بنتي الصغيرة و زوجي ؟؟؟

[رونـق]

السلام عليكم

بصراحة احترت بكتابة العنوان

المهم

السالفة و مافيها

اني كنت ابدل ملابس بنتي الصغيرة في بيت حماتي بالصالة عند الحمام ( عزكم الله ) و كان بالصالة زوجي مع زوج اخته بس كانوا بعيد يطالعون التلفزيون و ماكان مكان اغير حق بنتي الا هالمكان لانه شقتهم صغيرة

زوجي لما شافني قام و عصب و قال لا تبدلين بنتج عند غير الحريم ( هالكلام بيني و بينه مو بصوت عالي )

زوجي ما يرضى اغير حفاظة البنت ( عزكم الله ) حتى جدامه و من يوم ما ولدتها يقول هالشي حرام
حتى لوكانت صغيرة و المفروض حتى الابو ما يشوف عورة بنته

كانت بالعزيمة اخت زوج حماتي فقلت لها
قالت اصلا عادي و زوجج مبالغ و اصلا مافيها شي كلها بنت صغيرة
و ان بناتها عادي و حتى مرات زوجها يغسلهم و يسبحهم اذا كانت متاخرة بالدوام

المهم بالبيت رجع زوجي و فتح الموضوع و قالي
تذكرين لما كنا بالشاليه الحرمة الي كانت تغير حفاظة بنتها
كان عامل بنغالي يروح و يرد و يطالع عورة البنت
و قال انه في رياييل يحبون يطالعون عورة البنات الصغار

انا رفيجتي مرة قالت ان اخوها مرة خانق زوجته لان خذامتها غيرت ملابس البنت قبال الحمامات بالمنتزه

انا رحت ابحث على الانترنت عن احاديث او ايات تدل على حرمة اظهار عورة البنت الصغيرة فمالقيت و قلت حق زوجي اني اشوف ناس ملتزمين بالعباية او النقاب ساعات يكون عورة بناتهم طالعة
قال لي مو كل الناس اللي ملتزمة باللبس تكون ملتزمة بدينها وايد

فما ادري شنو رايكم او وجهة نظركم بالموضوع

 

[اموله111]

تغيرين لبنتك في الصاله مافي غرف معقوله
زوجك معاه الحق
انا مستحيل اغير لبنتي عند ابوها احس انه عيب

 

[جروح76]

والله يا إختي كلام زوجك صحيح ميه بالميه وهذا كله من خوفه وحرصه على بنته معاه حق والله صرنا في زمن يخرع
يعني انتي ما سمعتي عن التحرشات الجنسيه للأطفال من أقرب الناس مثل عمهم أو خالهم أو حتى الخدامات ماصارت مشاكل على نفس الموظوع إنه الخدامه تخرب بنت المعزبه وتنتقم منها في بنتها!!! حسبي الله عليهم
المهم إختي الله يستر على بناتنا وبنات المسليمن آمين يا رب العالمين
ومثل ما قالج زوجج لا تغيرين لها في أي مكان حتى لو عند ناس قراب منكم

 

[shoka]

مادري انا اغير لها بالحمام حاطتلي كبت مال تغيير الحفاظ للبيببي داخل الحمام واذا طلعت بره او مكان زايره فيه اغيرلها باي غرفه ومو جدام الناس


يعني مو حلو شكلي وانا اغير لها جدام الناس عرفتي جذي عادي اقعد بالغرفه وابدل لها





اوووو اذا ماكو غرف كلللش عاد بالمره اغير لها واغطيها بالفوطه ما اخليها تتكشف مو عن اصلن انا اخاف عليها من الهوا البارد على بطنها بسرعه تلقط الهوا على طول اغطيها في ناس ولا مافي

 

[يمة يادلبي]

اي والله ريلج صاج شنو الرايح والراد يشوف عورة بنتج
انا بصراحة انقهر من هالمنظر حتى لو كان ياهل عيييييب باجر لا كبر الياهل بيتعود ان يتفصخ قبال الي يسوى والي مايسوى
وهم رحميها من اللي مافي بقلوبهم رحمة حتى اليهال يفكرون فيهم

 

[LaDantel]

انا مع زوجج .. كلامه صح

ستري بنتج احسن .. ومدام زوجج قال هالشي المفروض تفرحين لانه يحافظ على بنته ويخاف عليها ويحاتيها

ديري بالج

 

[cat^q8]

انتي مثلي بالضبط

يقول ان عيب الابو يشوف عورة بنته الصغيرة

بس انا في رايي لأ ، والله ان عمي ابو ريلي يغير حفاظات و حتى يحط تحاميل تكرموون حق عياله من كثر ماهوه مهتم فيهم

وريلي يقول حرام

اما من ناحية المكان العام لا طبعا اسوي مثلا اروح مكان صاد واغير لها

 

[kookiss]

صح كلام ريلج الدنيا مالها امان
وثاني شي عشان الياهل مايتعود ويروح عنه المستحي لما يكبر

 

[AUK GirL]

اهوا صح معاه حقق عن سالفة الشاليه

بس مدام بنته صغيرا عادي بس اهوا يمكن مايحب

تبين الصراحه طوفييييي السالفه وصج خو ليش تبيينه يشووف عورة بنته لووووووووووووووووووووووووول

وصح كلامه مايصير اذا بنته كانت كبيرا بس عادى طوفيها حصل خيير

 

[شهدالعسل]

