بنتي اسنانه متاكله

[بنت الوفا]

بناات بنتي عمرها سنتين واسنانه اغلبه سوس ومتاكله تخرع اهي على طول ماميتها معها ماتهدد مدري شلون افطمها حاولت ماقدرت وحتى دكتوره تقول اسنانها ضعيفه خليها تاكل سمج اهي ماتاكل لحوم حتى اكله شوى كله مماميه
كنت فيه اكزيما الحين شسوى معها شلون افطمها

 

[Lady A]

حرام الله يعينها
تلقين يعورها كلش ولا عوار الاسنان عند اليهال
وديها طبيب اسنان يعالجون السوس اول
وهذي اسنان لبنيه يعني بتطيح ويطلعون لها دايمه وعلميها ع طول تفرش اسنانها
بس المشكله حتى لو لبنيه بس عوار السوس مؤلم
وحاولي تمنعينها من المميه و اشتريلها كوبات او مقات اللي حق اليهال اللي فيهم عود
اشتريليها ع شخصيات تشوقها تهد المميه وحطيلها فيهم عصير او حليب عادي مو مال يهال
والله يحفظها لج حبيبتي

 

[Bio_reem]

حطي لها الحليب بقلاص فيه عود عشان يدخل على طول الحليب مايحتك وايد باسنانها وكبداية للفطام
فرشي اسنانها قبل لا تنام ضروري او حتى اشتري مناديل تنظيف ااسنان الطبية اذا ما تتعاون معاج بالفرشاة

 

[بنت الوفا]

الله يعين ملعوزتني

 

[بحور العنا]

كرهيها بالمميه حطي فيها ملح او فلفل علشان تكرهها
وبعدين هذي اسنان لبنيه مصيرها تطيح حبوبه

 

[M!SS.LOBY]

الله يحفظها لج

 

[مدّهره !]

ربي يعينج عليهاا بس حاولي تبعدينهاا وتحطين لهاا بدائل عن الممااميه

 

[الغضى]

انا المميه اقطعها عن بناتي بالتدريج يعني باليوم تشرب وحده بس
جم يوم بعدين اشيلها واخشها واذا طلبتها ندور وياها و نسأل منو خذاها
بعدين اعطيها حليب الكي دي كاو تشربه واهي نايمه لين تعود
بس حيل صعبة ونفسيتهم تأثر الله يعينا ويهديهم ويصلحهم.

 

[انصاريه قمره]

انا قطعت المميه وافتكيت من الغثى والممسه اساسا اهي الخرااااب وسألي أي طبيب اسنان كل اليهال يأذونااا ومو بسهوله يهدون المميه انتي لي متى مفكره تخلينهااا تشرب هالمميه ؟؟؟ يعني بس علشان تفتكين من الحنه ؟؟ قطعيها بالتدريج ولهيها عن المميه انا عن نفسي قطيتها بالزباله بيوم وليله واستبدلتهاا بكووب خاص للاطفال وقبل النوم اعطيهم كوب حليب وينامون الحمدالله نوم متواصل ما يأذوني مثل ايام المميه يقعدون الفير يبون حليب انتي من اليوم بلشي مع بنتج يومين ثلاث وتتعود صدقيني