بنتي بتتحجب وبسوي حفله

[عتانو]

السلام عليكم
شلونكم بنات
بنتي الله يسلمكم وعقبال بناتكم
بتتحجب وبسويلها حفله
بس مادري شسوي ؟
شوزع على البنات ؟
ابي شي مميز
فكرت بسيادات صغار مع الجادر
بس مادري ابي شي يديد
عطوني رايكم ولي يسلمكم
وسلامتكم يالغالين

 

[( المـلاك )]

حبيبتي
وزعي عالبنات الصغار اللي قد بنتج او اصغر شوي او اكبر شوي
ثوب صلاه فله
ترى يحبونه البنات بهالعمر
خاصه انهم توهم عالحجاب و الصلاه
وليلحين فيهم طفوله و يحبون اغراض فله
بس لا تسأليني من وين لووووول انا اشوف و اسمع بس
بس جنه اذا ماني غلطانه موجود بمكتبه جرير

.

وبعد شنو شنو مممممممممم
وزعي عليهم قصة صغيره ملونه مصورة
تتكلم فيها عن الحجاب بس تكون حلوة و صغيرونه و اهم شي الالوان
لانه بهالعمر يحبون يقرون القصص بعد
وحلوة لما تكون دينيه وفيها موعظة عن الحجاب


و حتى التوزيعات اللي بتسوينها
خليها فناتك كلها على شكل حجاب او بنيه متحجبه او وحده تصلي
تقدرين تطبعين هالصور بعد على الكاكاو وجذي

ومادري بعد
انشالله البنات يساعدونج

و عسى الله يبلغج ببنتج
وانشالله تشوفينها عروس يا رب =)

 

[معشووقة السفر]

مبرووووك والله يصلحها لج وتحتفلين بتفوقها وعرسها يارب
وزعي كتب ادعيه وفي بالمكاتب اتحصلين مثل منظر يتعلق عالباب او بغرفة البنوتات ومطبوع ادعية الصباح والمساء اتحصلينهم بالمكاتب اللي بالديره صوب سوق الصفاة
وبما ان المدارس يايه
اخذي اقلام حلوه وغريبه اللي نهايتهم شخصيات مثلا
اخذي مثلا باندات الملافع اي لون معين ولفيه نفس سويس رول كيك وربطيه بشريطه يستفيدون منه

 

[عتانو]

يالملاك اشكرك من كل قلبي

يامعشوقة السفر النك نيم مالج يشوق

ومشكورين والله يبلغكم ببنياتكم واذا ماعندكم يرزقكم بالذريه الصالحه يارب

وسلامتكم يالغالين

 

[عروس الدنيا]

رد : بنتي بتتحجب وبسوي حفله

حبوبه اول شي مبروك حجاب بنتج والله يثبتها .... ثاني شي
نزلي من اليوتيوب طريقة الصلاة و سيفيهم على سيديات او اشتري سيدي و سوي منه جم نسخه ... و حطيه بجيس صغير و روحي بو 100
اشتري جم شي بناتي
شباصه او اي شي سوالف بنات المهم و حطيهم بجيس حلو و بس

 

[cup-cacke]

اول شي..جم عمر بنوتج

 

[عتانو]

الف شكر ياعروس الليل
حلوه فكرتج بس بسوي موسيديات بسوي بطريقه ثانيه تنفعهم اكثر من السيدي احي استعماله صعب
يمكن على ورق او مادري شنوي بفكر تسلمين على الفكره يالغاليه

 

[عتانو]

اول شي..جم عمر بنوتج

حبيبتي عمرها 9 سنوات

 

[عتانو]

حبيباتي في مره وحده كانت حاطه
بموضوع شجرة الصلاة او تشجيع على الصلاة

منوي عندها فكره

 

[ام طلال]

رد : بنتي بتتحجب وبسوي حفله

الله يبلغج فيها حبيبتي

 

[abo0osha]

الله يحفظهآ لج إن ششآء الله .. ومبروك والبنآت مآ قصروآ s:

 

[Dr.Nouf]

وي 9 سنين ؟ ، ماشاء الله

الله يحفظها

 

[عتانو]

الله يسلمكم
خواتي ماقصرتوي

 

[دقدوقه]

رد : بنتي بتتحجب وبسوي حفله

طريقة التعامل معها

كيفية نشر الفكرة...
جميعنا لديه اقارب كبار وصغار
نقوم فقط بطبع الصورتين ونذهب بها الى المصور وننسخ عنها عدة نسخ مع تكبير الشجرة ليتم وضعها على الحائط

هدف الشجرة
تعزيز الرقابه الشخصية لدى الطفل وتمكين اهمية الصلاة في نفسه

طريقة التعامل مع الشجرة
تحت رقابة الأهل وتشجيعهم وتحفيزهم لابنائهم على الصلاة وتحضير المكافئات التي تناسب ابنهم كجائزه ان هم حافظوا على نضارة شجرتهم

 

[السنعة2]

رد : بنتي بتتحجب وبسوي حفله

روعة فكرة الشجره يسلمووووووووووووووووو

 

[دقدوقه]

رد : بنتي بتتحجب وبسوي حفله

اختي بحطلج جم صوره تقدرين تستفيدين منهم

 

[دقدوقه]

رد : بنتي بتتحجب وبسوي حفله

 

[دقدوقه]

رد : بنتي بتتحجب وبسوي حفله

تقدرين تحطين اناشيد اسلاميه حق الحجاب وسوالف جي

 

[كويتيه ذربه]

اخذي سجاده صغيره
وحجاب << تلقينهم الحين حتى بنص
ومصحف صغير
ولعبه بنت لابسه ثوب صلاة
واخذي اغراش صغار حطي فيهم لوشن وطبعي عليها صوره بنتج وهيا لابسه الحجاب او عليها اسمها
وطبعا عند بو مئه شباصات وهالسوالف
وحطيهم بجيس ووزعيهم

 

[صفاءء]

هلا حياتي الف مبروك وربي يحفظها ويستر عليها يا رب


يالغاليه تقدرين توزعين ابجورات ناعمه حلوه ( لوتحبين عندي ابجورات صغار ) ابجورة على شكل شفايف ناعمه وحلوين

او عندي مفاتيح شحلاتهم مثلا هلوكيتي وزعي عليهم شي يديد شوفيهم في توقيعي يالغاليه وفي ابواك بعد بوك الكوتكس بس هو طبعا لان شكله بنان يوحلو يستخدم حق الافلوس للصغار شوفي شكلهم في توقيعي

وعندي اجياس خاصه حق التوزيعات شكل فراوله والسعر وايد زين

ولوتبين اسوي لج كاكاو احط لج صورتها طبعا الكاكاو شوفي في التوقيع احط لج الصوره على الكاكوه نفسها مو على القرطاس وايد وايد ذرب

وعندي مدفع الورد الكبير الي شكله وايد حلو ويعطي جو للحفله يالغاليه

طبعا عندي شغلات ثانيه لوتبيحن راسليني على الخاص يالغاليه