كلام زوجك صح و لا تزعلين لانه هذا العوره حتي اذا عندج ولد ضغير ما يصير يكون جنبج وانتي تغير ين حق بنتج لانه عيال يعرفون كل شي لا تقولي عمره صغير

 

[أمواج البحر]

زوجج معاه حق

خايف على بنتكم والله الحين الدنيا ما ترحم

بس على سالفة الابو حرام يشوف عروة بنته! ما ادري صراحه

ممممممممممم ممكن يكون عيب

انا ابوي مغير حفاظاتنا انا وخواتي يوم كنا صغار مع ان ابوي الحمدلله دين وملتزم

بس اتوقع انه يقولج حرام من باب الحيا

والله يخلي بنيتكم

 

[BaLLoNa]

raylech kalama 3dl 100% sm3e kalama ahwa adra wa sij fe nass martha 7ta 3albabyat yeshtehon enty etgolen la lana galbech abyath watshofen alnass klhom zenen bss matdren aldnya shlon 9ayra

 

[ام سعود ديكسون]

يمكن ريلج يشوف ان مو عدلة ينكشف علي بنته مع ان وايد رياييل يبدلون حفاظات بناتهم بس ريلج ما يحب لا تجبرينه

ويمكن بعد حريص لا تلومينه هالزمن يخوف كثر زنا المحارم وكثر التحرش باليهال من هالعزابية ومن الشباب اللي لا ذمة ولا ضمير

خو خبرج الحين منتشر الادمان واللي مو بوعيه يمكن يرتكب جريمة بدون لا يقول هذي ياهلة بعيد الشر عن بنيتج

ريلج يبيج تحرصين ع البنت لا يصير كله واحد عندج وعندها فاحسن بدلي لها بمحل صاد خل تتعلم بالفطرة ان هذا عيب وعورة

محد غير الماما يشوفها-هالشي ينمي سرعة البديهة عندج بنتج لي صار اي موقف مريب بتكش او تنحاش وتيي تقولج-

 

[ســــــــــما]

يفضل يكون بمكان صاد

سواء بنت او ولد مو حلوه الكل يشوف
بس مادري شنو راي الشرع

 

[om MaRyooM]

ريلج ماغلط . . ويمكن يشمئز من انه يشوف عورة بنت صغيرة حتى لو بنته..في وايد ناس جذي . .

انا بنتي اذا ابدلها وابوها مار مومشكلة بس مايطالع اهوا .. ومستحيل ابدلها جدام احد حتى لو صغيرة..اسمها عورة

 

[سفيره الهم]

عاد تصدقين ان زوجي ما عمره قالي شي بس انا من نفسي استحي ان زوجي يشوف ينتي من غير ملابس ومااغير لبنتي جدامه لو شنو احس انها فطره

 

[غلا مشاري]

بصراحه زوجج معاه حق هذا كلام امهاتنا من قبل لين اليوم متمسكين فيه لاتبدلين البنت جدام الناس خاصه ابوهااا ومايقولون لنا امهاتنا شي الا يعرفون السبب

 

[رونـق]

تغيرين لبنتك في الصاله مافي غرف معقوله
زوجك معاه الحق
انا مستحيل اغير لبنتي عند ابوها احس انه عيب

حماتي ساكنة عند بيت اهلها وشقتهم غرفتين وصالة لان بيتهم مقسوم لشقتين مع غرفة ام و ابو زوجها
و الصالة كبيرة شوي و الحمام يصير على الطرف يعني مو كل واحد يقدر يشوف
يعني مافي مكان ثاني غير غرفة الاطفال و الي كانت لوية و العاب
و غرفة حماتي و كان زوجها بالغرفة اول ما بدلت بنتي و بعدين طلع راح الصالة عند زوجي
علشان جذيه زوجي عصب
لان مر من عندي زوج اخته و انا ما ادري

 

[ام نجـــلاء]

والله يا إختي كلام زوجك صحيح ميه بالميه وهذا كله من خوفه وحرصه على بنته معاه حق والله صرنا في زمن يخرع
يعني انتي ما سمعتي عن التحرشات الجنسيه للأطفال من أقرب الناس مثل عمهم أو خالهم أو حتى الخدامات ماصارت مشاكل على نفس الموظوع إنه الخدامه تخرب بنت المعزبه وتنتقم منها في بنتها!!! حسبي الله عليهم
المهم إختي الله يستر على بناتنا وبنات المسليمن آمين يا رب العالمين
ومثل ما قالج زوجج لا تغيرين لها في أي مكان حتى لو عند ناس قراب منكم

وانا اتفق مع الاخت

 

[رونـق]

والله يا إختي كلام زوجك صحيح ميه بالميه وهذا كله من خوفه وحرصه على بنته معاه حق والله صرنا في زمن يخرع
يعني انتي ما سمعتي عن التحرشات الجنسيه للأطفال من أقرب الناس مثل عمهم أو خالهم أو حتى الخدامات ماصارت مشاكل على نفس الموظوع إنه الخدامه تخرب بنت المعزبه وتنتقم منها في بنتها!!! حسبي الله عليهم
المهم إختي الله يستر على بناتنا وبنات المسليمن آمين يا رب العالمين
ومثل ما قالج زوجج لا تغيرين لها في أي مكان حتى لو عند ناس قراب منكم

مشكورة اختي على الرد
انا ما اخلي بنتي عند الخدامة
انا بنفسي ابدل و اسبح عيالي