coloring or crafts
jelly-belly اتسوين جلى ملون وتخلين كل واحد فيهم يحاول يشيله بالملعقه بحلجه ويمشى فيه

slide mud اتحطين اطحين فى باديه واتقطين فيهم كور صغار وخل يدوووورنهم اليهال واللى يلقى اكبر كميه بوقت محدد


الاكل :
بيتزا - بورجر - هوت دوج- chips and dip- cips and salsa- pop corn-pull cake-tortilla and chesse-trial mix-homemade punch ) فى البيت اتسوينه عبارة عن اتييبين عصير ليمون اوكى اتسوينه تالى اتييبن قالب مال كيك اتحطين فيه شرايح ليمون وتحطين عليه جزء من عصير الليمون وتجمدينه تالى اتييب باديه كبببيرة حيل اللى يكون معها مغراف كبير اوكى وتحطين فيها العصير اللى يكون مزهب فى مطارة حسب الكميه اللى تبينه وتالى اتيين الباديه الكبيرة الشفافه واتقطين فيها قالب العصير اللى مع شرايح الليمون اجمدت فيه , اشوى حطى عليه ماي حارمن برا عشان ينفصل العصير عن القالب
وتالى فرغى العصير اللى فى المطارة فى الباديه بعد مع الوقت فى الحفله راح يكون العصير بارد وشكله حلو ومايصير خفيف ماى وشرايح الليمون تسبح فيه .
coockies - macroon-humus and pita-

اذا تبين شى بعد من عيونى لان فى وايد افكار عندى

 

[ombaza]

http://www.partydelights.co.uk/?src=affwin
http://www.partybox.co.uk/
وايد حلوين

 

[لؤلؤية]

واي بعد عمري
فديتكم....ماتوقعت الردود

sereen
بعد قلبي
افكارج عجييييبة واتينن بس مالي خلق في البيت كلشششششش
خاصة اني حامل وتعبانه..

 

[sereen]

شوفى عمرى عيل انتى قررى حق العيال اللى بيونج نوع اللبس وخلى المكان اهو يزينج لج المكان بمايتناسب مع الحفله , او تبين اتخلينها بسيطه , انا بصراحه ماشوفهم يغالووووون فى الاعياد الميلاد اللهم البعض من الناس يكون مثلا ياهل وحيدهم , بس الغالبيه العظمى شى بسيط وفى المطعم , حتى هدايا مايوزعوون على الحضو ر ولا يتكلفوووون شى اصلا مرات حتى عل الله وعلى السناك والكيكه مالت عيد الميلا د وبس كان الله غفور رحيم , تبين اكتفى بالالعاب مثلا
لان الطفل يبله انشطه داخل الحفله عشان يلهوووووون .ويصير fun
والله يسهلج عليج يارب