بنتي بلغت ... وان شاء الله بتتحجب ( موضوع للنقاش )

[مفرفشة ومنعنشة]

السلام عليكم ورحمة الله وبركاته

شلونكم بنات :eh_s(7):
ا
ليوم حبيت افتح موضوع ونتناقش فيه وهو
:eh_s(17): حجاب البنات :eh_s(17):

طبعا هالموضوع لكل البنات
وللامهات الي عندهم بنات بسن بلوغ بشكل خاص

انا بنتي الله يحفظها ويصلحها بلغت وعمرها 11 سنه
وان شاء الله ناوية اني احجبها
وطبعا هالشي من يوم اهي صغيرة وانا اقوله لها
انها اذا كبرت بتتحجب
بس الحين صارت الصجية ... والبنت بلغت :eh_s(7):

بنات منو عندها بنت بلغت وحجبتها ؟؟؟
وشنو ردت فعل بنتج ؟؟؟

طبعا هالموضوع مو عشان نتناقش بفرضية الحجاب لانه امر مفروغ منه

الموضوع عشان نتناقش بردة فعل بناتنا لما تحجبوا او قبل لا يتحجبون
احساسنا احنا كأمهات
ردة فعل الناس الي حولج على حجاب بنتج وهي صغيره

:eh_s(17)::eh_s(17)::eh_s(17)::eh_s(17)::eh_s(17):

 

[ديم السحاب]

الموضوع مفروض ينتقل للمناقشات الجاده
وانا من رايي ان البنات اكثرهم لما يقولون لهم اهلهم تحجبو بيرفضون
اولا لانه مايبون يتقيدون يحسون الحجاب قيدهم
وثانيا يستحون لي تحجبو مايبون الناس تدري انهم بلغو ههههه
لكن لااازم يتحجبون لانه هذا بالدين حرام يطلعون سفور وراح تتحاسب الام وهم بعد يتحاسبون

 

[مفرفشة ومنعنشة]

تسلمين ( ديم السحاب )
صح المفروش يكون بقسم المناقشات الجادة
انا حطيته اهني لاني ماعرفت وين احطه !!!
مشكوره حبيبتي
ان شاء الله بنقل الموضوع

 

[VET-Nour]

انا تحجبت قبل ابلغ لمن كان عمري 13
قلت حق امي بيوم ميلادي ال13 ابتحجب و عادي امي ماعارضت ولا شيء :d
المفروض البنت تتحجب من اول يوم تبلغ فيه ,
لانه حرام الرياجيل يشوفون شعرها وتتحاسب علا شعره شعره شافها رجال غريب < حتإ امها تتحاسب ,,

 

[جوري 89]

يسلمووووو

 

[english muffin]

المفروض ماتتحجب غصب الام لازم من اهي صغيرة تفهمها وتوعيها للحجاب

 

[ميرور]

الله يبلغج فيها عروس قولي امين ،،،،

المفروض تكون مهيأه لليوم اللي بتتحجب فيه ،،،

بس انتي يلسي وياها وكلميها وفهميها هالمرحله ،،،


والناس ماعليج منهم،،، واللي بيسالج مب لازم تقولين انه بنتج بلغت وغيره ،،،


لانه في وايد بنات يتحجبن قبل البلوووووغ ،،،،

 

[myomQ8]

مشكووووووؤة

 

[لمى الهاجري]

لووووووول اذكر اول ما تجبت كنت كاره الموضوع استغفر الله كنت صغيرة وماعرف حلال وحرام ونتحاسب

 

[مفرفشة ومنعنشة]

الله يعين
هالزمن كله فتن الله يكافينا الشر
والقابض على دينه كالقابض على جمرة

الله يستر علينا وعلى بناتنا

 

[عويتقة]

يا روحي انتي كلميها واحكي لها عن حلاوة الحجاب وان الله راح يرضى عليها وان الناس راح تحترمها وراح تتميز بأنها مسلمة عفيفة وخليها تتهيأ نفسيا ايااااك ان تحجبيها قوة واحلى شي انك تكلميها وتحكي لها وبالكلمة الطيبة حتى تقول لك يمة ودي اتحجب وعسى ربي تشوفينها عروس يارب

 

[مفرفشة ومنعنشة]

بنات نبي تجاربكم الشخصية
او تجاربكم مع بناتكم

 

[granted]

عن نفسي طفررررت اهلي بالحجاب
بلغت وعمري 14 وماتحجبت صج صج لين 16
لان اهلي كانو منقسمين على الحجاب امي وابوي يبوني اتحجب وعماتي وخالاتي يقولون بعدج صغيرة حرام
كنت اطلع من البيت ساعات بحجاب وساعات بدون ليما امي وابوي وقفولي وقفة حازمه قالولي خلاص مايصير تقطينه مو لعبه وتحجبت الحمدلله

 

[مفرفشة ومنعنشة]

الله يثبتج granted ويهدي بنات المسلمين يارب